Juan 7:30 - Ya Baru nga Tulag

³⁰ Ket gapu iyan nga kinagi na, pinanggep dito pangpangulu nga tacmen nin, ngem awan met igida ya nakaibanag. Ta ya kinapudnu na, madi pekkem nadatngan itun ya kustu nga timpu nga nikeddeng ne̍ Apu Diyus.

Juan 7:30 Iomraidhean Croise

Matyu 12:14

Ket dito Parisiyu, rinumwar dan, nga nawe̍ da nagiinnumanan no kumaan kuma niya panangpukaw da e̍ Je̍sus.

Matyu 21:46

Ket gabay da nga tacmen kuma, ngem nansing da kadito toltoley, gapu ta ibilang diya toltoley nga isa nga mammadtu ne̍ Apu Diyus nge̍ Je̍sus.

Markus 11:18

Ket ito nadamag dito pangpangulu diya agsirsirbi iya Te̍mplu se̍ dito manursuru iya Linteg yan, pinanpanunut da ngarud no kumaan kuma niya panangpatey da e̍ Je̍sus. Ta nansing da igina gapu ta nagsedseddaawan met dito amin nga toltoley to nabaru nga panursuru na.

Lukas 20:19

Ket dito manursuru iya Linteg, se̍ dito pangulu diya agsirsirbi iya Te̍mplu, gabay da nga tacmen nge̍ Je̍sus iyan mettas nga kanitu, gapu ta naawatan da nga igida met to pakaiturungan nito pangngarig na. Ngem madi da met tinkem, ta nansing da kadito toltoley.

Lukas 22:53

Inalgew nga uwed dac met iya imatang nu enna Te̍mplu, ngem madi dac met nga tinkem. Ngem ita mettas, itu ya gundaway nu, ket itu pe̍ yin ya gundaway ne̍ Satanas nga paggayatan niya pannakabalin niya gicbet,” kunen na.

Juan 10:31

Ket dito Hudyu, pimidit da manin ka batu nga pangdampag da kuma e̍ Je̍sus.

Juan 10:39

Ket gapu kadiyan nga kinunen ne̍ Je̍sus, panggeppen da manin nga tacmen, ngem nakalisi met.

Juan 11:57

Agten kadiyan ngarud diya sinapsaput da, ta dito pangpangulu dito agsirsirbi iya Te̍mplu se̍ dito Parisiyu, nibilin da kadiya toltoley nga no uwed makaemmu iya edyan ne̍ Je̍sus, ipakaemmu na kanu igida, tasun tacmen da.

Juan 7:19

“Dakayu mettas ya nangibilinan nito Muyse̍s ito Linteg, ngem awan met dakayu ya mangtungpal iyan nga Linteg. Ket gabay dac met pe̍ nga patayen. Ape̍ kad?” kunen na.

Juan 7:32

Ket naemmuwan itun dito Parisiyu nga agten iyan to nagaasasiman dito toltoley maipanggep e̍ Je̍sus. Itu nga igida se̍ dito pangpangulu diya agsirsirbi iya Te̍mplu, nangibon da kadiya guwardiya niya Te̍mplu ka mawe̍ mangtekkem igina.

Juan 7:6

Ket e̍ Je̍sus, kinunen na igida, “Dakayu, nawaya kayu nga agwangel ka gabay nu, orey nungey. Ngem iyaken nga gennung, madi pekkem nadatngan ya timpuc.

Juan 7:8

Dakayu ya mawe̍ makipadaya ngin. Madic pekkem makapen iyan nga padaya, ta madi pekkem nadatngan ya kustu nga timpuc,” kunen na.

Juan 8:20

Ket kinagi ne̍ Je̍sus diyan ito panangisursuru na enna Te̍mplu, ito edyan dito pipisukan ka datun nga kuwarta. Ngem orey uwed nge̍ Je̍sus antuni nga silalatac, awan met nangtekkem igina, ta madi pekkem nadatngan itun ya kustu nga timpu nga nikeddeng ne̍ Apu Diyus.

Juan 8:37

“Emmuc nga kapututan nakayu to Abraham. Ngem orey agten iyan, gabay dac met nga patayen, gapu ta madi kayu gabay nga patiyen ya kagic nga isursuruc dakayu.

Juan 8:59

Ket iya agten iyan, pimidit dito Hudyu ka batu tasun dampagen da kuma. Ngem sililinged nge̍ Je̍sus nga pimanaw iya Te̍mplu win.

Juan 9:4

Ya ita nga timpu, maiyarig iya algew. Itu nga masapul nga wanglen tida diya ipawangel niya nangibon iyaken. Ta nad no timpu nga arig nga gumabi yin, awan makawangel lin.