Juan 6:30 - Ya Baru nga Tulag

³⁰ Dikad pe̍ kinunen dito toley igina, “No agten iyan, nagan ngarud ya maipasingem nga pagilasinan, tasun no masingen mi, ket mamati kami ikew? Nagan ya mawangel mu?

Juan 6:30 Iomraidhean Croise

Markus 15:32

Umulug kuma ngarudin iya krus na yan nga Kristu nga Ari kanu ka Israe̍l. Ta no masingen tida nga makaulugin, ket mamati tida iginan,” kunen da. Ket inuyaw met pe̍ dito kabulun na nga nailansa pe̍ ka krus.

Markus 8:11

Ket uwed da itun Parisiyu nga nawe̍ iya edyan ne̍ Je̍sus, ket nakidiskutir da igina. Gabay da no mangariman kuma nge̍ Je̍sus ka pagilasinan gapu ka pannakabalin nga gayat e̍ Apu Diyus. Agten iyan to inadeng da, ta gabay da nga sintiren.

Juan 10:38

Ngem orey di dac gabay nga patiyen, patiyen nu kuma lugud diya wangwanglec, tasun gapu kadidi nga pagilasinan, masursuruwan kayu se̍ maemmuwan nu kuma nga naitipun ya Ama iyaken, se̍ naitipun nac met pe̍ igina,” kunen na.

Juan 12:37

Ket orey adu dito inariman ne̍ Je̍sus nga nakaskasdaaw nga pagilasinan iya imatang dito toltoley, madi da met namati igina.

Juan 2:18

Ket itun, gapu ito winangel ne̍ Je̍sus iya Te̍mplu, kinunen diya pangpangulu diya Hudyu igina, “Nagan kad ya maipasingem nga pagilasinan, tasun ipanecnec mu dakami ya kalinteggam nga mangariman idi?” kunen da.

Juan 6:14

Ket ito nailasin dito toltoley yan nga nakaskasdaaw nga inariman ne̍ Je̍sus, kinunen da iya panagtetebbar da, “Siguradu nga itu yani ya Mammadtu nga naipadtu nga umbe̍t iya lubung ngi!” kunen da.

Juan 6:2

Ket nakad-adu diya toley nga sumursurut e̍ Je̍sus, gapu ta nasingen da dito nakaskasdaaw nga inariman na ito pinalaing na diya agsacsakit.

Juan 6:36

Ngem agten ngarud ito kunec dakayu, ta orey nasingen nun dito pagilasinan nga inar-ariman ku, madi kayu met latta mamati.

Aramid 4:30

Tulungan nakami kuma pe̍ tasun makapalaing kami kuma kadiya uwed sakit da, se̍ uwed kuma pagilasinan se̍ nakaskasdaaw nga maariman mi pe̍, gapu iya kinaturay ne̍ Je̍sus nga Anac mu nga nalinteg.” Itu diyan dito nikararag da.

1 Kurintu 1:22

Ta no diya Hudyu, ket ya gabay da, itu ya pagilasinan nga pakapanecnekkan da no pudnu yan nga panursuru. Ket no diya bekken nga Hudyu, ket kinasirib met ya ipatpateg da.

He̍briyu 2:4

Ket e̍ Apu Diyus, nipanecnec na met pe̍ maipanggep iyan, gapu kadiya nipasingen na nga pagilasinan, se̍ duduma nga nakaskasdaaw, se̍ diya nadumaduma nga nipawangel na gapu iya pannakabalin na. Ket pammanecnec pe̍ to panangiwaras ne̍ Apu Diyus ka nadumaduma nga pannakabalin nga ipaay niya Ispiritu Santu, sigun iya tarigagayan ne̍ Apu Diyus nga panangiwaras.