Juan 9:29 - Ya Baru nga Tulag

²⁹ Emmu mi met nga binilin ne̍ Apu Diyus to Muyse̍s. Ngem no maipanggep iyan nga toley, madi kami emmu orey no awac ya naggayatan na!” kunen da.

Juan 9:29 Iomraidhean Croise

Matyu 12:24

Ngem ito nadamag dito Parisiyu to winangel ne̍ Je̍sus, kinunen da, “Ya panangpatalew na ka sairu, ket gapu was met iya turay nga e̍cde̍ ne̍ Be̍e̍lse̍bub nga pangulu diya sairu igina,” kunen da.

Matyu 26:61

Ket kinunen didi nga, “Kinunen met nidi nga toley nga agten idi: ‘Mabalin ku nga lasangen ya Te̍mplu ne̍ Apu Diyus, ket mabalin ku nga bangunen manin ka unus tellu nga algew,’ kunen na met,” kunen da.

Lukas 23:2

Ket ito uwed da iya sangu nan, pinabpabasul da nge̍ Je̍sus, nga kinunen da e̍ Pilatu, “Natiliwan mi yani nga toley nga mangiyaw-awan kadiya pada mi nga Hudyu. Ket iparit na met ya panagbayad mi ka buis e̍ Ari Se̍sar, se̍ kunen na met nga igina kanu ya Kristu, nga isa nga ari,” kunen da.

Juan 1:17

Ta agten idi: To Linteg tida nga Hudyu, nipaibilin ne̍ Apu Diyus itun ito Muyse̍s. Ngem ya siaayat nga panangaasi se̍ kinapudnu nga gennung nga nipakaemmu ne̍ Apu Diyusin, ket e̍ Je̍su Kristu met ya nakaigapu kadiyan.

Juan 7:27

Ngem bekken kid nga igina yan, ta no agparang ya Kristu nga ebbon ne̍ Apu Diyus, awan kanu makaemmu no awac ya paggayatan na. Ket idi nga toley, emmu tida met ya naggayatan na,” kunen da.

Juan 7:28

Itu nga e̍ Je̍sus, nga madama pekkem nga mangisursuru enna Te̍mplu, nibileg na ya timec na nga kinunen nan, “Pudnu kad nga em-emmu dac? Se̍ tutu kad nga emmu nu ya naggayatac? Ket ya kinapudnu na, madic inumbe̍t nga gapu was iya bukud ku nga panpanunut, no di lugud gapu iya gabay niya nangibon iyaken. Ket awan pulus kinabusid na. Ngem madi kayu met em-emmu.

Juan 8:14

Ket e̍ Je̍sus, kinunen na igida, “Orey no iyaken mettas ya mangpanecnec iya beggic, pudnu met ya ipacpakaemmuc, ta emmuc met ya naggayatac se̍ ya kapennac. Ngem dakayu, madi kayu emmu ya naggayatac winno ya kapennac.

Juan 9:16

Ket dito duduma kadito Parisiyu, kinunen dan, “Bekken nga gayat e̍ Apu Diyus ya toley nga nangariman iyan, ta madi na met tungpalen ya paglinteggan maipanggep iya Algew Ngilin,” kunen da. Ngem kinunen met diya duduma, “Ay, bekken. Ta no managbasul, madi met makaariman kadiya agten kadiyan nga nakaskasdaaw nga pagilasinan,” kunen da. Itu nga madi da ngarud nagkikinnaawatanin.

Juan 9:24

Ket iya agten iyan, pinalbe̍t manin dito pangpangulu to toley nga naiyanac nga kulap. Ket kinunen da igina, “Agsapata ka man ngarud iya imatang ne̍ Apu Diyus nga pudnu ya ibagam! Ta emmu min nga managbasul nga tutu yan nga toley nga nangpalaing ikew!” kunen da.

Juan 9:30

To nalaingan nga lalaki, kinunen na manin igida, “Ay, nakaskasdaaw nga unay yani! Kunen nu nga madi kayu emmu ya naggayatan na, ngem igina met ya nakapalaing iyaken!

Aramid 22:22

Ket dito Hudyu, naggigicna da ngarud kadito kagkagiyen ne̍ Pablu igida, ngem ito nakagi na to mawe̍ kanu kadiya bekken nga Hudyu, nipkaw da manin nga kinunen da, “Patayen tida ngarudin! Ta bekken nga rumbeng nga agbibiyag yan nga toley!” kunen da.

Aramid 26:22

“Ngem e̍ Apu Diyus, pe̍yeng nac nga tultulungan nga orey patingga ita. Itu nga uwed dac idi nin nga mangipacpakaemmu kadiyan, orey kadiya nanumu man, winno mabigbig nga toley. Ket ya ipacpakaemmuc, itu mettas dito nipadtu pe̍ nito Muyse̍s se̍ dito mammadtu itun.

Aramid 7:35

“Agten iyan ngarud to kinunen ne̍ Apu Diyus e̍ Muyse̍s, ngem madi met gabay dito toltoley ya agpaipangulu e̍ Muyse̍s itun, ta igina ya nagkagiyan da ito kinunen da nga, ‘Ke̍h! Nagan nange̍cde̍ ka turay mu? Ikew kad ya mangukum dakami?’ kunen da itun. Ngem orey agten iyan, e̍ Muyse̍s met latta ya nibon ne̍ Apu Diyus nga mangipangulu se̍ mangisalakan kadito am-ama tida. Ket to anghe̍l nga nagparang ito apuy nga gumilgilab ito kayu, igina ya timulung ito Muyse̍sin.

He̍briyu 1:1

Itun pekkem nga timpu, name̍n-adu ya panangipakaemmu ne̍ Apu Diyus iya kagi na kadito am-ama tida. Nipakaemmu na ngarud ya kagi na igida ka nadumaduma nga wagas gapu kadito mammadtu itun.

He̍briyu 1:2

Ngem ita nga kaodiyan nga timpu win, nipakaemmu nan ya kagi na dactida gapu iya Anac na. Igina met pe̍ ya pinagparsuwa ne̍ Apu Diyus iya amin nga uwed iya lubung, se̍ igina pe̍ ya pinili ne̍ Apu Diyus nga agtawid kadiya amin.