Juan 8:43 - Ya Baru nga Tulag

⁴³ Ngem madi kayu maawatan didi nga ibagbagac, gapu ta madi kayu gabay nga gicnaen diya kagic.

Juan 8:43 Iomraidhean Croise

Matyu 13:15

Ta kimapsut mettin ya pannakaawat didi nga toley, se̍ narigat ya pannakagicna dan, se̍ nagkulinget dan. Ta no bekken nga agten iyan, kaynun no malasin da ya masingen da, se̍ natarus igida ya magicna da, se̍ maawatan da ya panunuten da, ket kaynun no sumoli da iyaken tasun agasac da,’ kunen nito Isayas itun.

Juan 5:25

“Tutu met nga uwed nad timpu nga diya toley nga naibilang nga natey iya imatang ne̍ Apu Diyus, ket magicna da ya bilin niya Anac ne̍ Apu Diyus igida. Ket diya mangipangag iya Anac, mae̍cdan da ngarud ka agnanayun nga biyag. Ket kinapudnu na, nadatngan ngarudin yan nga timpu.

Juan 5:43

Tutu met yan, ta orey inumbe̍t tac gapu mettas iya kinaturay niya Amac, ket pulus met nga madi dac inawat. Ngem no uwed kuma sabali nga agparang nga gennung, se̍ orey no ya mismu nga kinaturay na ngas ya mangipanecnec iya beggi na, ket nalaka nu was met nga awaten nin.

Juan 6:60

Ket ito nagicna dito pasurut ne̍ Je̍sus diyan nga nibaga na, adu da nga nagkunen nga, “Ay! Narigat nga unay ya panursuru na. Awan ngata makaawat kadiyan,” kunen da.

Juan 7:17

Ket ya toley nga mayat nga agwangel iya tarigagay ne̍ Apu Diyus, mailasin na met no tutu nga agtaud e̍ Apu Diyus diya isursuruc, winno agkagkagi yac ngas ka kabucbukudac nga turay.

Juan 8:27

Ngem dito naggigicna, madi da met naawatan nga maipanggep e̍ Diyus Ama to kinagi ne̍ Je̍sus itun.

Juan 8:33

Ket kinunen dito toltoley, “Hudyu kami met nga kapututan nito Abraham, ket awan pekkem orey nagan na nga nangtagabu dakami. Ape̍ kunem nga uwed pakawayawayaan mi?” kunen da.

Juan 8:39

Ket kinunen da, “To Abraham ya ama mi,” kunen da. Ket e̍ Je̍sus, kinunen na igida, “No pudnu nga an-anac nakayu to Abraham, tuladen nu kuma ngarud dito winangel na.

Aramid 7:51

Ket e̍ E̍ste̍ban, nituluy na nga kinunen, “Ape̍ nga agmulinas kayu mettin? Ta orey Hudyu kayu, madi kayu ipangag diya kagkagi ne̍ Apu Diyus, nga arig kayu met nga dito madi mamati igina. Tultuladen nu pe̍ yin dito am-ama nu, ta sukiran nu pe̍ diya ipaariman kuma niya Ispiritu Santu dakayun.

Ruma 3:11

Awan toley nga makaawat iya kinapudnu, se̍ awan pe̍ mayat nga mangemmu maipanggep e̍ Apu Diyus.