Juan 8:20 - Ya Baru nga Tulag

²⁰ Ket kinagi ne̍ Je̍sus diyan ito panangisursuru na enna Te̍mplu, ito edyan dito pipisukan ka datun nga kuwarta. Ngem orey uwed nge̍ Je̍sus antuni nga silalatac, awan met nangtekkem igina, ta madi pekkem nadatngan itun ya kustu nga timpu nga nikeddeng ne̍ Apu Diyus.

Juan 8:20 Iomraidhean Croise

Matyu 26:55

Ket itun, kinunen ne̍ Je̍sus kadito toley nga naguurnung antuni, “Ape̍ kad nga agtagiispada se̍ agtagipang-ur kayu nga inumbe̍t mangtekkem iyaken, nga arig nga isa ngac nga tulisan? Inalgew nga uwed dac met nga agtugtugew nga mangisursuru enna Te̍mplu, ngem madi dac met nga tinkem.

Matyu 27:6

Ket dito pangpangulu dito agsirsirbi iya Te̍mplu, inalac da dito diplata, nga kinunen da, “Sigun iya Linteg, maiparit nga maipay yani nga kuwarta iya pagpunduwan ka kuwarta iya Te̍mplu, ta naipaay met nga bayad niya biyag toley yin,” kunen da.

Markus 12:41

Ket nawe̍ nge̍ Je̍sus nagtugew itun iya lugar nga masalupac na dito pipisukan ka pagdatun nga kuwarta iya Te̍mplu. Ket nasiputan na ya panagipisuc diya toltoley kadiya kuwarta da. Ket adu diya babacnang nga nawe̍ nangipisuc ka adu nga kuwarta.

Markus 12:43

Ket pinaadenni ne̍ Je̍sus dito adalan na, ket kinunen na igida, “Pudnu met nga naibilang nga napatpateg ya nipisuc niyan nga panglaw nga balu ngem kadiya amin nga nipisuc dito duduma nga nangipay iya pipisukan.

Lukas 20:19

Ket dito manursuru iya Linteg, se̍ dito pangulu diya agsirsirbi iya Te̍mplu, gabay da nga tacmen nge̍ Je̍sus iyan mettas nga kanitu, gapu ta naawatan da nga igida met to pakaiturungan nito pangngarig na. Ngem madi da met tinkem, ta nansing da kadito toltoley.

Lukas 21:1

Ket itun, limanga nge̍ Je̍sus, ket nasingen na diya babacnang nga mangipay ka tulung da iya pipisukan ka kuwarta iya Te̍mplu.

Juan 10:39

Ket gapu kadiyan nga kinunen ne̍ Je̍sus, panggeppen da manin nga tacmen, ngem nakalisi met.

Juan 2:4

Ket e̍ Je̍sus, kinunen na, “Ina, masapul nga iiyaken nas ya makaemmu kadiya wangwanglec. Madi pekkem nadatngan ya timpuc,” kunen na.

Juan 7:14

Ket ito pagtengngaan nito timpu Padaya, nawe̍ nangisuru nge̍ Je̍sus enna Te̍mplu.

Juan 7:30

Ket gapu iyan nga kinagi na, pinanggep dito pangpangulu nga tacmen nin, ngem awan met igida ya nakaibanag. Ta ya kinapudnu na, madi pekkem nadatngan itun ya kustu nga timpu nga nikeddeng ne̍ Apu Diyus.

Juan 7:44

Ket diya duduma igida, gabay da nga tacmen nge̍ Je̍sus, ngem awan met nakaibanag.

Juan 7:8

Dakayu ya mawe̍ makipadaya ngin. Madic pekkem makapen iyan nga padaya, ta madi pekkem nadatngan ya kustu nga timpuc,” kunen na.

Juan 8:2

Ket ito kadamlag na, nasapa nga simoli nge̍ Je̍sus iya Te̍mplu manin. Ket diya toltoley, nawe̍ da ito edyan na ket inarikoyopan da. Ket e̍ Je̍sus, nagtugew nga nangisuru igida.

Juan 8:59

Ket iya agten iyan, pimidit dito Hudyu ka batu tasun dampagen da kuma. Ngem sililinged nge̍ Je̍sus nga pimanaw iya Te̍mplu win.