Juan 7:5 - Ya Baru nga Tulag

⁵ Kinunen met dito kakabsat ne̍ Je̍sus yan, ta madi da met mamati igina.

Juan 7:5 Iomraidhean Croise

Matyu 12:46

Ket ito agkagkagi pekkem nge̍ Je̍sus kadito toltoley, inumbe̍t ya ina se̍ diya kakabsat na nga lalaki. Nagsisikad da iya ruwar nito baley, ket gabay da kanu ya makitbar igina.

Markus 3:21

Ket ito nadamag diya kabagiyan na yan, nawe̍ da ngarud iya edyan ne̍ Je̍sus, tasun alaken da kuma, ta kinagkagi met diya toltoley nga agel-ellut kanun.

Juan 7:10

Ngem ito nawe̍ nakipadaya dito kakabsat nan, simarunu met pe̍ nge̍ Je̍sus. Ngem madi nagpadpadlaw, no di lugud sililimed.

Juan 7:3

Itu nga kinunen dito lalaki nga kakabsat ne̍ Je̍sus igina, “Se̍pe̍ di ka met pumanaw idi nga mawe̍ ka prubinsiya nga Hudya ngin, tasun masingen dito pasurut mu diya nakaskasdaaw nga ar-arimanem?

Juan 7:4

Ta no gabay niya isa nga toley ya aglatac, madi na ngarud ilimed diya wangwanglen na. Dikad pe̍ gapu ta agar-ariman ka ngarud kadidi, mawe̍ ka ngarud agpasingen kadiya toltoley a, tasun maipakaemmu ngarud ya beggim kadiya amin nga toltoley iya lubung!” kunen da.