Juan 8:48 - Ya Baru nga Tulag

⁴⁸ Ket dito Hudyu, ito nagicna da to kinagi ne̍ Je̍sus, kinunen da igina, “Tutu ngarud met to kunen mi nga isa ka ngas nga iSamarya se̍ nasairuwan ka met pe̍!” kunen da.

Juan 8:48 Iomraidhean Croise

Matyu 10:25

Kustu no matulad kuma niya agad-adal ya ugali niya mangisursuru igina, se̍ no matulad kuma niya tagabu ya ugali niya amu na. Ket iya agten iyan, no iyaken nga maiyarig ka apu niya isa nga baley ya panaganan diya toltoley nga Be̍e̍lse̍bub, di ngarud nakarkaru ya dake̍c nga ipaay da dakayu nga maiyarig ka kabbalay ku?”

Matyu 10:5

Ket didi nga sangapulu ket duwa, nibon ne̍ Je̍sus da, nga binilin na da nga kinunen na, “Madi kayu mawe̍ kadiya orey nagan na nga edyan diya bekken nga Hudyu se̍ diya il-ili diya iSamarya.

Matyu 11:18

“Agten ngarud iyan diya toltoley ita nga timpu. Ta nagparang nge̍ Juan, nga niparit na iya beggi na ya mangan se̍ uminum kadiya nangina, ket kunkunen met diya toltoley nga, ‘Nasairuwan met yan!’ kunen da.

Matyu 12:24

Ngem ito nadamag dito Parisiyu to winangel ne̍ Je̍sus, kinunen da, “Ya panangpatalew na ka sairu, ket gapu was met iya turay nga e̍cde̍ ne̍ Be̍e̍lse̍bub nga pangulu diya sairu igina,” kunen da.

Matyu 12:31

Itu nga agten idi ya ibagac dakayu: Mabalin nga mapakawan ya orey nagan na nga basul winno maikagi nga dake̍c nga maikuntra ka sabali. Ngem ya panagkagi ka dake̍c nga maikuntra iya Ispiritu ne̍ Apu Diyus, madi nad met mapakawan.

Matyu 15:7

Ay, dakayu nga aginlilinteg! Pudnu met to padtu nito Isayas itun maipanggep dakayu ito kinunen na,

Juan 1:19

Ket agten idi ya panangipakaemmu nito Juan maipanggep e̍ Je̍sus itun: Iya name̍nsan, uwed da agsirsirbi iya Te̍mplu se̍ katulungan iya Te̍mplu nga kapututan nito Le̍bi, nga nawe̍ da ito edyan nito Juan, nga gayat da ka He̍rusale̍m. Nibon diya pangpangulu diya Hudyu didi nga agsirsirbi se̍ katulungan, nga mawe̍ da kanu agsaludsud ito Juan no igina ya Kristu.

Juan 10:20

Adu igida diya agkunkunen nga, “Naluganan met ka sairu yan! Agel-ellut mettin! Ape̍ nga dengdenggen nu ya kagi nan?” kunen da.

Juan 13:13

Agten idi yan: Awagan dac met ka Mistru se̍ Apu. Ket kustu ya kunen nu, ta pudnu met nga iyaken ya Mistru se̍ Apu nu.

Juan 4:9

Ket to babey nga iSamarya, kinunen na, “Nih! Hudyu ka met, ket iyaken, iSamarya ngac. Ape̍ agadeng ka iyaken ka danum?” kunen na. Agten iyan ngarud ya kinunen na, ta bekken nga gangey diya Hudyu ya makibulbulun kadiya iSamarya.

Juan 7:20

Ngem dito toley nga naggigicna igina, kinunen da, “Ahah! Nasairuwan kan! Awan met agpanggep nga mamatey ikew!” kunen da.

Juan 8:22

Itu nga kinunen dito Hudyu nga pangpangulu, “Ape̍ kid nga kunen na nga madi tida makapen iya pennan na? Agpessel nad kidin?” kunen da.

Juan 8:52

Ket dito Hudyu, kinunen da iginan, “Iyan! Masiguradu min nga nasairuwan kan! Natey met to Abraham se̍ dito mammadtu, ngem kunem met nga madi nad matey diya mangtungpal iya kagim.

Ruma 15:3

Ta malagip tida kuma nge̍ Kristu. Bekken met nga ya beggi na ngas to linaglagip na, no di lugud agten pe̍ iya naisurat iya Bibliya itun pekkem nga kinunen na e̍ Apu Diyus nga, “Iyaken nin ya uy-uyawen dito manguy-uyaw ikew,” kunen na.

He̍briyu 13:13

Dikad pe̍ dactida, panawan tida kuma ngarud pe̍ yin diya kaaduwan, ta umadenni tida ngarud e̍ Je̍susin. Arig kuma ngarud nga makibulun tida igina iya nagsagabaan na nga laskig niya kampu, ta anusan tida kuma pe̍ yin ya mauy-uyaw gapu igina.

Santiyagu 2:19

Ket ikew, kunem nga patiyem nga awan sabali nga Diyus, malacsid e̍ Apu Diyus. Ket nabaru met yan, a. Ngem orey pe̍ diya sacsairu, mamati da met pe̍ iya agten iyan, ket agpilpilpig da pe̍ gapu iya ansing da.