Juan 7:37 - Ya Baru nga Tulag

³⁷ To algew nga panggibusan nito padaya, itu ya kangrunaan nga algew nito padaya. Ket iyan nga algew, nagsikad nge̍ Je̍sus iya imatang diya toltoley, ket kinunen na ka nabileg, “No uwed dakayu ya mewwew, umbe̍t iyaken, ta painumec.

Juan 7:37 Iomraidhean Croise

Matyu 11:28

“Ket dakayu nga agrigrigat se̍ madagdagsennan, umbe̍t kayu kuma ngas iyaken, ta iyaken ya mange̍cde̍ ka pagtalnaan nu.

Matyu 3:3

E̍ Juan mettas to kinunen nito mammadtu nga Isayas itun, ito kinunen na, “Enna away, uwed mangip-ipkaw nga kunen na, ‘Isagana nu ya dalan niya Apu! Palinteggen nu ngarud ya dalanen na!’”

Matyu 5:6

Nagasat diya agtarigagay kadiya nalinteg nga panggep ne̍ Apu Diyus, ta mapnec da nad mettas.

Juan 1:23

Ket to Juan, nisungbat na to nipadtu nito mammadtu nga Isayas itun nga kinunen na, “Iyaken ya mangip-ipkaw nga mangibagbaga enna away, nga kunec ya agten idi: ‘Palinteggen nu ya dalan para iya Apu!’” kunen na.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Juan 4:10

Ket kinunen ne̍ Je̍sus igina, “No emmum kuma ngas ya sagut nga ipaay ne̍ Apu Diyus, se̍ no nagan ku nga agad-adeng ikew ka inumec nga danum, ikew kuma ngin ya umadeng iyaken, ket e̍cdan naka ka makabiyag nga danum,” kunen na.

Juan 4:11

Ket kinunen nito babey igina, “Ay, nauneg met ya bitu nga idi, apu, ket awan met ngarud pagsacdum. Awac ngarud ya pamettam ka makabiyag nga danum?

Juan 4:14

Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Juan 5:40

Ngem orey agten iyan, madi kayu met gabay ya umadenni nga sumurut iyaken, tasun mae̍cdan kayu kuma iyan nga biyag.

Juan 6:35

Ket e̍ Je̍sus, kinunen na ngarud igida, “Iyaken met yan nga pagbiyag, nga maiyarig ka makan nga pakabiyagan. Itu nga ya umadenni nga sumurut iyaken, madi met mabisinin. Ket ya mamati iyaken, madi pe̍ mewwew win.

Juan 6:37

Ngem amin diya toley nga italec niya Ama iyaken, itu diyan diya umadenni nga sumurut iyaken. Ket ya umadenni nga sumurut iyaken, madic ngarud pagtalawen.

Juan 6:55

Ta pudnu nga pagbiyag ya beggic se̍ dagac.

Juan 7:28

Itu nga e̍ Je̍sus, nga madama pekkem nga mangisursuru enna Te̍mplu, nibileg na ya timec na nga kinunen nan, “Pudnu kad nga em-emmu dac? Se̍ tutu kad nga emmu nu ya naggayatac? Ket ya kinapudnu na, madic inumbe̍t nga gapu was iya bukud ku nga panpanunut, no di lugud gapu iya gabay niya nangibon iyaken. Ket awan pulus kinabusid na. Ngem madi kayu met em-emmu.

1 Kurintu 10:21

Ta agkuntra met ya uminum kayu ka panangilagip nu iya Apu, se̍ ya mawe̍ kayu pe̍ makiinum iya pagdayaw ka sacsairu. Bekken ngarud nga umisu ya makisangu kayu iya pannangan nga mangipasingen iya panagtungpal nu e̍ Apu Je̍sus, no makisangu kayu pe̍ iya pannangan nga mangipasingen iya panagtungpal nu kadiya sacsairu.

1 Kurintu 10:4

se̍ iminum da pe̍ nga amin ito danum nga pinagayus ne̍ Apu Diyus ito batu. Ket e̍ Kristu mettas ya kaiyarigan nitun nga batu nga pe̍yeng nga uwed igida itun.

1 Kurintu 11:25

Se̍ manin, kalpasan niya pannangan da, ne̍cde̍ na pe̍ igida ya paginuman, ket kinunen na, “Idi nga binasu nga mainum, itu ya pakaemmuwan nu nga uwed kabarbaru nga tulag ne̍ Apu Diyus dakayu, nga mapalagdaan gapu iya dagac. Ket orey no nungey kayu nga aguurnung nga mangilagip iyaken, arimanen nu ya agten idi nga panaginum nga panangilagip nu iyaken,” kunen na.

1 Kurintu 12:13

Ta amin tida, Hudyu man winno bekken nga Hudyu, tagabu man winno bekken, ket agpapada tida nga nabautisaran nga nakikamkameng e̍ Kristu, gapu mettas iya is-isa nga Ispiritu Santu. Se̍ is-isa yani nga Ispiritu nga nae̍cde̍ dactida, nga arig nga is-isa ya naipainum dactida.

E̍pe̍su 5:18

Ket bay-an nu ya age̍nglew ka mainum, ta itu yan ya pagtaudan diya napalaus nga panagluku. Madi kayu ngarud age̍nglew, no di lugud paiturayan kayu nga gennung iya Ispiritu Santu.

Paltiing 21:6

Ket kinunen na manin iyaken, “Natungpal ngarud diyan nga kagi yin! Iyaken met ya pangrugiyan se̍ ya panggibusan niya amin, ya pagtaudan se̍ ya pagtungpalan niya amin. Ket diya mewwew, painumec da iya danum niya ubbug nga mange̍cde̍ ka biyag, nga awan bayad na.

Paltiing 22:1

Ket itun, uwed manin nipasingen nito anghe̍l iyaken, nga wangag nga uwed danum na nga mange̍cde̍ ka agnanayun nga biyag. Ket nakalitlitaw to danum na, nga agten met iya kristal nga masarang. Ket to ayus na, timaud ito trunu nga pagtugawan ne̍ Apu Diyus se̍ ya Urbun Karne̍ru.

Paltiing 22:17

Ket, “Umbe̍t ka kuma ngin!” kunen met niya Ispiritu ne̍ Apu Diyus se̍ ya Nubya. Ket diya makagicna idi nga ayab, kunen da kuma pe̍, “Umbe̍t ka kuma ngin!” Ket diya mewwew, umadenni da kuma ngarud nga makiinum, ta mapalubusan mettin diya mayat nga makiinum ito danum nga mange̍cde̍ ka biyag, ket awan pe̍ bayad na.