Juan 9:16 - Ya Baru nga Tulag

¹⁶ Ket dito duduma kadito Parisiyu, kinunen dan, “Bekken nga gayat e̍ Apu Diyus ya toley nga nangariman iyan, ta madi na met tungpalen ya paglinteggan maipanggep iya Algew Ngilin,” kunen da. Ngem kinunen met diya duduma, “Ay, bekken. Ta no managbasul, madi met makaariman kadiya agten kadiyan nga nakaskasdaaw nga pagilasinan,” kunen da. Itu nga madi da ngarud nagkikinnaawatanin.

Juan 9:16 Iomraidhean Croise

Matyu 12:10

Ket enna gigimungan, uwed met isa nga lalaki nga nacpe̍t ya ima na. Ket uwed da met pe̍ antuni diya mayat nga mangidarum e̍ Je̍sus, ket nagsapsapul da ka ipabasul da kuma igina. Itu nga nagsaludsud da igina nga kinunen da, “Sigun iya Linteg tida, maipalubus kad ya mangpalaing no Algew Ngilin?” kunen da.

Matyu 12:2

Ket ito nadlaw diya duduma kadito Parisiyu, kinunen da e̍ Je̍sus, “Singem! Wangwanglen met diya adalan mu ya maiparit iya Linteg tida iya Algew Ngilin,” kunen da.

Lukas 13:14

Ngem ya pangulu nito gigimungan diya Hudyu, nakaunget tin, gapu ta nangagas nge̍ Je̍sus iya Algew Ngilin. Itu nga kinunen nito pangulu kadiya toltoley, “Uwed met ennem nga algew nga mabalin ya agwangel. Itu kuma diya algew nga umbe̍t kayu nga agpaagas, bekken lugud nga iya Algew Ngilin,” kunen na.

Juan 10:19

Ket dito Hudyu nga aggigicna, madi da manin nagkikinnaawatan gapu kadiyan nga kinagi ne̍ Je̍sus.

Juan 14:11

Mamati kayu kuma ngarudin idi nga ibagac nga naitipun nac iya Ama, se̍ naitipun met ya Ama iyaken. Ket no madi kayu gabay ya mamati gapu was kadiya kagkagic, mamati kayu kuma ngarud gapu kadiya winangel ku nga nasingen nun.

Juan 15:24

Awan kuma ngarud maibilang nga pakabasulan da no madi da kuma nasingen dito inariman ku iya imatang da, nga nakaskasdaaw nga di pekkem naariman toley. Ngem ita, nasingen da mettin, ket dakami nga duwa ya Amac ya gurguraen da.

Juan 2:11

Ket yan nga inariman ne̍ Je̍sus enna Kana iya prubinsiya nga Galilya, itu ya kaonaan nga nakaskasdaaw nga inariman na. Ket iya agten iyan, nipasingen na ya kinadayaw na antuni, ket namati igina dito adalan na.

Juan 3:2

Iya name̍nsan, ginabi nito Nikude̍mu ya nawe̍ iya edyan ne̍ Je̍sus. Ket kinunen na igina, “Mistru, emmu mi nga isa ka nga manursuru nga nibon ne̍ Apu Diyus. Ta awan makaariman kadiya nakaskasdaaw nga pagilasinan nga ar-arimanem, no awan igina nge̍ Apu Diyus,” kunen na.

Juan 5:10

Itu nga kinunen dito pangpangulu diya Hudyu ito lalaki nga nalaingan, “Algew Ngilin met. Ket sigun iya Linteg tida, maiparit met nga agtuwem ya idam ita,” kunen da.

Juan 5:36

Ngem ya pammanecnec nga uwed iyaken, nabacbaked pekkem ngem ito panangipanecnec nito Juan. Ta diya ipawpawangel niya Ama iyaken, itu pe̍ diya mangpanecnec iya maipanggep iyaken. Ket itu ngarud didi diya wangwanglec ita. Ket didi met diya mangipasingen nga nibon nac nga tutu ya Ama.

Juan 6:52

Ket dito Hudyu nga naggigicna, nagsisinnungbat dan gapu ito kinunen ne̍ Je̍sus, nga kinunen da, “Kumaan na nga e̍cde̍ nidi nga toley kanu ya beggi na nga kanen tida?” kunen da.

Juan 7:12

Ket diya toltoley iyan nga makipadpadaya ngin, adu diya nagiinnasasim ka maipanggep e̍ Je̍sus. Kinunen diya duduma nga nanacman kanu nge̍ Je̍sus. Ngem “Bekken,” kunen met diya duduma, “ta allilawen na met diya toltoley,” kunen da.

Juan 7:23

Ket ya kunec, no ipalubus nu nga makugit diya ebbing nga lalaki iya Algew Ngilin tasun madi kayu kuma kuntraen to Linteg nito Muyse̍s, ape̍ ngarud nga makaunget kayu iyaken gapu ta Algew Ngilin ya panangpalaing ku iya sibubukel nga beggi niya isa nga toley nga uwed dipe̍re̍nsiya na?

Juan 7:43

Ket iya agten iyan, madi nagkikinnaawatan diya toltoley gapu igina.

Juan 9:24

Ket iya agten iyan, pinalbe̍t manin dito pangpangulu to toley nga naiyanac nga kulap. Ket kinunen da igina, “Agsapata ka man ngarud iya imatang ne̍ Apu Diyus nga pudnu ya ibagam! Ta emmu min nga managbasul nga tutu yan nga toley nga nangpalaing ikew!” kunen da.

Aramid 14:4

Ngem dito umili, bekken da nga nagpapada ka panpanunut, ata nakibungguy met dito duduma kadito Hudyu nga madi mamati, ket dito duduma, nakibungguy da kadito apustule̍s.