Juan 8:56 - Ya Baru nga Tulag

⁵⁶ Ket to Abraham nga ama nu, siraragsac itun nga ninamnama na ya inumbe̍t ku idi. Ket naragsakan ngarud to Abrahamin, ta nasingen nan ya panagparang ku,” kunen na.

Juan 8:56 Iomraidhean Croise

Matyu 13:17

Tutu ngarud met nga adu dito mammadtu se̍ dito nalinteg nga toley itun nga nagkalikagum nga makasingen kuma idi nga masingsingen nu ita, ngem madi da met nasingen. Ket nagkalikagum da met pe̍ nga makagicna kuma idi nga magicgicna nu ita, ngem madi da met pe̍ nagicna.”

Lukas 10:24

Ta kinapudnu na, adu dito mammadtu se̍ ar-ari nga nagtarigagay nga makasingen kuma kadidi nga masingsingen nu ita, ngem di da met nasingen. Se̍ ginabay da pe̍ ya makagicna kuma kadidi nga magicgicna nu ita, ngem di da met pe̍ nagicna,” kunen na.

Juan 10:25

Ket kinunen ne̍ Je̍sus igida, “Nibagac met dakayun, ngem di dac met patiyen. Diya wangwanglec gapu iya kinaturay nga nipaay niya Amac iyaken, itu diyan diya mangipanecnec dakayu maipanggep iyaken.

Juan 8:37

“Emmuc nga kapututan nakayu to Abraham. Ngem orey agten iyan, gabay dac met nga patayen, gapu ta madi kayu gabay nga patiyen ya kagic nga isursuruc dakayu.

Juan 8:39

Ket kinunen da, “To Abraham ya ama mi,” kunen da. Ket e̍ Je̍sus, kinunen na igida, “No pudnu nga an-anac nakayu to Abraham, tuladen nu kuma ngarud dito winangel na.

He̍briyu 11:13

Ket amin ditun nga toley, natey da nga sipapati, orey madi da pekkem naawat itun to nikari ne̍ Apu Diyus igida. Ngem arig nga nasingen da mettin, gapu ta namati da. Ket iya agten iyan, binigbig da ngarud nga arig da nga gan-gannaet idi nga lubung, nga awan pekkem kustu nga ili da itun.

He̍briyu 11:39

Ket amin ditun nga toley, nipakaemmu ne̍ Apu Diyus nga inannamungan na da ngarud gapu iya panamati da. Ngem orey inannamungan ne̍ Apu Diyus da, madi pekkem natungpal igida itun to nikari na igida.