Juan 6:68 - Ya Baru nga Tulag

⁶⁸ Ket e̍ Simon Pe̍dru ya nangsungbat nga kinunen na, “Awan met sabali nga gabay mi nga pakitipunan Apu, no di yas ik-ikew. Ta ikew was ya makaibaga iya agnanayun nga pakabiyagan mi.

Juan 6:68 Iomraidhean Croise

Matyu 16:16

Ket e̍ Pe̍dru to simungbat, nga kinunen na, “Ikew met ya Kristu, nga Anac mettas niya sibibiyag nga Diyus,” kunen na.

Markus 8:29

Ket nagsaludsud manin nge̍ Je̍sus igida nga kinunen na, “Ngem no dakayu? Nagan ku met iya panagkunen nu?” kunen na. Ket e̍ Pe̍dru to simungbat, nga kinunen na, “Ikew met ya Kristu!” kunen na.

Lukas 9:20

Ket kinunen ne̍ Je̍sus igida, “Ngem no dakayu? Nagan ku met iya panagkunen nu?” kunen na. Ket e̍ Pe̍dru to simungbat, nga kinunen na, “Ikew met ya Kristu nga nibon ne̍ Apu Diyus!” kunen na.

Juan 12:49

Ta no agkagi yac, bekken nga tumaud iya kabucbukudac nga turay, no di lugud gayat iya Ama nga nangibon iyaken. Ta igina ya nangbilin iyaken no nagan ya kagiyec se̍ ibagac.

Juan 12:50

Ket emmuc nga makae̍cde̍ ka biyag nga agnanayun ya bilin niya Ama. Itu nga orey no nagan ya kagiyec, kagiyec ngas nga sigun iya nibilin niya Ama iyaken,” kunen na.

Juan 17:8

Ta nipakaemmuc igida diya amin nga nipaibagam iyaken igida, ket inawat dan. Ket emmu dan nga tutu nga gayat tac ikew, se̍ patiyen da pe̍ yin nga ikew ya nangibon iyaken.

Juan 5:24

“Tutu met yani nga kunec dakayu: Ya mangipangag kadiya kagic se̍ mamati iya nangibon iyaken, uwed iginan ya biyag nga agnanayun. Ket madi nad maukum, no di lugud nailisi yin iya pannakaukum na, ket naiyalisin iya turay niya biyag, manipud iya turay niya patey.

Juan 6:40

Ngarud, tarigagay niya Amac nga amin diya makaemmu se̍ mamati iya Anac, mae̍cdan da iya agnanayun nga biyag. Ket pagungarec da nad ngarud iya kaodiyan nga algew win,” kunen na.

Juan 6:63

Maemmuwan nu kuma nga madi ngarud makae̍cde̍ ka biyag ya beggi niya toley. Ta yan nas Ispiritu ne̍ Apu Diyus ya makae̍cde̍ ka biyag. Dikad pe̍ dito kinagic dakayu, ket maipanggep met iya Ispiritu ne̍ Apu Diyus, se̍ ya biyag nga e̍cde̍ na.

Aramid 13:26

“Wawagi, dactida nga kapututan nito Abraham se̍ dakayu nga bekken nga Hudyu nga mangipatpateg e̍ Apu Diyus, dactida met ya nangipakaemmuwan ne̍ Apu Diyusin iya kagi na maipanggep iya panangisalakan na dactida.

Aramid 4:12

Itu nga e̍ Je̍sus ngas met ya makaisalakan ka toley, ta awan sabali nga kinaturay iya lubung nga nipaay ne̍ Apu Diyus nga mangisalakan dactida,” kunen na.

Aramid 5:20

“Mawe̍ kayu iya Te̍mplu, ta ibaga nu kadiya toltoley ya amin maipanggep idi nga kabarbaru nga biyag,” kunen na.

Aramid 7:38

E̍ Muyse̍s, igina met to naibulun ito bungguy da nga nagallaalla enna away. Se̍ igina met pe̍ to kinatbar nito anghe̍l enna Tageytey Sinay, ket igina pe̍ ya kabulun dito am-ama tida. Igina pe̍ to nagbilinan ne̍ Apu Diyus iya Linteg tida nga pakabiyagan, nga itu kuma pe̍ ya ibaga na dactida.

Aramid 8:37

[Ket kinunen ne̍ Pe̍lipe̍, “Mabalin a, no ipasnec mu was lugud ya mamati e̍ Je̍sus,” kunen na. Ket kinunen nito upisyal, “Bo, a. Pudnu nga mamati yac kun. Patiyec nga e̍ Je̍su Kristu, igina ya Anac ne̍ Apu Diyus,” kunen na.]