Juan 8:52 - Ya Baru nga Tulag

⁵² Ket dito Hudyu, kinunen da iginan, “Iyan! Masiguradu min nga nasairuwan kan! Natey met to Abraham se̍ dito mammadtu, ngem kunem met nga madi nad matey diya mangtungpal iya kagim.

Juan 8:52 Iomraidhean Croise

Matyu 11:18

“Agten ngarud iyan diya toltoley ita nga timpu. Ta nagparang nge̍ Juan, nga niparit na iya beggi na ya mangan se̍ uminum kadiya nangina, ket kunkunen met diya toltoley nga, ‘Nasairuwan met yan!’ kunen da.

Juan 1:19

Ket agten idi ya panangipakaemmu nito Juan maipanggep e̍ Je̍sus itun: Iya name̍nsan, uwed da agsirsirbi iya Te̍mplu se̍ katulungan iya Te̍mplu nga kapututan nito Le̍bi, nga nawe̍ da ito edyan nito Juan, nga gayat da ka He̍rusale̍m. Nibon diya pangpangulu diya Hudyu didi nga agsirsirbi se̍ katulungan, nga mawe̍ da kanu agsaludsud ito Juan no igina ya Kristu.

Juan 14:23

Ket kinunen ne̍ Je̍sus igina, “Agten idi: Ya agayat iyaken, agtungtungpal ngarud kadiya kagic. Ket ya agten iyan nga toley, ayaten pe̍ niya Amac. Ket iyaken se̍ ya Ama, umbe̍t kami agedyan igina.

Juan 15:20

Laglagipen nu kuma to nibagac dakayu, nga bekken nga nangatngatu ya tagabu ngem iya amu na. Dikad pe̍ gapu ta nirurumen dac, ket uwed da met pe̍ igida diya mangirurumen nad dakayu. Ket se̍ gapu ta uwed da pe̍ duduma igida nga nagtungpal iya kagic, ket uwed met pe̍ diya agtungpal nad iya kagi nu.

Juan 17:6

“Nipakaemmu naka kadidi nga toley nga nitalec mu iyaken idi nga lubung. Kuwam da nga sigud, ket nitalec mu da iyaken. Ket igida, nagtungpal da iya kagim.

Juan 7:20

Ngem dito toley nga naggigicna igina, kinunen da, “Ahah! Nasairuwan kan! Awan met agpanggep nga mamatey ikew!” kunen da.

Juan 8:22

Itu nga kinunen dito Hudyu nga pangpangulu, “Ape̍ kid nga kunen na nga madi tida makapen iya pennan na? Agpessel nad kidin?” kunen da.

Juan 8:48

Ket dito Hudyu, ito nagicna da to kinagi ne̍ Je̍sus, kinunen da igina, “Tutu ngarud met to kunen mi nga isa ka ngas nga iSamarya se̍ nasairuwan ka met pe̍!” kunen da.

Juan 8:51

Pudnu met yani nga ibagac dakayu: Ya orey nagan na nga mangtungpal kadiya kagic, madi aglak-am ka pannakatey,” kunen na.

Juan 8:55

Ket dakayu, madi kayu em-emmu ya Amac. Ngem iyaken, em-emmuc met. Ket no kunec nga madic em-emmu, agbusid dac met nga agten dakayu. Ngem em-emmuc met. Ket ya kagi na, itu ngarud ya tungtungpalec.

Juan 9:24

Ket iya agten iyan, pinalbe̍t manin dito pangpangulu to toley nga naiyanac nga kulap. Ket kinunen da igina, “Agsapata ka man ngarud iya imatang ne̍ Apu Diyus nga pudnu ya ibagam! Ta emmu min nga managbasul nga tutu yan nga toley nga nangpalaing ikew!” kunen da.

He̍briyu 11:13

Ket amin ditun nga toley, natey da nga sipapati, orey madi da pekkem naawat itun to nikari ne̍ Apu Diyus igida. Ngem arig nga nasingen da mettin, gapu ta namati da. Ket iya agten iyan, binigbig da ngarud nga arig da nga gan-gannaet idi nga lubung, nga awan pekkem kustu nga ili da itun.

He̍briyu 2:9

Ngem emmu tida nga e̍ Je̍sus, nagbalin ngarud itun nga nanumnumu ngem kadiya anghe̍le̍s, ngem madi nagbayag yan nga timpu. Ket gapu iya siaayat nga asi ne̍ Apu Diyus dactida, nalak-aman ne̍ Je̍sus ya pannakatey nga maipaay iya tunggal isa nga toley. Ket ya emmu tida ngarud itan, ket arig nga nabalangatan met nge̍ Je̍sus nga sibaballaigi yin. Ta napadayawan nga tutu win nga nae̍cdan ka maraem nga saad nan, gapu ito linak-am na nga pannakatey.