Juan 6:5 - Ya Baru nga Tulag

⁵ Ket itun, nadlaw ne̍ Je̍sus nga uwed mettin nakad-adu nga toltoley nga umad-adenni igida. Itu nga kinunen na e̍ Pe̍lipe̍, “Awac kid ya nguminaan tida ka kanen nga makaanay kadidi nga toltoley yin?” kunen na.

Juan 6:5 Iomraidhean Croise

Matyu 15:33

Ket kinunen dito adalan na igina, “Awac ngarud idi nga away ya pamettan tida ka ipakan tida nga makagdas iya agten idi nga kaadu diya toley?” kunen da.

Markus 6:32

Dikad pe̍ nagbangka ngarud de̍ Je̍sus nga awan sabali nga kinabulun da, nga nawe̍ da ka lugar nga awan matagtagitoley na.

Lukas 9:10

Ket ito simoli yin dito apustule̍s nga gayat ito nakaibonan da, nipadamag da ngarud e̍ Je̍sus dito winangwangel da. Ket kalpasan na, nibulun na da, nga ig-igida ya nawe̍ ka Be̍tsayda.

Juan 1:43

Ito kadamlag na, nalagip ne̍ Je̍sus ya mawe̍ ka prubinsiya nga Galilya. Ket naaskuran na nge̍ Pe̍lipe̍ nga iBe̍tsayda nga kailiyan de̍ Andre̍s nge̍ Pe̍dru. Ket kinunen ne̍ Je̍sus e̍ Pe̍lipe̍, “Suruten nac,” kunen na.

Juan 1:45

Ket e̍ Pe̍lipe̍, nawe̍ na met sinapul nge̍ Natanye̍l, ket kinunen na igina, “Nasmac mi mettin to toley nga nisurat nito Muyse̍s iya libru na nga Linteg tida, se̍ to nisurat dito mammadtu pe̍. Itu met nge̍ Je̍sus nga iNasare̍t nga anac ne̍ Huse̍,” kunen na.

Juan 1:46

Ngem kinunen ne̍ Natanye̍l, “Ahah! Uwed aya nabaru nga mabalin nga tumaud enna Nasare̍t?” kunen na. Ket kinunen ne̍ Pe̍lipe̍, “Umbe̍t mu was singen, a,” kunen na.

Juan 1:48

Ket to Natanye̍l, nagsaludsud e̍ Je̍sus nga kinunen na, “Kumaan ngarud ya pannakaem-emmum iyaken?” kunen na. Ket e̍ Je̍sus, kinunen na, “Ito uwed ka pekkem iya sidung nito kayu nga igus, sacbay nga inawis naka nge̍ Pe̍lipe̍, nasingen nakan,” kunen na.

Juan 4:35

Ket agten ito pagkakagi nu nga, ‘Eppat nga bulan pekkem, ket panaggagani yin,’ kunen nu. Ngem ya kunec, ket agten idi: Singen nu nga nalaing diya maiyarig nga laplapug, ta nagangu met diya dawa ngin, ket mabalin nga ganiyen nin!