Juan 8:58 - Ya Baru nga Tulag

⁵⁸ Ket kinunen manin ne̍ Je̍sus igida, “Ibagac met ya pudnu dakayu: Orey ito madi pekkem nga naiyanac to Abraham, uwed dac nga sigudin,” kunen na.

Juan 8:58 Iomraidhean Croise

Juan 10:25

Ket kinunen ne̍ Je̍sus igida, “Nibagac met dakayun, ngem di dac met patiyen. Diya wangwanglec gapu iya kinaturay nga nipaay niya Amac iyaken, itu diyan diya mangipanecnec dakayu maipanggep iyaken.

Juan 17:24

“Ket Ama, no didi nga toley nga nitalec mu iyaken, gabay ku nga ya kapennac nga edyan, ket itu nad met pe̍ kuma ya edyan da. Gabay ku ngarud ya agten iyan, tasun masingen da kuma ya nadayaw nga kasasaad ku nga nipaay mu iyaken gapu iya panagayat mu iyaken nga sigud, orey ito di pekkem naparsuwa ya lubung.

Juan 17:5

Dikad pe̍ ita, Ama, ipadayaw nac iya imatang mu, ka dayaw nga agten mettas ito sigud nga kinadayaw ku ito uwed dac iya edyan mu ito sacbay nga naparsuwa yani nga lubung.

Juan 8:24

Itu ya gapu na nga kinunec dakayu nga matey kayu was nad nga maukum gapu kadiya basbasul nu. Ta no madi kayu mamati nga iyaken ya uwed nga sigud, maukum kayu nad ngarud gapu kadiya basbasul nu,” kunen na.

Juan 8:28

Dikad pe̍ kinunen manin ne̍ Je̍sus igida, “No maibayug nu nad ya Anac nga Naipatoley, maemmuwan nu nad mettasin nga iyaken ya uwed nga sigud. Ket maemmuwan nu pe̍ yin nga awan wanglec nga kabucbukudac, no di lugud kagkagiyec ngas ya nisuru niya Ama iyaken.

Juan 8:34

Ket kinunen ne̍ Je̍sus, “Pudnu met yani nga ibagac dakayu: Amin diya agwangwangel ka basul, naibilang da nga tagabu niya panagbasul da.

Juan 8:51

Pudnu met yani nga ibagac dakayu: Ya orey nagan na nga mangtungpal kadiya kagic, madi aglak-am ka pannakatey,” kunen na.

Kulusas 1:17

Ket sacbay diya orey nagan na nga naparsuwa, uwed din ya Anac. Ket gapu igina, agpaut nga siuurnus diya amin nga uwed.

He̍briyu 13:8

Laglagipen nu ngarud nga agten pe̍ iyan nge̍ Je̍sus, nga awan pulus pagbalbaliwan na. Ta no kumaan niya gangey na itun, agten mettas pe̍ ita, se̍ orey ka agnanayun.

Paltiing 1:11

Ket kinunen na iyaken, “Isurat mu didi nga masingem, ket ipatulud mu ya nalukut nga nakaisuratan da kadiya pitu nga bungguy diya mamati kadiya ili nga E̍pe̍su, E̍smirna, Pe̍rgamu, Tiyatira, Sardis, Pilade̍lpiya se̍ ka Lawdisiya,” kunen na.

Paltiing 1:8

Ket e̍ Apu Diyus, nga Apu nga Mannakabalin ka amin, kinunen na, “Iyaken ya pangrugiyan se̍ ya panggibusan niya amin,” kunen na, ta igina met ya uwed ita, uwed itun, se̍ ya umbe̍t nad pekkem.

Paltiing 2:8

“Ket idi ya isurat mu iya anghe̍l nga agay-aywan iya bungguy mamati ka E̍smirna: “Itu yan ya kunen niya kaonaan se̍ kaodiyan ya kinauwed na, nga igina to natey se̍ nagungar mettas: