Juan 7:28 - Ya Baru nga Tulag

²⁸ Itu nga e̍ Je̍sus, nga madama pekkem nga mangisursuru enna Te̍mplu, nibileg na ya timec na nga kinunen nan, “Pudnu kad nga em-emmu dac? Se̍ tutu kad nga emmu nu ya naggayatac? Ket ya kinapudnu na, madic inumbe̍t nga gapu was iya bukud ku nga panpanunut, no di lugud gapu iya gabay niya nangibon iyaken. Ket awan pulus kinabusid na. Ngem madi kayu met em-emmu.

Juan 7:28 Iomraidhean Croise

Matyu 11:27

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Matyu 2:23

Ket nawe̍ da nagedyan iya isa nga ili nga managan ka Nasare̍t. Ket itu ya pannakatungpal nito kinunen dito mammadtu itun, nga kinunen da, “Maawagan nad nga iNasare̍t.”

Matyu 26:55

Ket itun, kinunen ne̍ Je̍sus kadito toley nga naguurnung antuni, “Ape̍ kad nga agtagiispada se̍ agtagipang-ur kayu nga inumbe̍t mangtekkem iyaken, nga arig nga isa ngac nga tulisan? Inalgew nga uwed dac met nga agtugtugew nga mangisursuru enna Te̍mplu, ngem madi dac met nga tinkem.

Lukas 10:22

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac, se̍ diya gabay ngas niya Anac nga pangipakaemmuwan igina,” kunen na.

Lukas 2:11

Ta ita mettas, enna ili nito Ari Dabid, uwed naiyanac kin nga Mangisalakan dakayu, nga itu met ya Kristu nga Apu.

Lukas 2:39

Ket ito natungpal de̍ Huse̍ nge̍ Marya ngin ya amin nga ipaannung nito Linteg niya Apu maipanggep ka ebbing, simoli da ka Galilya iya ili da nga Nasare̍t.

Lukas 2:4

Ket e̍ Huse̍, nagedyan ka Nasare̍t enna prubinsiya nga Galilya. Ket nawe̍ met ka prubinsiya nga Hudya, ito ili nito Ari Dabid, nga maawagan ka Be̍tle̍he̍m, ta nagtaud nge̍ Huse̍ iya kapututan nito Dabid.

Lukas 2:51

Ket nibulun ngarud nge̍ Je̍sus igida nga nagawir enna Nasare̍tin, ket nagtudyu met nga pe̍yeng igida. Ket e̍ ina na, sinalimetmettan na ngarud amin didi nga pasamac.

Juan 1:46

Ngem kinunen ne̍ Natanye̍l, “Ahah! Uwed aya nabaru nga mabalin nga tumaud enna Nasare̍t?” kunen na. Ket kinunen ne̍ Pe̍lipe̍, “Umbe̍t mu was singen, a,” kunen na.

Juan 10:36

Itu nga no maipanggep iyaken, ape̍ kunen nu nga maikuntra e̍ Apu Diyus ya kagic no kunec nga iyaken ya Anac ne̍ Apu Diyus? Ta iyaken, pinili nac met ya Ama nga agpaay iya panggep na, ket nibon nac ngarud iya lubung ngi.

Juan 12:49

Ta no agkagi yac, bekken nga tumaud iya kabucbukudac nga turay, no di lugud gayat iya Ama nga nangibon iyaken. Ta igina ya nangbilin iyaken no nagan ya kagiyec se̍ ibagac.

Juan 14:10

Madi ka kad pekkem patiyen nga naitipun nac iya Ama, se̍ ya Ama, naitipun pe̍ iyaken? Ket diya kagkagiyec dakayu, bekken nga tumaud das iyaken. Ta ya Ama nga agedyan iyaken, igina ya mangibilin iyaken kadiya ipawangel na iyaken.

Juan 14:31

ngem mapasamac ngas didi iyaken tasun maemmuwan diya toltoley iya lubung ngi nga ayatec met nga tutu ya Ama, se̍ tungpalec ngarud diya amin nga ibilin niya Ama iyaken. “Ala, pumanaw tida idi nin,” kunen na.

Juan 16:3

Agten kadiyan ngarud ya wanglen da nad dakayu, ta madi da met em-emmu ya Ama winno iyaken.

Juan 17:25

“Ama nga nalinteg, madi daka ngarud em-emmu diya madi mamati nga toltoley idi nga lubung. Ngem iyaken, em-emmu naka met. Ket didi pe̍ nga nitalec mu iyaken, emmu da met nga ikew ya nangibon iyaken.

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 3:2

Iya name̍nsan, ginabi nito Nikude̍mu ya nawe̍ iya edyan ne̍ Je̍sus. Ket kinunen na igina, “Mistru, emmu mi nga isa ka nga manursuru nga nibon ne̍ Apu Diyus. Ta awan makaariman kadiya nakaskasdaaw nga pagilasinan nga ar-arimanem, no awan igina nge̍ Apu Diyus,” kunen na.

Juan 3:33

Ngem diya toley nga umawat iya ipakaemmu na, itu diya toley nga mangipakaemmu nga napudnu ya kagi ne̍ Apu Diyus.

Juan 5:32

Ngem uwed met sabali nga mangipanecnec maipanggep iyaken, ket itu ya Ama. Ket emmuc nga pudnu met ya ibaga na nga mangipanecnec maipanggep iyaken.

Juan 5:43

Tutu met yan, ta orey inumbe̍t tac gapu mettas iya kinaturay niya Amac, ket pulus met nga madi dac inawat. Ngem no uwed kuma sabali nga agparang nga gennung, se̍ orey no ya mismu nga kinaturay na ngas ya mangipanecnec iya beggi na, ket nalaka nu was met nga awaten nin.

Juan 6:42

Ket kinunen da iya panagtagtagobotob da, “Di met itu nge̍ Je̍sus nga anac nito Huse̍? Em-emmu tida met ya ama se̍ ina na. Ape̍ ngarud nga kunen na ita nga inumbe̍t kanu nga gayat ka langit?” kunen da.

Juan 7:14

Ket ito pagtengngaan nito timpu Padaya, nawe̍ nangisuru nge̍ Je̍sus enna Te̍mplu.

Juan 8:14

Ket e̍ Je̍sus, kinunen na igida, “Orey no iyaken mettas ya mangpanecnec iya beggic, pudnu met ya ipacpakaemmuc, ta emmuc met ya naggayatac se̍ ya kapennac. Ngem dakayu, madi kayu emmu ya naggayatac winno ya kapennac.

Juan 8:16

Ngem orey no uwed kuma panangukum ku, napudnu ngas met. Ta no uwed kuma panangukum ku, bekken nga iiyaken ya mangukum, no di lugud kabulun ku ya Amac nga nangibon iyaken.

Juan 8:19

Ket dito Parisiyu, kinunen da e̍ Je̍sus, “Awac kad ya edyan niya amam?” kunen da. Ket kinunen ne̍ Je̍sus igida, “No dakayu, madi dac met em-emmu, se̍ madi kayu met pe̍ em-emmu ya Amac. Ta no em-emmu dac kuma, em-emmu nu met pe̍ yin ya Amac,” kunen na.

Juan 8:26

Ket no maipanggep dakayu, adu ngarud ya makagic se̍ maipabasul ku. Ngem ya ipakaemmuc dakayu nga toley idi nga lubung, yan nas ipakagi niya nangibon iyaken. Ket napudnu ngarud met ya nangibon iyaken,” kunen na.

Juan 8:42

Ngem kinunen ne̍ Je̍sus igida, “No tutu mettas nga e̍ Apu Diyus ya ama nu, ayaten dac met pe̍ kuma. Ta e̍ Apu Diyus met ya naggayatac. Ket iya agten iyan, nagparang ngac idi nin. Madic inumbe̍t gapu was iya bukud ku nga panpanunut, no di lugud nibon nac nge̍ Apu Diyus.

Juan 9:29

Emmu mi met nga binilin ne̍ Apu Diyus to Muyse̍s. Ngem no maipanggep iyan nga toley, madi kami emmu orey no awac ya naggayatan na!” kunen da.

Aramid 17:23

Ta ito pinaspasyar ku ya ili nu wi, binbintaac dito pagkarkararagan nu kadiya didiyusen nu. Ket uwed pe̍ naaskurac nga isa nga pagdatunan nu nga nasuratan ka kunen na nga, ‘Maipaay iya diyus nga di kami em-emmu,’ kunen na. Ket yan mettas nga diyus nga daydayawen nu nga kunen nu nga di kayu em-emmu, igina ngarud ya ipakaemmuc dakayu itan.

Ruma 1:28

Ket gapu ta madi gabay dito toley nga laglagipen ya kinapudnu maipanggep e̍ Apu Diyusin, nipamoya ngas ne̍ Apu Diyus da tasun naalas ngas ya panpanunut da, se̍ tasun ya dake̍c met ya wangwanglen da, nga bekken nga ya kustu.

Ruma 3:4

Bekken met! Ta napudnu met nge̍ Apu Diyus, orey no busid diya amin nga toley. Ta agten ngarud iya kunen na iya Bibliya maipanggep e̍ Apu Diyus, nga kunen na, “Agten iyan tasun maipasingen nga nalinteg ka no agkagi ka, se̍ tasun masingen nga mangabac ka iya orey nagan na nga mangibaga ka maikuntra ikew,” kunen na.

2 Kurintu 1:18

Ngem bekken met nga agten iyan. Ta tuladen mi ya gangey ne̍ Apu Diyus nga madi agduwaduwa kadiya kagi na. Ket agten pe̍ iyan dito amin nga nibagbaga mi dakayu, ta madi kami pe̍ kunen nga “Bo”, no “Bekken” ya uwed iya panpanunut mi.

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.

Titu 1:2

Ket ya pungut niya panamati tida, itu ya panagnamnama tida iya biyag nga agnanayun nga awan patingga na. Ket e̍ Apu Diyus, nikari na dactidan yan nga biyag. Itu to nikari na ito di pekkem nga naparsuwa ya lubung ngi, ket emmu tida nga madi met agbusid nge̍ Apu Diyus.

He̍briyu 6:18

Dikad pe̍ uwed diyan nga duwa nga inariman ne̍ Apu Diyusin nga kari na se̍ sapata na, nga awan pulus pannakabaliw dan, ket emmu tida nga pulus nga madi mabalin nga agbusid nge̍ Apu Diyus maipanggep kadiyan. Itu nga dactida nga agtalec iginan, mangnamnama tida ngarudin ito naikari dactida.

1 Juan 5:10

Dikad pe̍ ya toley nga mamati iya Anac ne̍ Apu Diyus, uwed mettas iya lemlemmet na ya pammanecnec maipanggep kadidi nin. Ngem ya madi mamati iya nipanecnec ne̍ Apu Diyus, arig nga kunen na nga agbusid nge̍ Apu Diyus, ta madi na patiyen ya nipanecnec ne̍ Apu Diyus maipanggep iya Anac na.