Juan 9:24 - Ya Baru nga Tulag

²⁴ Ket iya agten iyan, pinalbe̍t manin dito pangpangulu to toley nga naiyanac nga kulap. Ket kinunen da igina, “Agsapata ka man ngarud iya imatang ne̍ Apu Diyus nga pudnu ya ibagam! Ta emmu min nga managbasul nga tutu yan nga toley nga nangpalaing ikew!” kunen da.

Juan 9:24 Iomraidhean Croise

Markus 15:27

Ket uwed da pe̍ duwa nga tulisan nga naikumpas e̍ Je̍sus, nga nailansa pe̍ kadiya krus da. Ya isa, uwed iya madiwanan ne̍ Je̍sus, ket ya isa, uwed iya makatigid na.

Lukas 15:2

Ket ito nasingen dito Parisiyu se̍ dito manursuru iya Linteg yan, nagtanabotob da maipanggep e̍ Je̍sus, nga kinunen da, “Ibulun met nidi nga toley diya managbasul, se̍ kasangu na da pe̍ nga mangan!” kunen da.

Lukas 19:7

Ket diya toltoley nga nakasingen iyan, nagtantanabotob da nga amin, nga kinunen da maipanggep e̍ Je̍sus, “Ahah! Nawe̍ met yan nga toley nga nagpasangaili ka managbasul!” kunen da.

Lukas 7:39

Ket to Parisiyu nga nangawis e̍ Je̍sus iya baley na, ito nasingen na to winangel nito babey, kinunen na met iya lemlemmet na maipanggep e̍ Je̍sus, “No pudnu nga mammadtu yani nga toley, malasin na kuma met no nagan nidi nga babey nga mangse̍cse̍cde̍ng igina, se̍ emmu na met no kumaan niya ugali na. Ta managbasul met yani nga babey,” kunen na iya lemlemmet na.

Juan 14:30

Ket ita, madic makapagbayag nga makitbar dakayun, ta nganngani umbe̍tin ya akin-turay idi nga lubung. Awan ngarud turay na iyaken,

Juan 16:2

Ta ilaskig dakayu nad iya pannakigimung nu kadiya gigimungan da. Ngarud, umbe̍t nad ya timpu nga diya orey nagan na nga pumatey dakayu, ibilang da met nga panangidayaw da kanu e̍ Apu Diyus ya panangpatey da dakayu.

Juan 18:30

Ket dito Hudyu, kinunen da, “Madi kami met isangu ikew no bekken nga isa nga managbasul,” kunen da.

Juan 19:6

Ket dito pangpangulu diya agsirsirbi iya Te̍mplu se̍ dito guwardiya, ito nasingen da, kinunen da nga nip-ipkaw, “Pailansam ka krus! Pailansam ka krus!” kunen da met. Ngem kinunen ne̍ Pilatu igida, “Ahah! Biyang nu was yanin! Dakayu nga mismu ya mangilansa igina ka krus. Ta no iyaken, awan met emmuc nga basul na,” kunen na.

Juan 5:23

Agten iyan ngarud ya winangel niya Ama, tasun diya amin nga toley, maiparis kuma ya panagdayaw da iya Anac iya panagdayaw da iya Ama. Ket iya agten iyan, ya madi mangdayaw iya Anac, madi na met pe̍ padayawan ya Ama nga nangibon igina.

Juan 8:46

Awan dakayu ya makabalin nga mangpabasul iyaken. Ket orey pudnu ya ibagbagac, di dac met patiyen.

Juan 8:49

Ket e̍ Je̍sus, kinunen na, “Awan met kinasairu iyaken. Ngem ya kinapudnu na, ya Amac met ya padayawac. Ket dakayu, madi dac met dayawen.

Juan 9:16

Ket dito duduma kadito Parisiyu, kinunen dan, “Bekken nga gayat e̍ Apu Diyus ya toley nga nangariman iyan, ta madi na met tungpalen ya paglinteggan maipanggep iya Algew Ngilin,” kunen da. Ngem kinunen met diya duduma, “Ay, bekken. Ta no managbasul, madi met makaariman kadiya agten kadiyan nga nakaskasdaaw nga pagilasinan,” kunen da. Itu nga madi da ngarud nagkikinnaawatanin.

Juan 9:25

Ket kinunen nito lalaki, “Di yac emmu no uwed basul na winno awan. Basta idi yas ya emmuc: Kulap pac itun, ngem ita, makasingen nac kun!” kunen na.

Ruma 8:3

Winayawayaan nactida ngarud, ta no ya Linteg, madi na met kabaellan nga abaken ya pannakabalin niya basul, gapu ta kurang ya kabaellan diya toley nga mangtungpal. Itu nga e̍ Apu Diyus met ya nangabac kin iya pannakabalin niya basul. Inabac na ngarud ito nibon na ya Anac na nga nagpaitoley, tasun uwed beggi na nga kalanglanga niya managbasul nga beggi tida, se̍ tasun agpaay maigapu ka basul. Ket iya agten iyan, inabac ne̍ Apu Diyusin ya pannakabalin niya basul, gapu iya beggi niya Anac na.

2 Kurintu 5:21

Ta gapu dactida, pinagbalin ne̍ Apu Diyus nge̍ Kristu nga nadusa gapu ka basul, orey awan met pulus basul na. Agten iyan ya winangel na, tasun gapu iya pannakaitipun tida e̍ Kristu, agbalin tida nga napalinteg, nga agten mettas iya kinalinteg ne̍ Apu Diyus.

Paltiing 11:13

Ket iyan mettas nga kanitu, nangyegyeg met ka nabileg gin. Ket napirdi mettin ya apagkapullu nito siyudad, ket uwed met pitu nga ribu nga toley nga natey gapu ito yegyeg. Ket diya nakalasat, napalaus ngarud ya ansing dan, itu nga nagdaydayaw dan e̍ Apu Diyus nga uwed ka langit.