Juan 8:39 - Ya Baru nga Tulag

³⁹ Ket kinunen da, “To Abraham ya ama mi,” kunen da. Ket e̍ Je̍sus, kinunen na igida, “No pudnu nga an-anac nakayu to Abraham, tuladen nu kuma ngarud dito winangel na.

Juan 8:39 Iomraidhean Croise

Matyu 3:9

Ket di nu met ipagarup nga kustu no kunkunen nu iya lemlemmet nu nga, ‘Orey a, ta e̍ Abraham met to am-ama mi.’ Bay-an nu ngarud ya agten iyan nga panpanunut. Ta ya kinapudnu na, orey didi ngas nga batu, mabalin met pe̍ nga pagbalinen ne̍ Apu Diyus nga an-anac nito Abraham, no gabay na.

Matyu 5:45

Ket agten iyan kuma ngarud ya wangwanglen nu, tasun ipasingen nu nga tutu kayu nga anac niya Ama nu nga uwed ka langit. Ta e̍ Apu Diyus, padapada nga pagsinagen na ya sinag na kadiya nasingpet se̍ kadiya agdacdake̍c nga toltoley. Se̍ padapada nga ipaay na pe̍ ya udan para kadiya nalinteg se̍ kadiya bekken nga nalinteg.

Juan 8:33

Ket kinunen dito toltoley, “Hudyu kami met nga kapututan nito Abraham, ket awan pekkem orey nagan na nga nangtagabu dakami. Ape̍ kunem nga uwed pakawayawayaan mi?” kunen da.

Juan 8:37

“Emmuc nga kapututan nakayu to Abraham. Ngem orey agten iyan, gabay dac met nga patayen, gapu ta madi kayu gabay nga patiyen ya kagic nga isursuruc dakayu.

Juan 8:43

Ngem madi kayu maawatan didi nga ibagbagac, gapu ta madi kayu gabay nga gicnaen diya kagic.

Juan 8:56

Ket to Abraham nga ama nu, siraragsac itun nga ninamnama na ya inumbe̍t ku idi. Ket naragsakan ngarud to Abrahamin, ta nasingen nan ya panagparang ku,” kunen na.

Ruma 4:12

Ket dactida nga Hudyu nga nagtungpalin iya panagkugit, to Abraham met pe̍ ya maibilang nga ama tida, no tungpalen tida to nipasingen na nga pagtuladan tida, nga itu ya panamati na orey madi pekkem nga nagpakugit itun.

Ruma 4:16

Itu nga to kari ne̍ Apu Diyus ito Abraham, gapu was ito panamati nito Abraham. Agten iyan ngarud, tasun matungpal gapu iya siaayat nga asi ne̍ Apu Diyus, se̍ tasun siguradu nga maipaay kadiya amin nga naibilang nga kapututan nito Abraham. Ket didi nga naibilang nga kapututan nito Abraham, bekken nas nga diya kapututan na nga pasurut nito Linteg ne̍ Muyse̍s, no di pe̍ diya uwed panamati da nga agten ito panamati nito Abraham itun. Ta to Abraham met ya maibilang nga ama tida nga amin,

Ruma 9:7

Ket bekken met nga amin diya kapututan nito Abraham diya ibilang ne̍ Apu Diyus nga tutu nga anac nito Abraham. Ta kinunen ne̍ Apu Diyus ito Abraham itun, “Diya putputut niya anac mu nga Isaac ya ibilang ku nga tutu nga kapututam,” kunen na.

Galasiya 3:29

Itu nga no naikameng kayu e̍ Kristu win, maibilang kayu met pe̍ yin nga kapututan nito Abraham. Ket no kapututan nakayu to Abraham, makipagtawid kayu pe̍ iginan, sigun ito nikari ne̍ Apu Diyus igina.

Galasiya 3:7

Ngarud, maemmuwan nu kuma ngin nga diya toley nga uwed panamati da, itu diya maibilang nga kapututan nito Abraham.