Juan 7:35 - Ya Baru nga Tulag

³⁵ Ket dito pangpangulu dito Hudyu, nagtetebbar da, nga kinunen dan, “Awac kid ya pennan na nga madi tida kanu masmac kin? Kaynun no mawe̍ nad kadiya il-ili diya bekken nga Hudyu nga edyan diya naiwaraswaras nga Hudyu, tasun diya bekken nga Hudyu met ya isuru nan.

Juan 7:35 Iomraidhean Croise

Matyu 12:21

Ket igina nad ya namnamaen diya bekken nga Hudyu.”

Lukas 2:32

Igina ya arig nga dilag nga mangwada kadiya bekken nga Hudyu, se̍ ya pakaidayawan diya toley mu nga iIsrae̍l,” kunen na.

Juan 12:20

Ket itun, uwed pe̍ diya bekken nga Hudyu nga nawe̍ pe̍ nakipadaya ka He̍rusale̍m.

Juan 7:1

Ket kalpasan diyan, nawe̍ nge̍ Je̍sus nagpasyar kadiya il-ili antuni iya prubinsiya nga Galilya. Madi na ginabay ya nawe̍ ka prubinsiya nga Hudya, ta dito pangpangulu diya Hudyu nga taga-antuni, pangpanggeppen da nga patayen.

Juan 8:22

Itu nga kinunen dito Hudyu nga pangpangulu, “Ape̍ kid nga kunen na nga madi tida makapen iya pennan na? Agpessel nad kidin?” kunen da.

Aramid 11:18

Ket ito nagicna dito mamati nga Hudyu yan, awan met pangdellawan da e̍ Pe̍dru win, no di lugud nagdayaw da e̍ Apu Diyusin, nga kinunen da, “Agten iyan ngarudin, ta gabay ne̍ Apu Diyus ya mangipaay pe̍ ka pagbabawiyan diya bekken nga Hudyu, nga pakae̍cdan da ka biyag nga agnanayun,” kunen da.

Aramid 11:20

Ngem agten idi ya napasamac itun: Uwed da pe̍ duduma nga lalaki igida nga iSipre̍ se̍ iSire̍ne̍. Ket nawe̍ da ka Antiyakiya, ket nangasaba da pe̍ kadiya bekken nga Hudyu, nga nikaskasaba da pe̍ igida ya Makaparagsac nga Damag maipanggep e̍ Apu Je̍sus.

Aramid 14:1

Ket enna ili nga Ikunyu, nakigimung manin de̍ Pablu nge̍ Be̍rnabe̍ ito gigimungan diya Hudyu. Nangaskasaba da antuni, ket gapu ito panangasaba da, adu manin diya namati, nga Hudyu se̍ bekken nga Hudyu.

Aramid 17:4

Itu nga naawis ngarud dito duduma nga Hudyu, ket nakitipun da kade̍ Pablu nge̍ Silasin. Ket orey pe̍ dito bekken nga Hudyu nga managdayaw e̍ Apu Diyus, adu da pe̍ nga nakitipun igida, se̍ adu pe̍ dito mabigbig nga babey nga nakitipunin.

Aramid 18:4

Ket kada Algew Ngilin, nawe̍ nagpalawag nge̍ Pablu iya pammati na iya gigimungan diya Hudyu antuni, tasun awisen na kuma dito Hudyu, se̍ orey pe̍ dito bekken nga Hudyu.

Aramid 21:21

Ngem itan, nadamag da dito isursurum kanu kadiya pada tida nga Hudyu nga agedyan kadiya ili diya bekken nga Hudyu. Ket dake̍c kanu met, ta isurum kanu nga baybay-an da kuma ya Linteg nito Muyse̍s, ta madi ka kanu nga palubusan da iya panangipakugit da kadiya an-anac da, se̍ iya panangtungpal da kanu kadiya ug-ugali tida nga Hudyu.

Aramid 22:21

“Ket kinunen na met iyaken, ‘Pumanaw ka lugudin, ta ibon naka kadiya bekken nga Hudyu enna deyyu,’ kinunen ne̍ Je̍sus iyaken,” kunen ne̍ Pablu.

Ruma 1:16

Maganatan nac ngarud nga umbe̍t iyan, ta madic ngarud iyalyew ya mangipakaemmu iya Makaparagsac nga Damag. Ta idi nga damag, itu ya pakasingnan iya pannakabalin ne̍ Apu Diyus nga mangisalakan kadiya amin nga mamati. Naipakaemmu kadiya Hudyu se̍ kadiya bekken nga Hudyu, ngem nangnangruna nga naipakaemmu kadiya Hudyu.

E̍pe̍su 3:8

Ket orey iyaken ya kanumuwan kadiya amin nga toley ne̍ Apu Diyus, pinili nac latta nga mangipakaemmu dakayu nga bekken nga Hudyu kadiya nakaskasdaaw nga unay nga banbanag nga ipaay ne̍ Kristu dactida.

Kulusas 1:27

Ket dactida nga toley ne̍ Apu Diyus, dactida mettin ya pinili na nga pangipakaemmuwan nan iya kinakaskasdaaw niyan nga napateg se̍ nadayaw nga panggep na maipanggep kadiya bekken nga Hudyu. Ket ya banag nito panggep na, ket agten idi: Uwed met dakayu nge̍ Kristu win, nga itu ya namnamaen nu nga mairaman kayu kadiya nadayaw nga iturayan na.

1 Timutyu 2:7

Ket itu pe̍ ya nakaibonac nga agapustul se̍ mangasaba nga mangisursuru kadiya bekken nga Hudyu iya pudnu maipanggep e̍ Kristu Je̍sus se̍ ya panamati igina. Tutu met yan nga kunec, ket bekken ku nga busbusid diyan!

2 Timutyu 1:11

Ket iyaken met ya pinili ne̍ Apu Diyus nga apustul nga mangikasaba se̍ mangisuru iyan nga Makaparagsac nga Damag.

Santiyagu 1:1

Iyaken nge̍ Santiyagu nga isa nga agsirsirbi e̍ Apu Diyus se̍ e̍ Apu Je̍su Kristu. Itu yani ya surat ku dakayu nga kapututan dito sangapulu ket duwa nga anac nito Israe̍l, nga naiwaraswaras ka nadumaduma nga lugar iya lubung. Kablaawan nakayu.

1 Pe̍dru 1:1

Iyaken nge̍ Pe̍dru, nga isa nga apustul nga agpaay e̍ Je̍su Kristu. Surat ku yani dakayu nga pinili ne̍ Apu Diyus nga toley na, nga dakayu nga arig nga gan-gannaet nga naiwaraswaras kadiya il-ili kadiya prubinsiya nga Puntu, Galasiya, Kapadusiya, Asiya, se̍ Be̍tanya.