Juan 6:52 - Ya Baru nga Tulag

⁵² Ket dito Hudyu nga naggigicna, nagsisinnungbat dan gapu ito kinunen ne̍ Je̍sus, nga kinunen da, “Kumaan na nga e̍cde̍ nidi nga toley kanu ya beggi na nga kanen tida?” kunen da.

Juan 6:52 Iomraidhean Croise

Juan 1:19

Ket agten idi ya panangipakaemmu nito Juan maipanggep e̍ Je̍sus itun: Iya name̍nsan, uwed da agsirsirbi iya Te̍mplu se̍ katulungan iya Te̍mplu nga kapututan nito Le̍bi, nga nawe̍ da ito edyan nito Juan, nga gayat da ka He̍rusale̍m. Nibon diya pangpangulu diya Hudyu didi nga agsirsirbi se̍ katulungan, nga mawe̍ da kanu agsaludsud ito Juan no igina ya Kristu.

Juan 10:19

Ket dito Hudyu nga aggigicna, madi da manin nagkikinnaawatan gapu kadiyan nga kinagi ne̍ Je̍sus.

Juan 3:4

Ket to Nikude̍mu, kinunen na manin, “Kumaan ngarud niya pannakaiyanac manin niya toley nga manacmanin? Mabalin na kad ya umuneg iya bessug niya ina na tasun maiyanac manin?” kunen na.

Juan 3:9

Ket to Nikude̍mu, sinaludsud na e̍ Je̍sus nga kinunen na, “Kumaan ngarud niya pannakapasamac niyan?” kunen na.

Juan 4:11

Ket kinunen nito babey igina, “Ay, nauneg met ya bitu nga idi, apu, ket awan met ngarud pagsacdum. Awac ngarud ya pamettam ka makabiyag nga danum?

Juan 6:41

Ket dito Hudyu, nagtagtagobotob da nga silulucsew maipanggep e̍ Je̍sus, gapu ito kinunen na nga igina mettas ya pagbiyag nga naggayat ka langit.

Juan 6:60

Ket ito nagicna dito pasurut ne̍ Je̍sus diyan nga nibaga na, adu da nga nagkunen nga, “Ay! Narigat nga unay ya panursuru na. Awan ngata makaawat kadiyan,” kunen da.

Juan 9:16

Ket dito duduma kadito Parisiyu, kinunen dan, “Bekken nga gayat e̍ Apu Diyus ya toley nga nangariman iyan, ta madi na met tungpalen ya paglinteggan maipanggep iya Algew Ngilin,” kunen da. Ngem kinunen met diya duduma, “Ay, bekken. Ta no managbasul, madi met makaariman kadiya agten kadiyan nga nakaskasdaaw nga pagilasinan,” kunen da. Itu nga madi da ngarud nagkikinnaawatanin.

Aramid 17:32

Ket ito nagicna da to kinunen ne̍ Pablu maipanggep iya panagungar niya natey, inuyaw dito duduma. Ngem dito duduma, kinunen da, “Denggen daka nad manin no mame̍nsan maipanggep iyan,” kunen da.

1 Kurintu 2:14

Ngem diya toley nga awan igida ya Ispiritu ne̍ Apu Diyus, madi da met ikaskasu diya ipakaemmu na, ta ipagarup da nga awan kaipapennan didi igida. Ket di da met pe̍ makaawat maipanggep kadiyan, ta diyan nas paiturayan iya Ispiritu ne̍ Apu Diyus diya makalasin kadiyan.