Juan 8:11 - Ya Baru nga Tulag

¹¹ Ket kinunen nito babey, “Awan met, Apu,” kunen na. Ket kinunen ne̍ Je̍sus igina, “Orey iyaken, madi naka pe̍ ukumen. Agawir ka ngarudin, ket ipac mu ya panagbasbasul mun,” kunen na.]

Juan 8:11 Iomraidhean Croise

Lukas 13:3

Ngem bekken met! Ta ya kinapudnu na, ket no madi kayu pe̍ agbabawi kadiya basbasul nu, mapukaw kayu nad pe̍ nga amin nga agten mettas igida.

Lukas 13:5

Bekken met! Ket pudnu met nga no madi kayu pe̍ agbabawi kadiya basbasul nu, mapukaw kayu nad pe̍ nga amin nga agten mettas igida.”

Lukas 15:10

“Ket pudnu met nga agten pe̍ iyan ya anggem diya anghe̍le̍s ne̍ Apu Diyus gapu iya orey isa ngas nga managbasul nga agbabawi,” kunen na.

Lukas 15:32

Ngem ita, di met aya rumbeng no agragsac tida se̍ agyaman? Ta ya adim nga idi, nibilang tida nga natey yin, ngem uwed mettas nga sibibiyag. Napukaw dactida itun, ngem nasmac mettasin,’ kunen na.”

Lukas 15:7

“Ket pudnu nga agten pe̍ iyan ka langit. Ta no uwed isa nga toley nga managbasul nga agbabawi, dacdackel pekkem ya anggem diya nailangitan gapu iyan nga toley, orey no is-isa ngas, ngem iya panaganggem da gapu kadiya siyam nga pulu ket siyam nga nalinteg nga toley nga madi kanu makasapul ka panagbabawi.”

Lukas 5:32

Ket agten nac met iyan, ta ya numbe̍tac, bekken met nga tasun awisec diya nalinteg nga toley, no di lugud diya managbasul, tasun agbabawi da,” kunen na.

Lukas 9:56

Ket nagpatuluy ngarud de̍ Je̍sus, nga nawe̍ da ka sabali nga ili yin.

Juan 18:36

Ket kinunen ne̍ Je̍sus, “Ya panangituray ku, bekken nga tumaud idi nga lubung. Ta no iya lubung ngi kuma ya pagtaudan na, makigubat ngarud diya pasurut ku tasun bekken nac nga maiyawat kadiya pangpangulu diya Hudyu. Ngem bekken met nga iya lubung ngi ya pagtaudan niya panangituray ku,” kunen na.

Juan 3:17

Ta nibon ne̍ Apu Diyus ya Anac na idi nga lubung tasun maisalakan kuma diya toley gapu igina, nga bekken nga tasun ukumen na da.

Juan 5:14

Ket iya di nabayag, naaskuran ne̍ Je̍sus to lalaki enna Te̍mplu. Ket kinunen na ito lalaki, “Singem ket nalaingan kan! Ala! Isardeng mu ya panagbasbasul mu, tasun awan kuma dacdake̍c nga mapasamac nad ikew,” kunen na.

Juan 8:15

Ta no dakayu, gapu was iya pagarupen nu ya panangukum nu. Ngem no iyaken, bekken ku nga gagara ya mangukum ka orey nagan na nga toley.

Ruma 2:4

Kaynun no pagarup nu nga mabalin nu nga namnamaen ya dackel nga kinaasi, kinaanus, se̍ panagibtur ne̍ Apu Diyus. Di kayu kad emmu nga ya asi ne̍ Apu Diyus, ipaay na met dakayu tasun agbabawi kayu kuma?

1 Kurintu 5:12

Agten iyan kuma ngarud, ata tutu met nga awan karbengngac nga manglinteg kadiya bekken tida nga kabulun ka pammati. Ngem no diya pada tida nga mamati nga gennung, rebbeng nu ngarud ya manglinteg igida!

2 Pe̍dru 3:15

Ket ya panangipamoya niya Apu tida ita nga timpu, ibilang nu kuma nga gundaway diya toley nga maisalakan. Ket e̍ Pablu met pe̍ nga patpatgen tida nga kabsat, nisurat na pe̍ yan dakayu sigun iya pannakaawat nga ne̍cde̍ ne̍ Apu Diyus igina.