Juan 7:3 - Ya Baru nga Tulag

³ Itu nga kinunen dito lalaki nga kakabsat ne̍ Je̍sus igina, “Se̍pe̍ di ka met pumanaw idi nga mawe̍ ka prubinsiya nga Hudya ngin, tasun masingen dito pasurut mu diya nakaskasdaaw nga ar-arimanem?

Juan 7:3 Iomraidhean Croise

Matyu 12:46

Ket ito agkagkagi pekkem nge̍ Je̍sus kadito toltoley, inumbe̍t ya ina se̍ diya kakabsat na nga lalaki. Nagsisikad da iya ruwar nito baley, ket gabay da kanu ya makitbar igina.

Markus 3:21

Ket ito nadamag diya kabagiyan na yan, nawe̍ da ngarud iya edyan ne̍ Je̍sus, tasun alaken da kuma, ta kinagkagi met diya toltoley nga agel-ellut kanun.

Markus 3:31

Ket itun, inumbe̍t ya ina se̍ diya kakabsat ne̍ Je̍sus nga lalaki. Nagsisikad da iya ruwar nito baley, ket pinaayaban da ngarud nge̍ Je̍sus.

Lukas 8:19

Ket itun, ya ina se̍ diya kakabsat ne̍ Je̍sus nga lalaki, nawe̍ da iya edyan na, ngem madi da met makaadenni igina gapu iya kaadu diya toley.

Lukas 8:20

Ket uwed nangibaga e̍ Je̍sus nga kinunen na, “Uwed ya inam se̍ diya kakabsat mu. Agsisikad da iya ruwar, ket gabay da kanu ya makitbar ikew,” kunen na.

Juan 2:2

Ket naawis met pe̍ nge̍ Je̍sus se̍ dito adalan na nga nawe̍ nakipakalun.

Juan 6:60

Ket ito nagicna dito pasurut ne̍ Je̍sus diyan nga nibaga na, adu da nga nagkunen nga, “Ay! Narigat nga unay ya panursuru na. Awan ngata makaawat kadiyan,” kunen da.

Juan 6:66

Ket gapu kadito kinagi ne̍ Je̍sus, adu dito pasurut na nga nangpanaw iginan, ket madi da nakibulun iginan.

Juan 7:10

Ngem ito nawe̍ nakipadaya dito kakabsat nan, simarunu met pe̍ nge̍ Je̍sus. Ngem madi nagpadpadlaw, no di lugud sililimed.

Juan 7:4

Ta no gabay niya isa nga toley ya aglatac, madi na ngarud ilimed diya wangwanglen na. Dikad pe̍ gapu ta agar-ariman ka ngarud kadidi, mawe̍ ka ngarud agpasingen kadiya toltoley a, tasun maipakaemmu ngarud ya beggim kadiya amin nga toltoley iya lubung!” kunen da.

Juan 7:5

Kinunen met dito kakabsat ne̍ Je̍sus yan, ta madi da met mamati igina.

Aramid 2:14

Ket itun, simangu ngarud diya sangapulu ket duwa nga apustule̍s kadito toltoley. E̍ Pe̍dru ya pannakabeggi da nga mangipalawag, ket nibileg na ya panagkagi na, nga kinunen na igida, “Padac nga Hudyu, se̍ dakayu nga amin nga aged-edyan ennid He̍rusale̍m, denggen nu kuma ya kagic, ta ilawlawag ku dakayu ya kaipapennan na yani.