Juan 8:21 - Ya Baru nga Tulag

²¹ Ket iya agten iyan, kinunen manin ne̍ Je̍sus igida, “Pumanaw wac nad mettin, ket sapulen dac, ngem matey kayu was nad nga maukum gapu kadiya basbasul nu. Madi dac ngarud masmac, ta madi kayu met makapen iya kapennac,” kunen na.

Juan 8:21 Iomraidhean Croise

Matyu 23:39

Ta pudnu met nga madi dac nad masingen nin agingga iyan nga timpu nga panangibaga nu nga, ‘Madaydayaw ya agparang gapu iya turay niya Apu,’ kunen nu nad mettas,” kunen ne̍ Je̍sus.

Matyu 25:41

“Ket kalpasan niyan, kunen nad niya Ari kadiya uwed iya makatigid na, ‘Dakayu, umadeyyu kayu iyaken nin, dakayu nga nailunud nga toley! Mawe̍ kayu was ito agnanayun nga pagapuyan nga naisagana itun para iya diyablu se̍ dito eb-ebbonen na.

Matyu 25:46

Ket iya agten iyan, pumanaw nad diyan nga toley nga mawe̍ da iya agnanayun nga pakadusaan da. Ngem diya napalinteg nga toley, mawe̍ da nga gennung iya agnanayun nga pakabiyagan da,” kunen ne̍ Je̍sus.

Juan 12:33

Ket kinunen ne̍ Je̍sus yan tasun maemmuwan da no kumaan nad niya ipapatey na.

Juan 12:35

Ket simungbat nge̍ Je̍sus nga kinunen na igida, “Iya di mabayag, awanin ya mangwada dakayu. Itu nga gawaan nu kuma ngarudin ya sumurut, ta uwed pekkem ita ya mangwada dakayu. Ngarud, gawaan nu, tasun madi nakayu makamakam ya gicbet. Ta ya manalan iya nagicbet, di na met mailasin ya pennan na.

Juan 13:33

“An-anac ku, e̍teng ngas nga urasin ya kauwed ku dakayun. Ket agten ito nibagac itun kadito pangpangulu nga Hudyu, itu pe̍ ya ibagac dakayu ita, nga sapsapulen dac nad, ngem madi kayu makapen iya kapennac.

Juan 7:34

Sapsapulen dac nad ngem di dac nad masmac kin, ta madi kayu makapen iya pagedyanac,” kunen na.

Juan 7:36

Ta nagan ngata ya kayat na nga kagiyen ito kinunen na nga sapsapulen tida nad ngem madi tida kanu masmac kin, se̍ to kinunen na nga madi tida kanu makapen iya pagedyanan na?” kunen da.

Juan 8:24

Itu ya gapu na nga kinunec dakayu nga matey kayu was nad nga maukum gapu kadiya basbasul nu. Ta no madi kayu mamati nga iyaken ya uwed nga sigud, maukum kayu nad ngarud gapu kadiya basbasul nu,” kunen na.

E̍pe̍su 2:1

Ket dakayu, naibilang kayu itun nga natey yin iya imatang ne̍ Apu Diyus gapu iya kinadake̍c nu se̍ diya basbasul nu.