Juan 5:38 - Ya Baru nga Tulag

³⁸ Ket bekken ngarud nga ya kagi na ya laglagipen nu, ta madi kayu patpatiyen ya nibon na.

Juan 5:38 Iomraidhean Croise

Juan 1:11

Ket ito inumbe̍t iya mismu nga ili na, madi met inawat diya kailiyan na.

Juan 15:7

Ngem no silalagip kayu iyaken, se̍ no diya kagic dakayu ya pe̍yeng nu nga laglagipen, maipaay ngarud dakayu ya orey nagan na nga gabay nu nga adngen iya Ama.

Juan 8:37

“Emmuc nga kapututan nakayu to Abraham. Ngem orey agten iyan, gabay dac met nga patayen, gapu ta madi kayu gabay nga patiyen ya kagic nga isursuruc dakayu.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

1 Juan 2:14

Agsurat tac pe̍ dakayu nga am-ama, gapu ta em-emmu nun ya uwed nga pe̍yeng orey ito panangrugi niya amin. Agsurat tac pe̍ dakayu nga babagu, gapu ta nabileg ya panamati nu e̍ Apu Diyus, se̍ silalagip kayu iya kagi na nga uwed nga pe̍yeng dakayu, ket se̍ gapu ta inabac nun ya managdacdake̍c.