Juan 8:53 - Ya Baru nga Tulag

⁵³ Nangatngatu ka kad ngem ito Abraham nga ama mi? Natey met to Abraham, ket natey met pe̍ dito mammadtu! Nagan ngarud ya pangipagpagarupam iya beggim?” kunen da.

Juan 8:53 Iomraidhean Croise

Matyu 12:6

Ket ya kinapudnu na, uwed met nagparang itan nga nadaydayaw ngem iya Te̍mplu.

Matyu 3:9

Ket di nu met ipagarup nga kustu no kunkunen nu iya lemlemmet nu nga, ‘Orey a, ta e̍ Abraham met to am-ama mi.’ Bay-an nu ngarud ya agten iyan nga panpanunut. Ta ya kinapudnu na, orey didi ngas nga batu, mabalin met pe̍ nga pagbalinen ne̍ Apu Diyus nga an-anac nito Abraham, no gabay na.

Juan 10:33

Ket kinunen met dito Hudyu igina, “Bekken nga gapu iya isa nga nabaru nga winangel mu ya pangdampagan mi ikew, no di lugud gapu iya kagim nga maikuntra iya kinapudnu maipanggep e̍ Apu Diyus. Ta toley ka ngas met, ngem pagbalinem met nga Diyus ya beggi mun!” kunen da.

Juan 12:34

Ket dito toltoley, kinunen da, “Ngem kunen na met iya Linteg tida nga agbiyag kanu ka agnanayun ya Kristu. No tutu yan, ape̍ kunem mun nga masapul nga maibayug ya Anac nga Naipatoley? No tutu nga agnanayun ya Kristu, nagan ngarud nidi nga Anac nga Naipatoley nga kunem?” kunen da.

Juan 19:7

Ket kinunen dito Hudyu, “Sigun iya isa nga bilin iya linteg mi, rebbeng na ya matey ya agten iyan nga toley, ta kunen na met nga igina kanu ya Anac ne̍ Apu Diyus,” kunen da.

Juan 4:12

To Hakub nga ama tida ya nangipatawid idi nga bitu dakami. Nagin-inuman na yani nga bitu itun, se̍ dito an-anac na se̍ an-animal na. Kayat mu kad nga kagiyen nga nangatngatu ka pekkem ngem ito Hakub?” kunen na.

Juan 5:18

Itu nga ad-adda lugud manin ya pinget dito pangpangulu diya Hudyu nga mangpapatey e̍ Je̍sus, bekken nas nga gapu iya panangsalungasing na kanu iya paglinteggan niya Algew Ngilin, no di lugud pe̍ gapu ta kinunen na nga Ama na mettas nge̍ Apu Diyus. Ket iya agten iyan, nipada na met ya beggi na e̍ Apu Diyus.

Juan 8:58

Ket kinunen manin ne̍ Je̍sus igida, “Ibagac met ya pudnu dakayu: Orey ito madi pekkem nga naiyanac to Abraham, uwed dac nga sigudin,” kunen na.

Ruma 9:5

Ket diya kailiyac met pe̍ diya kapututan dito nona nga am-ama tida nga pinili ne̍ Apu Diyus itun, nga nagbalin nga toley na. Se̍ no maipanggep iya kinatoley ne̍ Kristu, ket pada da met pe̍ nga Hudyu, nga igina met ya mangituray ka amin, ket igina met ya Diyus nga madaydayaw ka agnanayun. Agten iyan met nga tutu.