Juan 5:39 - Ya Baru nga Tulag

³⁹ “Dakayu, ad-adalen nu met diya naisurat iya Bibliya, gapu ta pagarupen nu nga itu ya pakaaskuran nu iya makae̍cde̍ ka biyag nga agnanayun. Ket ya kinapudnu na, diya naisurat iya Bibliya, itu mettas diya mangipanecnec maipanggep iyaken.

Juan 5:39 Iomraidhean Croise

Matyu 22:29

Ket simungbat ngarud nge̍ Je̍sus igida, nga kinunen na, “Nairradu kayu met iya panagpanpanunut nu! Ta madi nu ngamin emmu ya banag nga naisurat iya Bibliya, se̍ madi nu pe̍ emmu ya pannakabalin ne̍ Apu Diyus.

Markus 10:3

Ket kinunen met ne̍ Je̍sus igida, “Nagan ngarud to nibilin nito Muyse̍s dakayu maipanggep iyan?” kunen na.

Markus 12:10

Arig nga madi nu pekkem nabasa to naisurat iya Bibliya nga kunen na, ‘Iyan mettas nga batu nga nitemsit ngas dito nangpatdec, itu met ya nagbalin nga kangrunaan nga panuli yin.

Lukas 16:29

“Ngem kinunen ne̍ Abraham, ‘Uwed met igida ennan dito naisurat nga kagkagi ne̍ Muyse̍s se̍ dito mammadtu. Diyan kuma ya pakaemmuwan da nga ipangag dan,’ kunen na.

Lukas 16:31

“Ngem kinunen ne̍ Abraham igina, ‘No madi da ipangag diya kagkagi ne̍ Muyse̍s se̍ dito kagkagi dito mammadtu, madi da met pe̍ mamati orey no uwed toley nga nagungar,’ kunen ne̍ Abraham,” kunen na.

Lukas 24:25

Ket e̍ Je̍sus, kinunen na ngarud igida, “Ape̍ lugud nga nakapsut ya pannakaawat nu? Ape̍ nga narigat kayu nga mamati kadito amin nga kinagi dito mammadtu?

Lukas 24:27

Ket iya agten iyan, nipalawag ne̍ Je̍sus igida ya banbanag nga naisurat iya amin nga Bibliya maipanggep mettas igina, nga nirugi na kadito nisurat nito Muyse̍s, se̍ nituluy na kadito kinagi dito amin nga mammadtu nga naisurat iya Bibliya.

Lukas 24:44

Kalpasan na, kinunen na igida, “Itu yani to nibagac dakayu ito nakibulbulun nac pekkem dakayu itun, nga masapul nga matungpal amin nga naisurat maipanggep iyaken iya Linteg nito Muyse̍s se̍ kadiya liblibru dito mammadtu se̍ iya libru nga Salmu,” kunen na.

Juan 1:45

Ket e̍ Pe̍lipe̍, nawe̍ na met sinapul nge̍ Natanye̍l, ket kinunen na igina, “Nasmac mi mettin to toley nga nisurat nito Muyse̍s iya libru na nga Linteg tida, se̍ to nisurat dito mammadtu pe̍. Itu met nge̍ Je̍sus nga iNasare̍t nga anac ne̍ Huse̍,” kunen na.

Juan 5:32

Ngem uwed met sabali nga mangipanecnec maipanggep iyaken, ket itu ya Ama. Ket emmuc nga pudnu met ya ibaga na nga mangipanecnec maipanggep iyaken.

Juan 5:36

Ngem ya pammanecnec nga uwed iyaken, nabacbaked pekkem ngem ito panangipanecnec nito Juan. Ta diya ipawpawangel niya Ama iyaken, itu pe̍ diya mangpanecnec iya maipanggep iyaken. Ket itu ngarud didi diya wangwanglec ita. Ket didi met diya mangipasingen nga nibon nac nga tutu ya Ama.

Juan 5:40

Ngem orey agten iyan, madi kayu met gabay ya umadenni nga sumurut iyaken, tasun mae̍cdan kayu kuma iyan nga biyag.

Juan 5:46

Tutu met nga agten iyan, ta no tutu nga namati kayu kuma kadiya nisursurat nito Muyse̍s, pinati dac ngarud met pe̍ yin. Ta maipanggep ngarud iyaken to nisurat na.

Juan 7:52

Ket kinunen dito duduma igina, “Ahah! IGalilya ka pe̍ aya? Adalem nga nalaing diya naisurat iya Bibliya, ket maemmuwam ngarudin nga pulus nga awan mammadtu nga tumaud ka prubinsiya nga Galilya!” kunen da.

Aramid 13:27

Ngem dito Hudyu nga iHe̍rusale̍m se̍ dito pangpangulu da, madi da nalasin nga e̍ Je̍sus to nibon ne̍ Apu Diyus. Se̍ di da pe̍ naawatan ya banag dito nisurat dito mammadtu itun, orey itu ya maibasbasa iya kada Algew Ngilin kadiya gigimungan da. Ket igida met diya nangtungpal iya banag mettas dito nibasbasa da, ito inukum da met nge̍ Je̍sus nga nipapatey da.

Aramid 17:11

Ket dito Hudyu ka Be̍rya, nanacnacman da ngem kadito iTe̍salunika, ta gabay da nga unay ya agdengngeg iya kagi ne̍ Apu Diyus. Ket inalgew nga ad-adalen da ya Bibliya, tasun mapanecnekkan da no pudnu dito isursuru de̍ Pablu.

Aramid 26:27

Ket e̍ Ari Agripa manin ya nangagiyan ne̍ Pablu, nga kinunen na, “Apu Ari Agripa, mamati ka kid kadito kinagkagi dito mammadtu itun. Emmuc ngarud nga mamati ka,” kunen na met.

Ruma 1:2

Ket idi nga Makaparagsac nga Damag, itun pekkem nga nikari ne̍ Apu Diyus yani, nga nipaisurat na iya nadiyusan nga Bibliya kadito mammadtu na itun.

Ruma 3:2

Ngem adu met. Ta ya kangrunaan, diya Hudyu met diya nangitalkan ne̍ Apu Diyus iya nipakaemmu na nga kagi na.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

He̍briyu 11:16

Ngem namaymayat met to ili nga inarapaap da, nga itu ya uwed ka langit. Itu nga madi malyew nge̍ Apu Diyus no kunen da nga igina ya Diyus da, ta uwed met nisagana na nga ili dan.

He̍briyu 11:35

Ket uwed da pe̍ babey itun, nga gapu ta uwed pe̍ panamati da, napagungar dito duduma kadito minminatey da, ket naiyawat mettas igida. Ket uwed da pe̍ lalaki itun, nga gapu mettas iya panamati da, nitured da ya naparparigat agingga nga napatey da, orey uwed met gundaway da nga mawayawayaan. Ngem madi da latta nagbabawi iya panamati da, ata ninamnama dan ya pannakapagungar da nad iya namaymayat nga biyag.

Paltiing 19:10

Itu nga nagdarongkeb bac ngarud ito sangu nito anghe̍l, tasun agdaydayaw wac kuma igina. Ngem kinunen na iyaken, “Bay-am yan! Ta kapada nac ngas nga agsirsirbi e̍ Apu Diyus. Kapada nac ngarud se̍ dito kakabsat mu nga mangipatpateg iya pudnu nga nipakaemmu ne̍ Je̍sus. E̍ Apu Diyus ngas met ya rumbeng nga pagdaydayawam!” kunen na. Ta ya pudnu nga nipakaemmu ne̍ Je̍sus, itu mettas ya banag niya ipacpakaemmu diya mangikaskasaba maipanggep igina.