Juan 7:39 - Ya Baru nga Tulag

³⁹ Ket yan nga kinagi na, itu ya maipanggep iya Ispiritu Santu nga mae̍cde̍ nad kadiya mamati e̍ Je̍sus. Ngem madi pekkem nae̍cde̍ ya Ispiritu Santu itun, ta madi pekkem simoli nge̍ Je̍sus ka langit nga pakaidayawan na.

Juan 7:39 Iomraidhean Croise

Matyu 16:14

Ket kinunen da, “E̍ Juan nga Mammautisar ka kanu, kunen diya duduma. Ngem uwed da met duduma nga agkunen nga to mammadtu nga E̍lyas ka kanu. Se̍ uwed da pe̍ agkunen nga to mammadtu nga He̍re̍myas ka kanu, winno isa pekkem kanu kadito mammadtu itun pekkem,” kunen da.

Matyu 21:11

Ket dito adu nga toltoley nga nakibulubulun e̍ Je̍sus, kinunen da met, “Igina yan nge̍ Je̍sus, nga itu to mammadtu nga taga-Nasare̍t enna prubinsiya nga Galilya,” kunen da.

Lukas 24:49

Ket agten idi: Ibon ku dakayu to nikari niya Amac. Ket masapul nga madi kayu ngarud pekkem pumanpanaw idi nga siyudad, agingga nga di kayu pekkem mae̍cdan ka pannakabalin nga gayat ka langit,” kunen na.

Lukas 3:16

Itu nga kinunen ne̍ Juan igida nga amin, “Ket iyaken ita, danum ya pamautisar ku dakayu. Ngem uwed nad umbe̍t nga sumarunu iyaken nga dacdackel ya pannakabalin na ngem iyaken, ket di yac pe̍ maikari nga orey no mangukas ngas kadiya listun diya palloka na. Ket igina, ya Ispiritu Santu se̍ apuy met ya pamautisar na nad dakayu.

Lukas 7:16

Nasdaaw ngarud amin dito toley, ket nagdaydayaw da e̍ Apu Diyusin, nga kinunen da, “Uwed met nangatu nga mammadtu nga nagparang dactidan!” Se̍ kinunen da pe̍, “Sinacwaran nactida nge̍ Apu Diyusin!” kunen da.

Juan 1:21

Ket dito naibon, sinaludsud da manin nga kinunen da, “No agten iyan, nagan mu ngarud? To mammadtu nga E̍lyas ka kadi?” kunen da. Ket nisungbat nito Juan, “Bekken met,” kunen na. Ket kinunen da manin, “Ikew kadi ya naikari nga Mammadtu nga padpadaanan mi?” kunen da. Ket kinunen nito Juan manin, “Bekken met,” kunen na.

Juan 1:25

Ket nagsaludsud da manin ito Juan nga kinunen da, “No bekken nga ikew ya Kristu, winno to E̍lyas, winno ya naikari nga Mammadtu, ape̍ ngarud nga mamautisar ka?” kunen da.

Juan 1:33

Madi yac pe̍ emmu itun no nagan na yani nga nibon ne̍ Apu Diyus. Ngem e̍ Apu Diyus nga nangibon pe̍ iyaken nga mamautisar ka danum, ket kinunen na met iyaken itun nga, ‘Masingem nad ya Ispirituc nga sumegged nga makitipun iya isa nga toley. Ket itu yanin ya mamautisar ka Ispiritu Santu,’ kunen na iyaken.

Juan 12:16

Ngem dito adalan ne̍ Je̍sus, madi da pekkem naawatan itun ya kaipapennan diyan nga napasamac. Ngem ito simoli nge̍ Je̍sus ka langit nga pakaidayawan nan, nalagip dan nga uwed met naisurat nga agten iyan iya Bibliya maipanggep igina, ket naawatan dan nga natungpal met nga tutu win.

Juan 12:23

Ket agten idi to kinunen ne̍ Je̍sus igida: “Nadatngan ngarudin ya timpu nga pakaidayawan niya Anac nga Naipatoley.

Juan 14:13

Ket orey nagan na ya adngen nu nad iya Ama nga sipapati iya kinaturay ku, itungpal ku ngarud dakayu, tasun maidaydayaw kuma ya Ama gapu iya Anac.

Juan 14:26

Ngem gapu nad iya kinaturay ku, ibon niya Ama dakayu ya Mamagbaga, nga itu ya Ispiritu Santu. Ket itu nad ya mangisuru dakayu iya amin nga banag maipanggep kadidi, se̍ ipalagip na nad pe̍ dito amin nga nibagac dakayu.

Juan 16:14

Iyaken nad ya ipadayaw na dakayu, ta diya gabay ku nga ibaga dakayu, itu mettas ya ipakaemmu na nad dakayu.

Juan 16:7

Ngem ibagac ya pudnu dakayu: Nabarbaru met para dakayu no pumanaw wac. Ta no madi yac pumanaw, madi met umbe̍t dakayu ya Mamagbaga. Ngem no pumanaw wac kun, ibon ku mettas dakayu.

Juan 17:1

Kalpasan niya panangagi ne̍ Je̍sus kadiyan, limangad ka langit, ket nagkararag nga kinunen na, “Ama, nadatnganin ya timpu nga panangipadayaw mu iya Anac mu, tasun maipadayaw naka pe̍.

Juan 17:5

Dikad pe̍ ita, Ama, ipadayaw nac iya imatang mu, ka dayaw nga agten mettas ito sigud nga kinadayaw ku ito uwed dac iya edyan mu ito sacbay nga naparsuwa yani nga lubung.

Juan 20:22

Ket ito nakagi na yanin, imanges nga inasngawan na da, ket kinunen na, “Awaten nu ya Ispiritu Santu.

Juan 6:14

Ket ito nailasin dito toltoley yan nga nakaskasdaaw nga inariman ne̍ Je̍sus, kinunen da iya panagtetebbar da, “Siguradu nga itu yani ya Mammadtu nga naipadtu nga umbe̍t iya lubung ngi!” kunen da.

Juan 7:12

Ket diya toltoley iyan nga makipadpadaya ngin, adu diya nagiinnasasim ka maipanggep e̍ Je̍sus. Kinunen diya duduma nga nanacman kanu nge̍ Je̍sus. Ngem “Bekken,” kunen met diya duduma, “ta allilawen na met diya toltoley,” kunen da.

Juan 8:54

Ket kinunen ne̍ Je̍sus, “No ya mismu nga beggic ya idaydayaw ku, ket awan met nga tutu sirsirbi niya pannakaidayaw ku. Ngem ya kinapudnu na, ya Amac ya mangipadayaw iyaken. Ket igina mettas ya kunen nu nga Diyus nu.

Aramid 19:2

Ket nagsaludsud nge̍ Pablu igida no nae̍cdan da iya Ispiritu Santu ito namati dan. Ket kinunen da, “Awan met. Awan pekkem orey nagicgicna mi maipanggep iyan nga Ispiritu Santu nga kunem,” kunen da.

Aramid 2:17

Nisurat nito Huwe̍l to kinunen ne̍ Apu Diyus nga agten idi: ‘Iyalubuc nad ya Ispirituc iya amin nga toley iya kaodiyan nga timpu. Ket diya anac nu nga lalaki se̍ babey, ikaskasaba da nad ya kagic. Diya agtutubu nu nga lalaki, maparmata da nad pe̍ diya ipasingec igida, se̍ mapasmeggan nad pe̍ diya lallakay nu diya ipapasmeg ku igida.

Aramid 2:33

Naipangatu nge̍ Je̍susin nga nawe̍ iya madiwanan ne̍ Apu Diyus, nga itu ya kadayawan nga saad. Ket inawat ne̍ Je̍sus to nikari ne̍ Apu Diyus itun, nga itu ya Ispiritu Santu nga naiyalubu win dakami. Ket itu win ya masingsingen se̍ magicgicna nu ita.

Aramid 2:38

Ket kinunen ne̍ Pe̍dru igida, “Agbabawi kayu ngarudin, se̍ pabautisaran ya tunggal isa dakayu gapu iya panamati nu e̍ Je̍su Kristu win, tasun mapakawan diya basbasul nu. Ket mae̍cdan kayu pe̍ iya Ispiritu Santu nga sagut ne̍ Apu Diyus.

Aramid 2:4

Ket naidalan da nga aminin iya Ispiritu Santu, ket nagkagkagi da ka nadumaduma nga pagkakagi yin. Pinagkagi niya Ispiritu Santu da ka pagkakagi nga nadumaduma.

Aramid 3:13

E̍ Apu Diyus nga Diyus dito am-ama tida nga Abraham, Isaac, se̍ Hakub, nipadayaw na met nge̍ Je̍sus nga eb-ebbonen na. Ngem dakayu, niyawat nu nge̍ Je̍sus kadiya agtuturay, se̍ nidarum nu pe̍ e̍ Pilatu, orey gabay ne̍ Pilatu nga wayawayaan kuma.

Aramid 4:31

Ket kalpasan nito panagkararag da, nayegyeg met to baley nga edyan dan. Ket niturayan niya Ispiritu Santu da nga amin, ket natured da ngarud nga nangibaga iya kagi ne̍ Apu Diyusin.

Ruma 8:9

Ngem no dakayu, bekken kayu nga agten kadiyan. Ta no tutu nga agedyan dakayu ya Ispiritu ne̍ Apu Diyus, madi kayu nga tungtungpalen ya gabay niya kinatoley nun, no di lugud ya gabay niya Ispiritu win. Ngem ya orey nagan na nga toley nga awan igina ya Ispiritu ne̍ Kristu, bekken met nga kuwa ne̍ Kristu.

2 Kurintu 3:8

di ngarud nangnangruna ya kinadayaw ne̍ Apu Diyus nga maipasingen iya ipaay niya panagtungpal iya Ispiritu na?

E̍pe̍su 4:30

Ket se̍ madi nu kuma ngarud paldaangan ya Ispiritu Santu. Igina mettas ya Ispiritu ne̍ Apu Diyus nga arig nga marka nga mangpatalged dakayu maipanggep iya timpu nad nga panangipawayawaya ne̍ Apu Diyus dakayu.