Juan 8:28 - Ya Baru nga Tulag

²⁸ Dikad pe̍ kinunen manin ne̍ Je̍sus igida, “No maibayug nu nad ya Anac nga Naipatoley, maemmuwan nu nad mettasin nga iyaken ya uwed nga sigud. Ket maemmuwan nu pe̍ yin nga awan wanglec nga kabucbukudac, no di lugud kagkagiyec ngas ya nisuru niya Ama iyaken.

Juan 8:28 Iomraidhean Croise

Matyu 24:5

Ta adu nad diya agparang nga agkunen nga igida kanu ya iyaken, nga kunen da nad nga, ‘Iyaken ya Kristu!’ kunen da nad met. Ket iya agten iyan, adu nad diya maiyaw-awan da.

Markus 13:6

Adu nad diya agparang nga agkunen nga igida kanu ya iyaken, nga kunen da nad nga, ‘Iyaken nge̍ Kristu!’ kunen da nad met. Ket iya agten iyan, adu nad diya maiyaw-awan da.

Lukas 21:8

Ket kinunen ne̍ Je̍sus, “Agannad kayu ngarud, tasun madi kayu kuma paiyaw-awan maipanggep iyan nga timpu. Ta adu nad diya agparang nga agkunen nga igida kanu ya iyaken, nga kunen da nad nga, ‘Iyaken nge̍ Kristu!’ winno kunen da nga, ‘Dandani yin yan nga timpu!’ kunen da nad met. Ngem madi nu lugud suruten da.

Juan 11:42

Ket emmuc ngarud nga sigud nga ipangag nac nga kankanayun, ngem kinagic yan gapu ngas kadiya toley nga uwed idi nga aggigicna, tasun patiyen da kuma nga tutu nga ikew ya nangibon iyaken,” kunen na.

Juan 13:19

Ket ibagac dakayu yani ita, sacbay nga mapasamac, tasun nad no mapasamac iyaken nin, mamati kayu nga iyaken ya uwed nga sigud.

Juan 16:10

Ipakaemmu na met pe̍ igida ya maipanggep iya kinalinteg, gapu ta pudnu met nga iyaken ya nalinteg nga mawe̍ mettas iya Ama. Ket iya agten iyan, madi dac nad ngarud masingen nin.

Juan 18:32

Ket diyan nga napasamac, itu to pannakatungpal nito kinagi ne̍ Je̍sus itun ito nibaga na no kumaan niya panangpatey da igina.

Juan 19:18

Ket antuni nin to nangilansaan da igina ka krus. Ket uwed met pe̍ duwa nga lalaki itun nga naikumpas e̍ Je̍sus, nga nailansa pe̍ kadiya krus da. Nagsumbangir diya krus da iya abay niya krus ne̍ Je̍sus, ket nagkintengnga nge̍ Je̍sus.

Juan 3:11

Pudnu met yani nga ibagac ikew: Ya emmu mi, itu was ya kagkagiyen mi. Ket ya nasingen mi, itu was ya ibagbaga mi. Ngem dakayu, madi kayu met patpatiyen ya ipakaemmu mi.

Juan 3:14

“Ket ya Anac nga Naipatoley, maibayug nad met nga arig mettas nga ito panangibayug nito Muyse̍s ito sinan-malaga enna away itun.

Juan 4:26

Ket e̍ Je̍sus, kinunen na, “Iyaken nga katkatbar mun, iyaken met ya kinunem,” kunen na.

Juan 5:19

Itu nga kinunen ne̍ Je̍sus kadito pangpangulu diya Hudyu, “Pudnu met yani nga ibagac dakayu: Awan mawangel niya Anac nga bucbukud na. Ya masingen na nga wangwanglen niya Ama na, itu ngas ya mawangel na. Ta ya orey nagan na nga wanglen niya Ama, itu met ya tuladen niya Anac.

Juan 5:30

“Ket iyaken, awan mawangel ku nga kabucbukudac, no di lugud sigun nas iya ibaga niya Ama iyaken ya panangukum ku. Ket itu nga nalinteg ngas ya panangukum ku, ta bekken nga ya tarigagay ku ya wanglec, no di ngas ya gabay niya nangibon iyaken,” kunen ne̍ Je̍sus.

Juan 6:38

Ta inumbe̍t tac nga gayat ka langit, tasun wanglec ya tarigagayan niya nangibon iyaken, bekken nas nga ya tarigagayac.

Juan 8:24

Itu ya gapu na nga kinunec dakayu nga matey kayu was nad nga maukum gapu kadiya basbasul nu. Ta no madi kayu mamati nga iyaken ya uwed nga sigud, maukum kayu nad ngarud gapu kadiya basbasul nu,” kunen na.

Juan 8:27

Ngem dito naggigicna, madi da met naawatan nga maipanggep e̍ Diyus Ama to kinagi ne̍ Je̍sus itun.

Juan 8:58

Ket kinunen manin ne̍ Je̍sus igida, “Ibagac met ya pudnu dakayu: Orey ito madi pekkem nga naiyanac to Abraham, uwed dac nga sigudin,” kunen na.

Aramid 2:41

Ket dito namati kadito kinagi ne̍ Pe̍dru, nagpabautisar da ngarud. Ket itun mettas nga algew, uwed sumaggatlu nga ribu nga naidga iya bungguy dito sigud nga mamati e̍ Je̍sus itun.

Aramid 4:4

Ket dito naggigicna kadito kinagkagi de̍ Pe̍dru nge̍ Juan enna Te̍mplu, adu latta igida ya namati iya naisuru nga maipanggep e̍ Je̍sus. Dikad pe̍ pasar lima nga ribu mettin to dagup dito lalaki nga namati yin.

Ruma 1:4

Ket no maipanggep iya kinaDiyus na, nipakaemmu niya nadiyusan nga Ispiritu nga igina ya Anac ne̍ Apu Diyus, gapu ito nakaskasdaaw nga pannakabalin nga naipasingen ito panagungar na. Ya Apu tida nga Je̍su Kristu met yani.