Juan 7:19 - Ya Baru nga Tulag

¹⁹ “Dakayu mettas ya nangibilinan nito Muyse̍s ito Linteg, ngem awan met dakayu ya mangtungpal iyan nga Linteg. Ket gabay dac met pe̍ nga patayen. Ape̍ kad?” kunen na.

Juan 7:19 Iomraidhean Croise

Matyu 12:14

Ket dito Parisiyu, rinumwar dan, nga nawe̍ da nagiinnumanan no kumaan kuma niya panangpukaw da e̍ Je̍sus.

Matyu 21:38

“Ngem dito makisugsugpun, ito nasingen da to anac na, nagtetebbar da nga ig-igida, nga kinunen da lugud, ‘Ala, igina yani ya agtawid! Tidan! Patayen tida lugudin, ket dactida nad ya agtagikuwa iya tawiden nan,’ kunen da.

Markus 11:18

Ket ito nadamag dito pangpangulu diya agsirsirbi iya Te̍mplu se̍ dito manursuru iya Linteg yan, pinanpanunut da ngarud no kumaan kuma niya panangpatey da e̍ Je̍sus. Ta nansing da igina gapu ta nagsedseddaawan met dito amin nga toltoley to nabaru nga panursuru na.

Markus 3:4

Ket kinunen na kadito agsicsiim, “Nagan kad ya maipalubus iya Linteg tida nga wanglen tida kuma iya Algew Ngilin? Ya panagwangel ka nabaru, winno ka dake̍c? Ya panangisalakan ka biyag, winno ya pumatey?” kunen na. Ngem madi da met negkim.

Markus 3:6

Ket dito Parisiyu, rinumwar dan, nga nagtarus da met nga nawe̍ kadito toley nito Ari He̍rude̍s, tasun makiuman da no kumaan kuma niya panangpukaw da e̍ Je̍sus.

Juan 1:17

Ta agten idi: To Linteg tida nga Hudyu, nipaibilin ne̍ Apu Diyus itun ito Muyse̍s. Ngem ya siaayat nga panangaasi se̍ kinapudnu nga gennung nga nipakaemmu ne̍ Apu Diyusin, ket e̍ Je̍su Kristu met ya nakaigapu kadiyan.

Juan 10:39

Ket gapu kadiyan nga kinunen ne̍ Je̍sus, panggeppen da manin nga tacmen, ngem nakalisi met.

Juan 11:53

Ket iya agten iyan, nanipud ito miting da, nagiinnumanan dito pangpangulu diya Hudyu no kumaan kuma niya panangpatey da e̍ Je̍sus.

Juan 5:16

Dikad pe̍ dito pangpangulu diya Hudyu, nawe̍ da kinuntra nge̍ Je̍susin, ta nangpalaing iya Algew Ngilin.

Juan 5:18

Itu nga ad-adda lugud manin ya pinget dito pangpangulu diya Hudyu nga mangpapatey e̍ Je̍sus, bekken nas nga gapu iya panangsalungasing na kanu iya paglinteggan niya Algew Ngilin, no di lugud pe̍ gapu ta kinunen na nga Ama na mettas nge̍ Apu Diyus. Ket iya agten iyan, nipada na met ya beggi na e̍ Apu Diyus.

Juan 5:45

“Ngem orey agten iyan ya kagkagiyec, madi kayu kuma ipagarup nga iyaken ya mangipilit dakayu nad iya Ama. Ta to Muyse̍s nga nangitalkan nu iya namnama nu, igina mettas ya arig nga mangipilit dakayu iya Ama.

Juan 7:1

Ket kalpasan diyan, nawe̍ nge̍ Je̍sus nagpasyar kadiya il-ili antuni iya prubinsiya nga Galilya. Madi na ginabay ya nawe̍ ka prubinsiya nga Hudya, ta dito pangpangulu diya Hudyu nga taga-antuni, pangpanggeppen da nga patayen.

Juan 7:25

Dikad pe̍ dito duduma nga iHe̍rusale̍m nga nakagicna igina, kinunen da, “Igina met yani to toley nga gabay da nga patayen.

Aramid 7:38

E̍ Muyse̍s, igina met to naibulun ito bungguy da nga nagallaalla enna away. Se̍ igina met pe̍ to kinatbar nito anghe̍l enna Tageytey Sinay, ket igina pe̍ ya kabulun dito am-ama tida. Igina pe̍ to nagbilinan ne̍ Apu Diyus iya Linteg tida nga pakabiyagan, nga itu kuma pe̍ ya ibaga na dactida.

Galasiya 3:19

No agten iyan, nagan ngarud to panggep ne̍ Apu Diyus ito Linteg nga nipabangun na? Agten idi: Nipabangun ne̍ Apu Diyus to Linteg nga naidga ito kari na, tasun maemmuwan kuma diya toltoley ya kinadake̍c da. Ngem niranta ne̍ Apu Diyus nga agpatingga ya turay nito Linteg no umbe̍tin to kapututan nito Abraham, nga itu mettas to nagkariyan na. Ket to Linteg, nipaibilin ne̍ Apu Diyus kadiya anghe̍le̍s ito Muyse̍s. Ket e̍ Muyse̍s, igina to mangibeggi kadiya toltoley itun.

Galasiya 6:13

Ta ya kinapudnu na, orey dito Hudyu nga nakugit sigun iya ugali da, madi da met pe̍ agtungpal iya Linteg ne̍ Muyse̍s. Ngem piliten dakayu met nga makugit, tasun uwed kuma ipasindayaw da maipanggep iya isusurut nu igidan.