Juan 5:40 - Ya Baru nga Tulag

⁴⁰ Ngem orey agten iyan, madi kayu met gabay ya umadenni nga sumurut iyaken, tasun mae̍cdan kayu kuma iyan nga biyag.

Juan 5:40 Iomraidhean Croise

Matyu 22:3

Ket nibon nito ari diya tagabu na nga mawe̍ da palbe̍ten diya naawis ito pakalun. Ngem dito naawis, madi da met gabay ya mawe̍ makipakalun.

Matyu 23:37

“Ay, dakayu nga iHe̍rusale̍m! Pakapateyyan met dito mammadtu ya siyudad nu. Ngarud, diya ibon dakayu ne̍ Apu Diyus, pakabatuwan da met ya siyudad nu. Mame̍npiga met nga gabay ku ya mangurnung kuma dakayu, nga arig nga panangsikuyup niya gaganac kadiya piyec na iya linung diya payac na. Ngem madi kayu met.

Juan 1:11

Ket ito inumbe̍t iya mismu nga ili na, madi met inawat diya kailiyan na.

Juan 10:10

“No ya tulisan, umbe̍t tasun agtakew, pumatey se̍ mangpukaw. Ngem iyaken, bekken nac nga agten iyan, ta inumbe̍t tac tasun mange̍cde̍ yac ka biyag kadiya ibilang ku nga karne̍ruc. Ket iya agten iyan, uwed ngarud biyag da nga awan pagkurangan na.

Juan 3:19

Agten idi ya pakaukuman toley: Inumbe̍t idi nga lubung ngin ya Mangwada ka toley. Ngem gapu ta dake̍c diya wangwanglen diya toltoley, ginabgabay da ya gicbet ngem iya wada.

Juan 5:39

“Dakayu, ad-adalen nu met diya naisurat iya Bibliya, gapu ta pagarupen nu nga itu ya pakaaskuran nu iya makae̍cde̍ ka biyag nga agnanayun. Ket ya kinapudnu na, diya naisurat iya Bibliya, itu mettas diya mangipanecnec maipanggep iyaken.

Juan 5:41

“Ket iyaken, bekken nga ya panangpadayaw niya toley ya sapsapulec.

Juan 5:44

“Madi nu ngarud mabalin ya mamati iyaken, ta ya kalikaguman nu, bekken nga ya panangannamung niya is-isa nga Diyus dakayu, no di lugud ya pammadayaw niya pada nu nga toley.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Juan 6:37

Ngem amin diya toley nga italec niya Ama iyaken, itu diyan diya umadenni nga sumurut iyaken. Ket ya umadenni nga sumurut iyaken, madic ngarud pagtalawen.

Juan 6:40

Ngarud, tarigagay niya Amac nga amin diya makaemmu se̍ mamati iya Anac, mae̍cdan da iya agnanayun nga biyag. Ket pagungarec da nad ngarud iya kaodiyan nga algew win,” kunen na.

Ruma 6:23

Ta ya supapac niya basul, ket patey. Ngem biyag nga agnanayun met nga gennung ya isagut ne̍ Apu Diyus dactida gapu iya pannakaibulun tida e̍ Kristu Je̍sus nga Apu tida.

Paltiing 22:17

Ket, “Umbe̍t ka kuma ngin!” kunen met niya Ispiritu ne̍ Apu Diyus se̍ ya Nubya. Ket diya makagicna idi nga ayab, kunen da kuma pe̍, “Umbe̍t ka kuma ngin!” Ket diya mewwew, umadenni da kuma ngarud nga makiinum, ta mapalubusan mettin diya mayat nga makiinum ito danum nga mange̍cde̍ ka biyag, ket awan pe̍ bayad na.