Juan 6:45 - Ya Baru nga Tulag

⁴⁵ Malagip nu to naisurat iya Bibliya nga kinunen dito mammadtu, ‘Ket igida, sursuruwan nad ne̍ Apu Diyus da nga amin,’ kinunen da itun. Ket tutu met nga amin diya agad-adal se̍ mangipangag e̍ Apu Diyus, umadenni da ngarud nga sumurut iyaken.

Juan 6:45 Iomraidhean Croise

Matyu 11:27

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Markus 1:2

Uwed to kagi ne̍ Apu Diyus nga nisurat nito mammadtu nga Isayas itun, nga kinunen na, “Agten idi: Bilinec nad ya ibon ku nga mangipakaemmu, nga mawe̍ nga mon-ona ngem ikew, ket isagana na ya dalan mu.”

Lukas 1:70

Itu to nipaipadtu ne̍ Apu Diyus itun pekkem kadito mammadtu nga pinili na,

Lukas 18:31

Ket nibay-at ne̍ Je̍sus dito sangapulu ket duwa nga adalan na, ket kinunen na igida, “Agten idi nin: Manang-at tida ngarud nga mawe̍ ka He̍rusale̍min. Ket antuni ya pakapasamakan amin dito nisurat dito mammadtu maipanggep iya Anac nga Naipatoley.

Juan 10:27

Ta diya karne̍ruc, ikasu da met ya timec ku. Emmuc da, ket suruten dac met.

Juan 6:37

Ngem amin diya toley nga italec niya Ama iyaken, itu diyan diya umadenni nga sumurut iyaken. Ket ya umadenni nga sumurut iyaken, madic ngarud pagtalawen.

Juan 6:65

Ket kinagi na pe̍ igida nga, “Itu ya gapu na nga nibagac dakayu nga awan makaadenni nga sumurut iyaken no madi e̍cdan niya Ama ka kabaellan na nga sumurut,” kunen na.

Aramid 13:40

“Annadan nu kuma ngarud, ta kaynun no maariman dakayu dito kinagi dito mammadtu itun, nga kinunen da,

Aramid 7:42

Ket itu nga pinanawan ne̍ Apu Diyus da nga nipamoya na da iya panagdayaw da kadiya bituwen iya abac lawa nga sinan-diyus dan. Ket diyan nga napasamac, itu pe̍ to nipaisurat ne̍ Apu Diyus itun ito libru dito mammadtu, nga kunen na, ‘Dakayu nga Israe̍lita, bekken met nga iyaken ya nagdatunan nu ka animal nga naidaga se̍ napooran, ito unus eppat nga pulu nga dagun nga naged-edyan nu enna away.

E̍pe̍su 1:17

Ngarud, gapu dakayu, agpacpakaasi yac e̍ Apu Diyus nga Diyus mettas niya Apu tida nga Je̍su Kristu se̍ ya madaydayaw nga Ama. Ipacpakaasic nga e̍cde̍ na kuma dakayu ya sirib se̍ pannakaawat nga gayat iya Ispiritu Santu, tasun makaawat kayu kuma maipanggep e̍ Apu Diyus.

Pilipus 3:15

Ket agten kuma pe̍ iyan ya panpanunut tida nga amin nga nabaked ya panamati na. Ngem no sabsabali ya panpanunut nu maipanggep iya orey nagan na kadiyan nga banbanag, ket ipakaawat ngarud pe̍ ne̍ Apu Diyus dakayu ya kinasabali na.

1 Te̍salunika 4:9

Ket maipanggep iya panagayat nu kadiya kakabsat nu ka pammati, bekken nin nga masapul nga isurat mi dakayu maipanggep iyan. Ta e̍ Apu Diyus mettas ya nangisuru dakayu iya panagiinnayat nu.

He̍briyu 10:16

“Kunen niya Apu, ‘Agten idi ya baru nga tulag nga bangunec kadiya toley ku no madatngan nad ya timpu na: Ipay ku nad diya bilbilin ku iya lemlemmet diya toltoley, ket ya panpanunut da, itu nad ya arig nga pagisuratac kadidi nin.’”

1 Juan 2:27

Ket no dakayu, silalagip kayu iya tulung nga ipaay niya Ispiritu Santu nga uwed nga pe̍yeng dakayu, nga itu ya ne̍cde̍ ne̍ Kristu dakayu. Itu nga awan met kasapulan nu nga sabali nga mangisursuru dakayun, ta ya Ispiritu Santu met ya mangisuru dakayu maipanggep ka amin nga banbanag. Ket pudnu was met ya isursuru na dakayu, nga awan busid na. Itu nga laglagipen nu kuma ngarud nge̍ Kristu, sigun iya nisuru niya Ispiritu Santu dakayu.