Juan 6:43 - Ya Baru nga Tulag

⁴³ Ket kinunen ne̍ Je̍sus igida, “Madi kayu kuma agtagtagobotob nga masikuran maipanggep iyan.

Juan 6:43 Iomraidhean Croise

Matyu 16:8

Ngem e̍ Je̍sus, emmu na to kinagkagi da, ket kinunen na, “Ay, nakapsut ya panamati nu! Ape̍ nga iyan ya pagtetebbaran nu, nga awan naitarey nu nga tinapay?

Markus 9:33

Ket dimateng de̍ Je̍sus itun ka ili nga Kape̍rnaum. Ket ito uwed da iya uneg niya baley yin, sinaludsud ne̍ Je̍sus kadito adalan na nga kinunen na, “Nagan to nagdidiskutiran nu ito dalan?” kunen na.

Juan 16:19

Ket e̍ Je̍sus, emmu na nga gabay da nga pagsaludsudan, itu nga kinunen na igida, “Ape̍ nga agsisinnaludsud kayu mettin gapu ito kagic nga, ‘Iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin’?

Juan 6:42

Ket kinunen da iya panagtagtagobotob da, “Di met itu nge̍ Je̍sus nga anac nito Huse̍? Em-emmu tida met ya ama se̍ ina na. Ape̍ ngarud nga kunen na ita nga inumbe̍t kanu nga gayat ka langit?” kunen da.

Juan 6:44

Agten idi: Awan makaadenni nga sumurut iyaken no madi awisen nga mona niya Ama nga nangibon iyaken. Ket diya umadenni nga sumurut iyaken, pagungarec da nad ngarud iya kaodiyan nga algew.

Juan 6:64

Ngem orey naemmuwan nu yanin, uwed da latta dakayu diya madi mamati,” kunen ne̍ Je̍sus. Ta sigud nga emmu na no nagan dito madi mamati igina, se̍ no nagan ya mangiyawat igina.

He̍briyu 4:13

Ket agten pe̍ diya amin nga naparsuwa, ta awan mailinged e̍ Apu Diyus, nga arig nga naipac diya amin nga panglinged. Ket iya agten iyan, maemmuwan met ne̍ Apu Diyus ya aminin, ket igina met pe̍ ya sumungbatan tida.