Juan 8:59 - Ya Baru nga Tulag

⁵⁹ Ket iya agten iyan, pimidit dito Hudyu ka batu tasun dampagen da kuma. Ngem sililinged nge̍ Je̍sus nga pimanaw iya Te̍mplu win.

Juan 8:59 Iomraidhean Croise

Matyu 12:14

Ket dito Parisiyu, rinumwar dan, nga nawe̍ da nagiinnumanan no kumaan kuma niya panangpukaw da e̍ Je̍sus.

Lukas 24:31

Ket iyan mettas nga kanitu, arig nga nalukatan diya mata dan, ta nalasin da mettin nga igina gayam nge̍ Je̍sus. Ngem nagpukaw mettasin iya panagsingen da.

Juan 11:54

Ket itu ya gapu na nga madi nagpasingen nge̍ Je̍sus kadiya Hudyu enna Hudya ngin. Pimanaw was antuni nga nawe̍ iya lugar nga denni iya away, iya isa nga ili nga managan ka E̍praim. Ket nagedyan antuni nin nge̍ Je̍sus se̍ dito adalan na.

Juan 11:8

Ngem kinunen da igina, “Bay-an tida ya sumoli antuni, Mistru. Bekken met pekkem nga nabayag to tage̍ da mangdampag ikew dito pada tida nga Hudyu antuni,” kunen da.

Juan 12:36

Dikad pe̍ mamati kayu kuma ngarud iya mangwada ngin, ta uwed pekkem dakayu. Mamati kayu kuma ngarud, tasun agbalin kayu nga toley niya wada,” kunen na. Ket ito nakagi ne̍ Je̍sus diyan kadito toltoley yin, pinanawan na dan, ket madi nagpaspasingen nin.

Juan 18:31

Ket kinunen ne̍ Pilatu igida, “Alaken nu was a, ta dakayu nga mismu ya mangeddeng igina maikanatad iya paglinteggan nu,” kunen na. Ngem kinunen dito pangpangulu diya Hudyu, “Maiparit met no dakami ya mangikeddeng nga mapatey ya isa nga toley,” kunen da.

Juan 5:13

Ngem to lalaki nga nalaingan, madi na met emmu no nagan to nangpalaing igina. Ta adu diya toley iyan nga lugar, ket nagliguligud nge̍ Je̍susin.

Juan 9:1

Ito agdaldalan nge̍ Je̍sus, uwed nasingen na nga isa nga lalaki nga sigud nga kulap nanipud iya pannakaiyanac na.

Aramid 7:57

Ngem dito kunse̍hale̍s, kinumre̍s da nga inpup da diya tingtinga da, se̍ da dimoclos nga amin nga nanglabnuc igina.