Juan 6:32 - Ya Baru nga Tulag

³² Dikad pe̍ kinunen ne̍ Je̍sus igida, “Ibagac ya kinapudnu na dakayu: Bekken ngarud nga ito Muyse̍s ya nange̍cde̍ igida ito pagbiyag da nga gayat ka langit itun, no di lugud ya Amac. Tutu met, ket ya Amac, igina met ya mange̍cde̍ dakayu iya pudnu nga pagbiyag nga gayat ka langit.

Juan 6:32 Iomraidhean Croise

Juan 1:9

Ket ya pudnu nga maawagan ka wada, igina ya umbe̍t iya lubung ngi nga mangwada iya orey nagan na nga toley.

Juan 15:1

Ket kinunen ne̍ Je̍sus manin, “Iyaken ya maiyarig iya pudnu nga kunungan niya lanut niya ubas. Ket ya Amac, igina ya agay-aywan kadiya mulmula.

Juan 6:31

Ta dito am-ama tida itun, uwed to maawagan ka mana nga naipakan igida ito uwed da enna away. Itu to naisurat iya Bibliya nga kunen na, ‘Ne̍cdan na da ka pagbiyag da nga kanen da nga gayat ka langit,’” kunen da.

Juan 6:33

Ta ya pagbiyag nga e̍cde̍ ne̍ Apu Diyus, itu ya gayat ka langit nga mange̍cde̍ ka biyag kadiya toltoley idi nga lubung,” kunen na.

Juan 6:35

Ket e̍ Je̍sus, kinunen na ngarud igida, “Iyaken met yan nga pagbiyag, nga maiyarig ka makan nga pakabiyagan. Itu nga ya umadenni nga sumurut iyaken, madi met mabisinin. Ket ya mamati iyaken, madi pe̍ mewwew win.

Juan 6:41

Ket dito Hudyu, nagtagtagobotob da nga silulucsew maipanggep e̍ Je̍sus, gapu ito kinunen na nga igina mettas ya pagbiyag nga naggayat ka langit.

Juan 6:50

Ngem ya pagbiyag nga ibagac ita nga gennung, itu ya gayat ka langit nga tutu. Ket mabalin nga mangan diya toley idi, ket madi da met matey.

Juan 6:55

Ta pudnu nga pagbiyag ya beggic se̍ dagac.

Juan 6:58

“Agten iyan ngarud ya kayat ku nga kagiyen nga pagbiyag nga naggayat ka langit. Bekken nga agten ito pagbiyag nga kinan dito am-ama tida itun. Ta orey nangan da, ket natey da mettas. Ngem ya mangan idi nga pagbiyag nga ibagac, agbiyag met ka agnanayun,” kunen na.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.