Juan 5:9 - Ya Baru nga Tulag

⁹ Ket sigida met nga nalaingan to lalaki. Dikad binacrun na ngarud to ida na, ket nanalanin. Ket Algew Ngilin met ito napasamac yan.

Juan 5:9 Iomraidhean Croise

Markus 1:31

Ket e̍ Je̍sus, nawe̍ ngarud iya edyan na. Nicman na ya ima nito babey, ket tinulungan na nga bimangunin. Ket awan mettin to dagang na, ket nagistimar pe̍ ka para igidan.

Markus 1:42

Ket sigida met nga naipac to kutel nan, ket nalainganin.

Markus 10:52

Ket kinunen ne̍ Je̍sus igina, “Mabalin mu ya agawir nga sitatalna ngin. Nalaingan kan gapu iya panamatim,” kunen na. Ket sigida nga nakasingen nga tutu manin, ket simurut e̍ Je̍sus ito dalanin.

Markus 5:29

Ket ito panangse̍cde̍ng na, sigida met nga simardeng ngin to panagbulus nito daga na. Ket naricna na ngarud nga naagasanin to sarut na.

Juan 5:14

Ket iya di nabayag, naaskuran ne̍ Je̍sus to lalaki enna Te̍mplu. Ket kinunen na ito lalaki, “Singem ket nalaingan kan! Ala! Isardeng mu ya panagbasbasul mu, tasun awan kuma dacdake̍c nga mapasamac nad ikew,” kunen na.

Juan 7:23

Ket ya kunec, no ipalubus nu nga makugit diya ebbing nga lalaki iya Algew Ngilin tasun madi kayu kuma kuntraen to Linteg nito Muyse̍s, ape̍ ngarud nga makaunget kayu iyaken gapu ta Algew Ngilin ya panangpalaing ku iya sibubukel nga beggi niya isa nga toley nga uwed dipe̍re̍nsiya na?

Juan 9:14

Ket Algew Ngilin met ito pananggamey ne̍ Je̍sus ka ginet nga nangpalaing na kadiya mata nito kulap.