Juan 8:32 - Ya Baru nga Tulag

³² Ket iya agten iyan, maemmuwan nu ya kinapudnu win. Ket ya kinapudnu ngarud ya pakawayawayaan nu,” kunen na.

Juan 8:32 Iomraidhean Croise

Matyu 11:29

Paituray kayu kuma ngarud iya paglinteggac, nga maiyarig ka sangul nu, ket agpaisuru kayu iyaken. Ta iyaken, natuluc se̍ napakumbaba ngac met. Dikad pe̍ no umbe̍t kayu iyaken, ket mapatalna kayu ngarud.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 1:17

Ta agten idi: To Linteg tida nga Hudyu, nipaibilin ne̍ Apu Diyus itun ito Muyse̍s. Ngem ya siaayat nga panangaasi se̍ kinapudnu nga gennung nga nipakaemmu ne̍ Apu Diyusin, ket e̍ Je̍su Kristu met ya nakaigapu kadiyan.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Juan 16:13

Ngem nad no umbe̍t ya Ispiritu Santu win, gagara na ya mangipakaemmu iya kinapudnu maipanggep e̍ Apu Diyus. Itu nga igina nad ya mangiturung dakayu tasun maawatan nu ya amin nga kinapudnu. Pudnu ngarud ya ipakaemmu na, ta madi nad mangisuru ka kabucbukudan na nga sursuru, no di lugud isuru na nad diya naitalec igina. Ket ipakaemmu na nad pe̍ dakayu diya sumarunu nga mapasamac.

Juan 17:17

Pagbalinem kay nga nasnup ka ngas nga pagsirbiyan da, gapu iya kinapudnu nga ipakaemmum igida. Ket ya kagim, itu met ya pudnu.

Juan 6:45

Malagip nu to naisurat iya Bibliya nga kinunen dito mammadtu, ‘Ket igida, sursuruwan nad ne̍ Apu Diyus da nga amin,’ kinunen da itun. Ket tutu met nga amin diya agad-adal se̍ mangipangag e̍ Apu Diyus, umadenni da ngarud nga sumurut iyaken.

Juan 7:17

Ket ya toley nga mayat nga agwangel iya tarigagay ne̍ Apu Diyus, mailasin na met no tutu nga agtaud e̍ Apu Diyus diya isursuruc, winno agkagkagi yac ngas ka kabucbukudac nga turay.

Juan 8:36

Itu nga no ya Anac ne̍ Apu Diyus ya mangwayawaya dakayu, siwayawaya kayu nga tutu win.

Ruma 6:22

Ngem ita, nawayawayaan kayun iya pannakabalin niya basul. Ket arig nga nagbalin kayu nga tagabu ne̍ Apu Diyusin. Ket paglaingan nu yani, ta agpaay kayun kadiya nadiyusan nga banbanag, se̍ agbanag kayu pe̍ iya agnanayun nga biyag.

Ruma 8:15

Ta ito naipaayan kayu iya Ispiritu ne̍ Apu Diyus, bekken nakayu nga pinagbalin nga tagabu manin. Ansing met ya pagbanagan nu no agten iyan. Ngem ito naipaayan kayu iya Ispiritu ne̍ Apu Diyus, pinagbalin nakayu lugud nga anac ne̍ Apu Diyusin. Itu nga makaawag tida e̍ Apu Diyus nga makunen tida nga, “Ama! Amac!”

Ruma 8:2

Ta ya turay niya paglinteggan niya Ispiritu nga mangipaay ka biyag, itu met ya nangwayawaya dactidan iya pagturayan niya basul se̍ patey, gapu iya pannakairaman tida iya kasasaad ne̍ Kristu Je̍sus.

1 Kurintu 7:22

Ta ya toley nga natagabu win ito sacbay nga panangawis niya Apu igina, naibilang nga siwayawaya nga toley niya Apu win. Ket ya bekken nga tagabu ito panangawis niya Apu igina nga mamati, ket naibilang met nga tagabu ne̍ Kristu win.

Galasiya 5:1

E̍pe̍.Ket iya agten iyan, winayawayaan nactida nge̍ Kristu win, tasun bekken tida nga maibilang nga arig nga tagabu win. Itu nga laglagipen nu ngarud nga pe̍yeng yani, ket puminget kayu nga madi kayu kuma manin nga paiturayan kadiya banbanag nga mangtagabu dakayu.

Galasiya 5:13

Ngem dakayu, kakabsat, napili nakayu ngarud nge̍ Apu Diyus nga mawayawayaan kadiya agten iyan nga paglinteggan. Ngem orey uwed yani nga wayawaya nun, madi kayu kuma gundawayan yani kadiya kumpurmi nga wanglen nu nga tarigagayan niya kinatoley nu, no di lugud gundaway nu kuma yani nga wayawaya nu nga agsisinnirbi, gapu iya panagiinnayat nu.

2 Timutyu 3:7

Ta diya agten iyan nga babey, nalaing da nga aggigicna iya orey nagan na, ngem pulus nga madi da makailasin iya kinapudnu.

Santiyagu 1:25

Ngem dakayu, pe̍yeng nu kuma nga adalen nga sipapasnec ya kagi ne̍ Apu Diyus, se̍ madi kayu kuma le̍pananin. Ta ya kagi ne̍ Apu Diyus, awan pagkurangan na, ket itu ya makawayawaya dactida. Itu nga madi tida kuma agten kadito agpatingga ngas ka panagdengdengngeg, no di tida lugud sumurut nga pe̍yeng, ket paragsaken nactida nge̍ Apu Diyusin.

Santiyagu 2:12

Dikad pe̍, annadan nu kuma ngarud ya amin nga kagkagiyen se̍ wangwanglen nu, ta emmu tida nga pabasulen nactida nad nge̍ Apu Diyus no madi tida suruten ya paglinteggan na, nga makawayawaya ka toley.

1 Pe̍dru 2:16

Tutu met nga uwed pakawayawayaan nu kadiya uwed turay da, itu nga agbiyag kayu kuma ngarud nga siwayawaya iya imatang ne̍ Apu Diyus. Ngem ya wayawaya nu, masapul nga madi kayu usaren nga gundaway nu nga agwangel ka dake̍c, no di lugud agbiyag kayu nga agsirsirbi e̍ Apu Diyus.

2 Juan 1:1

Iyaken ya panglakayen. Agsurat tac ikew, manang nga pinili ne̍ Apu Diyus, se̍ kadiya an-anac mu. Sipupudnu wac nga agayat dakayu, ket bekken nas nga iiyaken ya agayat dakayu, no di pe̍ diya amin nga makaemmu iya pudnu maipanggep iya pammati tida.