Juan 7:41 - Ya Baru nga Tulag

⁴¹ Ket diya duduma, kinunen da, “Igina met ya Kristu!” Ngem uwed da met pe̍ nagkunen, “Siyac bekken! Ta bekken kanu nga Galilya ya pagtaudan niya Kristu!

Juan 7:41 Iomraidhean Croise

Juan 1:41

Ket e̍ Andre̍s, sigida nga nawe̍ na sinapul nge̍ Simon nga kabsat na, ket nibaga na e̍ Simon, “Nasmac mi ngarudin ya Me̍siyas!” kunen na. (Kagi diya Hudyu ya “Me̍siyas”, nga kayat na nga kagiyen, “Kristu.”)

Juan 1:46

Ngem kinunen ne̍ Natanye̍l, “Ahah! Uwed aya nabaru nga mabalin nga tumaud enna Nasare̍t?” kunen na. Ket kinunen ne̍ Pe̍lipe̍, “Umbe̍t mu was singen, a,” kunen na.

Juan 1:49

Ket to Natanye̍l, kinunen nan, “Mistru, Anac naka ngarud nge̍ Apu Diyus! Ikew ya Ari mi nga Israe̍lita!” kunen na.

Juan 4:25

Ket to babey, kinunen na e̍ Je̍sus, “Emmuc met nga umbe̍t nad ya Me̍siyas nga maawagan ka Kristu. Ket nad no umbe̍t, ipakaemmu na dactida diya amin nga banbanag,” kunen na.

Juan 4:29

“Umbe̍t nu singen, ta uwed lalaki nga nangipakaemmu iyaken kadiya amin nga winangwangel ku. Di igina kid ya Kristu?” kunen na.

Juan 4:42

Ket dito toltoley, kinunen da ito babey, “Mamati kami ngarudin, ngem bekken nas nga gapu ito kagi mun, no di lugud gapu ta dakami nga mismu ya nakagicna iginan. Ket itu ya pakaemmuwan mi nga tutu nga igina ya naibon nga Mangisalakan kadiya toltoley iya lubung ngi,” kunen da.

Juan 6:69

Dakami, mamati kamin, ket emmu min nga ikew ya Nalinteg nga Ebbon ne̍ Apu Diyus,” kunen na.

Juan 7:27

Ngem bekken kid nga igina yan, ta no agparang ya Kristu nga ebbon ne̍ Apu Diyus, awan kanu makaemmu no awac ya paggayatan na. Ket idi nga toley, emmu tida met ya naggayatan na,” kunen da.

Juan 7:31

Ket dito toltoley nga naggigicna igina, adu da nga namati igina, nga kinunen da iya panagtetebbar da, “Awan met sabali nga Kristu nga naikari nga ibon ne̍ Apu Diyus, no di yas igina. Ta awan ngarud makaparis kadiya nakaskasdaaw nga pagilasinan nga inar-ariman nidi nga toley,” kunen da.

Juan 7:52

Ket kinunen dito duduma igina, “Ahah! IGalilya ka pe̍ aya? Adalem nga nalaing diya naisurat iya Bibliya, ket maemmuwam ngarudin nga pulus nga awan mammadtu nga tumaud ka prubinsiya nga Galilya!” kunen da.