Juan 8:6 - Ya Baru nga Tulag

⁶ Ngem yan nga kinunen da e̍ Je̍sus, pangsigir da met igina, tasun uwed kuma panggapuwan da nga mangidarum igina. Ngem e̍ Je̍sus, nagdokot ngas nga nagsurat na ya kurimeng na iya ginet tin.

Juan 8:6 Iomraidhean Croise

Matyu 10:16

“Ket ita, ya panangibon ku dakayu, ket arig mettas nga uwed karne̍ru nga iturung ku iya edyan diya atap nga asu nga nauyung. Itu nga agsalsalingag kayu kuma ngarud nga arig nga malaga, se̍ nanacman kayu kuma pe̍ nga arig nga kalapati.

Matyu 15:23

Ngem madi met negkim nge̍ Je̍sus. Ket imadenni ngarud dito adalan na igina, nga nipacpakaasi da igina nga kinunen da, “Pagtalawem kay ngasin, ta mip-ipuyut ngas met dactida nga pumpumkaw,” kunen da.

Matyu 16:1

Ket dito Parisiyu se̍ Sadusiyu, nawe̍ da sinintir nge̍ Je̍sus, nga inadeng da igina nga mangipasingen kuma igida ka pagilasinan gapu iya pannakabalin nga gayat e̍ Apu Diyus.

Matyu 19:3

Ket uwed da met dito Parisiyu itun nga imadenni e̍ Je̍sus nga mangsintir igina, nga kinunen da, “Ibagam man: Sigun iya Linteg tida, mabalin kad nga iyadi niya lalaki ya asawa na gapu ka orey nagan na?” kunen da.

Matyu 22:18

Ngem e̍ Je̍sus, emmu na ngarud to dake̍c nga panggep da, itu nga kinunen na igida, “Ape̍ sintiren dac, dakayu nga aginsisingpet?

Matyu 22:35

Ket uwed igida ya isa nga masirib iya Linteg nito Muyse̍s, nga nagsaludsud ngarud e̍ Je̍sus tasun sintiren na, nga kinunen na,

Matyu 26:63

Ngem madi neg-egkim nge̍ Je̍sus. Ket kinunen ngarud manin nito kangatuwan nga agsirsirbi iya Te̍mplu, “Ibagam nga sisasapata iya turay niya sibibiyag nga Diyus, no tutu nga ikew ya Kristu, nga naipadtu nga Anac ne̍ Apu Diyus,” kunen na.

Markus 10:2

Ket uwed da met itun Parisiyu nga imadenni e̍ Je̍sus, ta gabay da nga sintiren. Ket sinaludsud da nga kinunen da, “Ibagam man: Sigun iya Linteg tida, mabalin kad nga iyadi niya lalaki ya asawa na?” kunen da.

Markus 12:15

Ngem nadlaw ngarud ne̍ Je̍sus to sikap da, itu nga kinunen na igida, “Ape̍ nga sigsigiren dac? E̍cdan dac kay ka isa nga diplata, ta singec,” kunen na.

Markus 3:2

Ket uwed da pe̍ toley antuni nga agsicsiim no palaingen ne̍ Je̍sus to lalaki iya Algew Ngilin, ta gabay da nga idarum nge̍ Je̍sus.

Markus 8:11

Ket uwed da itun Parisiyu nga nawe̍ iya edyan ne̍ Je̍sus, ket nakidiskutir da igina. Gabay da no mangariman kuma nge̍ Je̍sus ka pagilasinan gapu ka pannakabalin nga gayat e̍ Apu Diyus. Agten iyan to inadeng da, ta gabay da nga sintiren.

Lukas 10:25

Ket itun, uwed isa nga masirib iya Linteg nga nagsikad nga nangsintir e̍ Je̍sus, nga kinunen na, “Mistru, nagan ya masapul nga wanglec tasun magun-ud ku kuma ya biyag nga agnanayun?” kunen na.

Lukas 11:16

Ket uwed met pe̍ duduma igida nga gabay da nga sintiren nge̍ Je̍sus. Itu nga inadeng da ngarud igina nga mangariman kuma ka pagilasinan gapu iya pannakabalin nga gayat e̍ Apu Diyus.

Juan 8:2

Ket ito kadamlag na, nasapa nga simoli nge̍ Je̍sus iya Te̍mplu manin. Ket diya toltoley, nawe̍ da ito edyan na ket inarikoyopan da. Ket e̍ Je̍sus, nagtugew nga nangisuru igida.

1 Kurintu 10:9

Ket dito duduma igida itun, sinigsigir da met nge̍ Apu Diyus, ket nadusa da pe̍ nga natey gapu iya kagat dito malaga itun. Ket no dactida, masapul nga madi tida kuma lugud sigiren nge̍ Apu Diyus.