Juan 7:36 - Ya Baru nga Tulag

³⁶ Ta nagan ngata ya kayat na nga kagiyen ito kinunen na nga sapsapulen tida nad ngem madi tida kanu masmac kin, se̍ to kinunen na nga madi tida kanu makapen iya pagedyanan na?” kunen da.

Juan 7:36 Iomraidhean Croise

Juan 12:34

Ket dito toltoley, kinunen da, “Ngem kunen na met iya Linteg tida nga agbiyag kanu ka agnanayun ya Kristu. No tutu yan, ape̍ kunem mun nga masapul nga maibayug ya Anac nga Naipatoley? No tutu nga agnanayun ya Kristu, nagan ngarud nidi nga Anac nga Naipatoley nga kunem?” kunen da.

Juan 13:33

“An-anac ku, e̍teng ngas nga urasin ya kauwed ku dakayun. Ket agten ito nibagac itun kadito pangpangulu nga Hudyu, itu pe̍ ya ibagac dakayu ita, nga sapsapulen dac nad, ngem madi kayu makapen iya kapennac.

Juan 3:4

Ket to Nikude̍mu, kinunen na manin, “Kumaan ngarud niya pannakaiyanac manin niya toley nga manacmanin? Mabalin na kad ya umuneg iya bessug niya ina na tasun maiyanac manin?” kunen na.

Juan 3:9

Ket to Nikude̍mu, sinaludsud na e̍ Je̍sus nga kinunen na, “Kumaan ngarud niya pannakapasamac niyan?” kunen na.

Juan 6:41

Ket dito Hudyu, nagtagtagobotob da nga silulucsew maipanggep e̍ Je̍sus, gapu ito kinunen na nga igina mettas ya pagbiyag nga naggayat ka langit.

Juan 6:52

Ket dito Hudyu nga naggigicna, nagsisinnungbat dan gapu ito kinunen ne̍ Je̍sus, nga kinunen da, “Kumaan na nga e̍cde̍ nidi nga toley kanu ya beggi na nga kanen tida?” kunen da.

Juan 6:60

Ket ito nagicna dito pasurut ne̍ Je̍sus diyan nga nibaga na, adu da nga nagkunen nga, “Ay! Narigat nga unay ya panursuru na. Awan ngata makaawat kadiyan,” kunen da.

Juan 7:34

Sapsapulen dac nad ngem di dac nad masmac kin, ta madi kayu makapen iya pagedyanac,” kunen na.

Juan 8:21

Ket iya agten iyan, kinunen manin ne̍ Je̍sus igida, “Pumanaw wac nad mettin, ket sapulen dac, ngem matey kayu was nad nga maukum gapu kadiya basbasul nu. Madi dac ngarud masmac, ta madi kayu met makapen iya kapennac,” kunen na.

1 Kurintu 2:14

Ngem diya toley nga awan igida ya Ispiritu ne̍ Apu Diyus, madi da met ikaskasu diya ipakaemmu na, ta ipagarup da nga awan kaipapennan didi igida. Ket di da met pe̍ makaawat maipanggep kadiyan, ta diyan nas paiturayan iya Ispiritu ne̍ Apu Diyus diya makalasin kadiyan.