Juan 7:14 - Ya Baru nga Tulag

¹⁴ Ket ito pagtengngaan nito timpu Padaya, nawe̍ nangisuru nge̍ Je̍sus enna Te̍mplu.

Juan 7:14 Iomraidhean Croise

Matyu 21:12

Ket nawe̍ nge̍ Je̍sus enna Te̍mplu. Ket diya uwed iya emwag niya Te̍mplu nga aglaclaku se̍ diya agnginngina, pinagtalew met ne̍ Je̍sus da. Ket binalintukang na diya lamlamisaan dito agisucsukat ka kuwarta, se̍ diya tugtugew dito aglaclaku ka kalapati.

Matyu 26:55

Ket itun, kinunen ne̍ Je̍sus kadito toley nga naguurnung antuni, “Ape̍ kad nga agtagiispada se̍ agtagipang-ur kayu nga inumbe̍t mangtekkem iyaken, nga arig nga isa ngac nga tulisan? Inalgew nga uwed dac met nga agtugtugew nga mangisursuru enna Te̍mplu, ngem madi dac met nga tinkem.

Lukas 19:47

Ket inalgew nge̍ Je̍sus itun nga nagisursuru enna Te̍mplu. Ket dito pangpangulu diya agsirsirbi iya Te̍mplu, se̍ dito manursuru iya Linteg, se̍ dito duduma nga pangpangulu diya Hudyu, gabay da nga patayen kuma.

Juan 18:20

Ket simungbat ngarud nge̍ Je̍sus nga kinunen na, “Silalatac iya imatang diya toltoley ya panangisursuruc, ta diya gigimungan mettas ya pe̍yeng ku nga pangisuruwan, se̍ iya Te̍mplu nga pagdaydayawan tida nga amin nga Hudyu. Ngarud, awan nilimed ku nga nisuruc.

Juan 5:14

Ket iya di nabayag, naaskuran ne̍ Je̍sus to lalaki enna Te̍mplu. Ket kinunen na ito lalaki, “Singem ket nalaingan kan! Ala! Isardeng mu ya panagbasbasul mu, tasun awan kuma dacdake̍c nga mapasamac nad ikew,” kunen na.

Juan 7:2

Ket itun, dandani yin ya isa nga padaya diya Hudyu nga maawagan ka Padaya diya Bawbawi.

Juan 7:28

Itu nga e̍ Je̍sus, nga madama pekkem nga mangisursuru enna Te̍mplu, nibileg na ya timec na nga kinunen nan, “Pudnu kad nga em-emmu dac? Se̍ tutu kad nga emmu nu ya naggayatac? Ket ya kinapudnu na, madic inumbe̍t nga gapu was iya bukud ku nga panpanunut, no di lugud gapu iya gabay niya nangibon iyaken. Ket awan pulus kinabusid na. Ngem madi kayu met em-emmu.

Juan 7:37

To algew nga panggibusan nito padaya, itu ya kangrunaan nga algew nito padaya. Ket iyan nga algew, nagsikad nge̍ Je̍sus iya imatang diya toltoley, ket kinunen na ka nabileg, “No uwed dakayu ya mewwew, umbe̍t iyaken, ta painumec.

Juan 8:2

Ket ito kadamlag na, nasapa nga simoli nge̍ Je̍sus iya Te̍mplu manin. Ket diya toltoley, nawe̍ da ito edyan na ket inarikoyopan da. Ket e̍ Je̍sus, nagtugew nga nangisuru igida.

Juan 8:20

Ket kinagi ne̍ Je̍sus diyan ito panangisursuru na enna Te̍mplu, ito edyan dito pipisukan ka datun nga kuwarta. Ngem orey uwed nge̍ Je̍sus antuni nga silalatac, awan met nangtekkem igina, ta madi pekkem nadatngan itun ya kustu nga timpu nga nikeddeng ne̍ Apu Diyus.