Juan 6:57 - Ya Baru nga Tulag

⁵⁷ “Agten idi: Ya Ama nga sibibiyag, igina ya nangibon iyaken idi. Ket gapu ta igina ya pagtaudan niya biyag, agbiyag gac met. Ket agten iyan met pe̍ ya toley nga mangan iyaken, ta agbiyag met pe̍ gapu iyaken.

Juan 6:57 Iomraidhean Croise

Matyu 16:16

Ket e̍ Pe̍dru to simungbat, nga kinunen na, “Ikew met ya Kristu, nga Anac mettas niya sibibiyag nga Diyus,” kunen na.

Juan 14:19

Ket iya di mabayag, madi dac masingen nin diya bekken nga mamati. Ngem no dakayu, malasin dac nad lugud. Ket gapu ta sibibiyag gac nad pekkem, sibibiyag kayu met pe̍.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Juan 17:21

Ikarkararag ku nga agkaykaysa da kuma nga amin, nga agten mettas dacta, Ama. Ta naitipun ka iyaken, se̍ naitipun nac met pe̍ ikew, ket maitipun da kuma pe̍ dacta. Ngarud, agkaykaysa da kuma, tasun diya toley idi nga lubung nga madi pekkem mamati, patiyen da kuma nga tutu nga ikew ya nangibon iyaken idi.

Juan 3:17

Ta nibon ne̍ Apu Diyus ya Anac na idi nga lubung tasun maisalakan kuma diya toley gapu igina, nga bekken nga tasun ukumen na da.

Juan 5:26

Tutu met nga agten iyan, ta ya Ama mettas ya pagtaudan niya biyag, ket itu nga ne̍cde̍ na met pe̍ iya Anac na ya turay nga mange̍cde̍ ka biyag.

Juan 6:29

Ket kinunen ne̍ Je̍sus, “Idi ya gabay ne̍ Apu Diyus nga wanglen nu: Patiyen nu kuma ngarud ya nibon na,” kunen na.

Juan 6:38

Ta inumbe̍t tac nga gayat ka langit, tasun wanglec ya tarigagayan niya nangibon iyaken, bekken nas nga ya tarigagayac.

1 Kurintu 15:22

Ta gapu iya pannakaitipun tida iya kasasaad nito Adan, uwed pannakatey tida nga amin. Ngem gapu iya pannakaitipun tida iya kasasaad ne̍ Kristu, uwed nad pannakapagungar tida nga amin.

1 Kurintu 15:45

Ket ya agten iyan, maikanatad ito naisurat iya Bibliya nga kunen na, “E̍ Adan nga kaonaan nga toley, naparsuwa nga nae̍cdan ka biyag nga kinatoley,” kunen na. Ngem ya maawagan ka nodi nga Adan, igina ya Ispiritu nga mange̍cde̍ ka biyag nga agnanayun.

2 Kurintu 13:4

Ta orey naipasingen nga tutu ya kinakapsut niya kinatoley ne̍ Kristu ito nailansa nga napatey ito krus, ket ita, sibibiyag met manin. Itu ya pakasingnan iya pannakabalin ne̍ Apu Diyus igina. Ket no dakami, uwed pe̍ dakami ya agten mettas nga kinakapsut nga uwed e̍ Kristu itun, gapu iya pannakaitipun mi igina. Ngem no maipanggep iya panagsirbi mi nad dakayu, naturay kami met pe̍. Ta gapu iya pannakairaman mi iya nakabiyagan ne̍ Kristu gapu iya pannakabalin ne̍ Apu Diyus, situturay kami nad met no umbe̍t kami iyan.

Galasiya 2:20

Ngarud, naibilang ngac nga natey yin gapu ta nairaman nac ito pannakailansa ne̍ Kristu ito krus na. Ngem orey naibilang ngac nga nairaman ito pannakatey ne̍ Kristu, sibibiyag gac pekkem. Ngem bekken nga ya gangey niya kinatoley ku ya mangituray iyaken nin, no di lugud ya gangey ne̍ Kristu win, ta uwed met iyaken nge̍ Kristu win. Ket idi nga panagbiyag ku ita, ipaay ku was iya Anac ne̍ Apu Diyus, gapu ta igina met ya patpatiyec, nga igina ya nangipateg iyaken, se̍ ya nangipalubus iya pannakaidatun niya beggi na para iyaken.

1 Te̍salunika 1:9

Ta igida mettas ya mangisalaysay maipanggep ito panangsangaili nu dakami ito simacwar kami dakayu itun. Ket ipadpadamag da pe̍ ya pananglikud nu kadiya didiyusen tasun agpaay kayu e̍ Apu Diyus, nga igina met ya pudnu se̍ sibibiyag nga Diyus.

He̍briyu 9:14

Ket no agten iyan to pakadalusan da itun nga timpu, di ngarud nabilbileg pekkem ya pannakabalin niya daga ne̍ Kristu? Ta gapu iya panangiturung niya agnanayun nga Ispiritu, niyawat ne̍ Kristu e̍ Apu Diyus ya beggi na nga datun nga awan pagkurangan na. Ket gapu iya daga na, nadalusan diya lemlemmet tidan iya pakarigatan tida gapu ito panagtungpal tida kadito tungtungpalen nga awan mamaay da. Ket ita, siwayawaya tidan nga agsirbi iya sibibiyag nga Diyus.

1 Juan 4:9

Ket nipasingen ne̍ Apu Diyus ya ayat na dactida ito nibon na ya kackaisu nga Anac na idi nga lubung, tasun biyagen nactida gapu igina.