Juan 7:16 - Ya Baru nga Tulag

¹⁶ Itu nga kinunen ne̍ Je̍sus igida, “Bekken nga agtaud iyaken diya isursuruc, no di lugud gayat iya nangibon iyaken.

Juan 7:16 Iomraidhean Croise

Juan 14:10

Madi ka kad pekkem patiyen nga naitipun nac iya Ama, se̍ ya Ama, naitipun pe̍ iyaken? Ket diya kagkagiyec dakayu, bekken nga tumaud das iyaken. Ta ya Ama nga agedyan iyaken, igina ya mangibilin iyaken kadiya ipawangel na iyaken.

Juan 14:24

Ngem ya madi agayat iyaken, madi ngarud agtungpal kadiya kagic. Ket ya kagic nga ipacpakaemmuc dakayu, bekken met nga tumaud iyaken, no di lugud tumaud iya Ama nga nangibon iyaken.

Juan 17:14

Nipakaemmuc igida ya kagi mun. Ket diya bekken nga mamati nga uwed idi nga lubung, ginura da met didi nga mamati. Ta didi nga mamati, agten da mettas iyaken, nga bekken da pe̍ nga kamkameng diya uwed iya lubung ngi.

Juan 17:8

Ta nipakaemmuc igida diya amin nga nipaibagam iyaken igida, ket inawat dan. Ket emmu dan nga tutu nga gayat tac ikew, se̍ patiyen da pe̍ yin nga ikew ya nangibon iyaken.

Juan 3:11

Pudnu met yani nga ibagac ikew: Ya emmu mi, itu was ya kagkagiyen mi. Ket ya nasingen mi, itu was ya ibagbaga mi. Ngem dakayu, madi kayu met patpatiyen ya ipakaemmu mi.

Juan 3:31

Ngarud, ya aggayat ka langit, nangatngatu met ya kinadayaw na ngem diya amin nga uwed idi nga lubung. Ket ya agtaud ngas idi nga lubung, ket nailubungan nas met, ket diyan nas banbanag idi nga lubung ya emmu na nga kagkagiyen. Ngem ya gayat ka langit, nangatngatu ngem diya amin.

Juan 5:30

“Ket iyaken, awan mawangel ku nga kabucbukudac, no di lugud sigun nas iya ibaga niya Ama iyaken ya panangukum ku. Ket itu nga nalinteg ngas ya panangukum ku, ta bekken nga ya tarigagay ku ya wanglec, no di ngas ya gabay niya nangibon iyaken,” kunen ne̍ Je̍sus.

Juan 6:44

Agten idi: Awan makaadenni nga sumurut iyaken no madi awisen nga mona niya Ama nga nangibon iyaken. Ket diya umadenni nga sumurut iyaken, pagungarec da nad ngarud iya kaodiyan nga algew.

Juan 8:28

Dikad pe̍ kinunen manin ne̍ Je̍sus igida, “No maibayug nu nad ya Anac nga Naipatoley, maemmuwan nu nad mettasin nga iyaken ya uwed nga sigud. Ket maemmuwan nu pe̍ yin nga awan wanglec nga kabucbukudac, no di lugud kagkagiyec ngas ya nisuru niya Ama iyaken.

2 Juan 1:9

Orey nagan na nga uwed sabali nga panursuru na, se̍ madi na laglagipen ya panursuru ne̍ Kristu win, awan pannakitipun na e̍ Apu Diyus. Ngem ya toley nga silalagip iya panursuru ne̍ Kristu, uwed met pannakitipun na iya Ama, ket bekken nas nga iya Ama no di pe̍ iya Anac.

Paltiing 1:1

Idi nga surat, ket nakailaunan dito nipaltiing ne̍ Je̍su Kristu. Ket nipakaemmu ne̍ Apu Diyus igina didi, tasun ipakaemmu na kadiya agsirsirbi igina diya mapasamac iya di mabayag. Ket e̍ Kristu, nibon na ya anghe̍l na nga mangipakaemmu kadidi iyaken nga Juan, nga isa nga agsirsirbi igina.