Juan 8:29 - Ya Baru nga Tulag

²⁹ Ket pe̍yeng met nga uwed iyaken ya nangibon iyaken. Madi nac ngarud pinanawan, gapu ta diya banbanag nga makaay-ayu igina, itu ya kanayun ku nga wangwanglen,” kunen na.

Juan 8:29 Iomraidhean Croise

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 3:15

Ngem kinunen ne̍ Je̍sus igina, “Ala kad lugudin, ta rumbeng met no tungpalen ta amin diya nalinteg nga panggep ne̍ Apu Diyus,” kunen na. Dikad pe̍ nayat mettas nge̍ Juanin.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Juan 14:31

ngem mapasamac ngas didi iyaken tasun maemmuwan diya toltoley iya lubung ngi nga ayatec met nga tutu ya Ama, se̍ tungpalec ngarud diya amin nga ibilin niya Ama iyaken. “Ala, pumanaw tida idi nin,” kunen na.

Juan 15:10

No agtungpal kayu kadiya bilin ku, silalagip kayu met nga pe̍yeng ngin iya panagayat ku dakayu, nga agten mettas ito panangtungpal ku kadiya bilin niya Amac. Ket iya agten iyan, silalagip pac met pe̍ iya ayat na.

Juan 16:32

Kinapudnu na, ket madatngan nad ya ipapanaw nu iyaken. Ket ita nga tutu ya timpu nan, nga mawarawara kayu nga aminin. Ket tunggal isa dakayu, agtalew ngarud nga mawe̍ iya mismu nga babaley nun. Ket iyaken, panawan dac kun nga is-isa. Ngem orey agten iyan, bekken nac nga mabaybay-an nga is-isa, ta uwed met iyaken ya Ama.

Juan 17:4

Iyaken, nidaydayaw naka ngarud idi nga lubungin, ta tinungpal kun ya nipawangel mu iyaken.

Juan 4:34

Dikad pe̍ e̍ Je̍sus, kinunen na igida, “Ya pagbiyag ku nga kunec, itu ya panangtungpal ku iya tarigagay niya nangibon iyaken, se̍ ya panangilpas ku iya ipawangel na iyaken.

Juan 5:30

“Ket iyaken, awan mawangel ku nga kabucbukudac, no di lugud sigun nas iya ibaga niya Ama iyaken ya panangukum ku. Ket itu nga nalinteg ngas ya panangukum ku, ta bekken nga ya tarigagay ku ya wanglec, no di ngas ya gabay niya nangibon iyaken,” kunen ne̍ Je̍sus.

Juan 6:38

Ta inumbe̍t tac nga gayat ka langit, tasun wanglec ya tarigagayan niya nangibon iyaken, bekken nas nga ya tarigagayac.

Juan 8:16

Ngem orey no uwed kuma panangukum ku, napudnu ngas met. Ta no uwed kuma panangukum ku, bekken nga iiyaken ya mangukum, no di lugud kabulun ku ya Amac nga nangibon iyaken.

2 Timutyu 4:17

Ket orey agten iyan itun, ya Apu mettas ya nangisangil iyaken, ket pinabileg nac. Itu nga nabalin ku nga nipakaemmu ya panursuru tida nga madi yac kinurkurangan, tasun maemmuwan pe̍ diya amin nga bekken nga Hudyu. Ket iya agten iyan, nisalakan nac kadito mayat nga mangranggas iyaken, nga arig nga nisalakan nac mettas iya musung niya isa nga liyun.

2 Timutyu 4:22

Ket ya Apu kuma ya mangiturung ikew iya lemlemmet mu. Uwed kuma dakayu ya siaayat nga asi ne̍ Apu Diyus.

He̍briyu 4:15

Ket idi nga Kangatuwan nga Agsirsirbi nga mangibegbeggi dactida e̍ Apu Diyus, bekken met nga isa nga madi makaisakit iya kinakapsut tida. Maisakit nactida ngarud, ta napadas na met amin nga kita sulisug gapu iya kinatoley na nga agten dactida. Napadas na ngarud amin diyan, ngem madi pulus nagbasul.

He̍briyu 7:26

Dikad pe̍ igina, maitutup met nga Kangatuwan nga Mangibegbeggi dactida e̍ Apu Diyus, ta awan basul na winno kinadake̍c na, se̍ awan pe̍ mansa igina. Ket idi nga mangibegbeggi, naiduma met kadiya sibabasul nga toltoley, ket naisaad met pe̍ ka nangatngatu ngem kadiya nailangitan.

1 Juan 2:1

Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

1 Juan 3:22

Ket orey nagan na nga adngen tida igina, ipaay na dactida, ta tungpalen tida diya bilin na se̍ wanglen tida pe̍ diya makaay-ayu igina.