Juan 6:62 - Ya Baru nga Tulag

⁶² Makumsa kayu nad pe̍ aya no masingen nu ya Anac nga Naipatoley nga agpangudu nad nga mawe̍ ito sigud nga edyan na?

Juan 6:62 Iomraidhean Croise

Matyu 8:20

Ket kinunen ne̍ Je̍sus igina, “Utubem man yani: No diya musang, uwed pagedyanan da nga re̍kab. Ket se̍ diya sibsibud, uwed pe̍ sucbut da. Ngem ya Anac nga Naipatoley, awan met nga gennung pagedyanan na tasun uwed kustu nga pagidaan na,” kunen na.

Markus 16:19

Ket itun, kalpasan nito pannakitbar ne̍ Apu Je̍sus igida, ket naipangudu ka langitin. Ket enna langit, nagtugew iya kadayawan nga edyan, nga itu ya madiwanan ne̍ Apu Diyus.

Lukas 24:51

Ket ito madama nga mangikarkararag nge̍ Je̍sus igida, nasingen da nga pimanaw igidan, nga naipangudu win nga nawe̍ ka langit.

Juan 16:28

Ngarud, ya Ama met ya naggayatac nga tutu ito inumbe̍t tac idi nga lubung. Ket ita, panawac kun ya lubung ngi nga sumoli yac manin iya Ama,” kunen na.

Juan 17:11

Ket ita, madic agedyan idi nga lubungin, ta sumoli yac ikew win. Ngem igida, mabati da pekkem iya lubung ngi. Ama nga Nailangitan, aywanam da kay gapu iya pannakabalin niya turay mu, nga itu mettas ya turay nga nitalec mu pe̍ iyaken. Aywanam da kuma ngarud, tasun agkaykaysa da kuma pe̍ nga agten iya panagkaykaysa ta.

Juan 3:13

Ket awan pekkem imune̍c ka langit malacsid iya imulug nga gayat ka langit, ket itu mettas ya Anac nga Naipatoley.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Juan 6:42

Ket kinunen da iya panagtagtagobotob da, “Di met itu nge̍ Je̍sus nga anac nito Huse̍? Em-emmu tida met ya ama se̍ ina na. Ape̍ ngarud nga kunen na ita nga inumbe̍t kanu nga gayat ka langit?” kunen da.

Juan 6:53

Itu nga kinunen ne̍ Je̍sus igida, “Ibagac ya pudnu dakayu: Awan dakayu ya agten iyan nga biyag no madi kayu ngarud mangan iya beggi niya Anac nga Naipatoley se̍ uminum iya daga na.

Aramid 1:9

Ket ito nakagi na yanin, naipangudu mettin nga singsingen da. Ket uwed ulep nga nanglinged iginan, itu nga madi da nasingen nin.

1 Pe̍dru 3:22

Ket e̍ Je̍su Kristu, nawe̍ ka langitin, nga uwed itan iya kadayawan nga edyan, nga itu ya madiwanan ne̍ Apu Diyus. Ket naipaituray iginan diya anghe̍le̍s se̍ diya amin nga duduma nga nailangitan nga uwed turay winno pannakabalin da.