Juan 5:37 - Ya Baru nga Tulag

³⁷ Ket ya Ama nga nangibon iyaken, igina mettas pe̍ ya nangipanecnec iya maipanggep iyaken. Ngem dakayu, pulus nga madi nu nipangag ya kagi na, se̍ madi nu pe̍ nasingen ya langa na.

Juan 5:37 Iomraidhean Croise

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Markus 1:11

Ket uwed pe̍ timec nga nagicna antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Lukas 24:27

Ket iya agten iyan, nipalawag ne̍ Je̍sus igida ya banbanag nga naisurat iya amin nga Bibliya maipanggep mettas igina, nga nirugi na kadito nisurat nito Muyse̍s, se̍ nituluy na kadito kinagi dito amin nga mammadtu nga naisurat iya Bibliya.

Lukas 3:22

Ket nagpasegged met igina ya Ispiritu Santu nga sibebeggi, nga umasping ka kalapati. Ket uwed pe̍ nagicna nga timec antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 14:9

Ket kinunen ne̍ Je̍sus, “Ay Pe̍lipe̍, nabayag gac met nga nakibulubulun dakayun. Di nac kad pekkem em-emmu? Ape̍ kunem pekkem mas nga ipasingec dakayu ya Ama? Ta ya nakasingen iyaken, nasingen na met pe̍ ya Ama ngin.

Juan 15:24

Awan kuma ngarud maibilang nga pakabasulan da no madi da kuma nasingen dito inariman ku iya imatang da, nga nakaskasdaaw nga di pekkem naariman toley. Ngem ita, nasingen da mettin, ket dakami nga duwa ya Amac ya gurguraen da.

Juan 5:32

Ngem uwed met sabali nga mangipanecnec maipanggep iyaken, ket itu ya Ama. Ket emmuc nga pudnu met ya ibaga na nga mangipanecnec maipanggep iyaken.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Juan 8:18

Ket duwa kami met nga mangpanecnec kin, ta iyaken mettas ya isa nga mangipakaemmu iya pudnu maipanggep iya beggic, ket se̍ ya Ama nga nangibon iyaken, igina pe̍ ya isa,” kunen na.

1 Timutyu 1:17

Sapay kuma ta daydayawen tida nge̍ Apu Diyus nga agnanayun nga Ari tida nga madi matey. Itu ya is-isa nga Diyus ket madi pe̍ masingen toley. Madaydayaw kuma ka agnanayun nga awan patingga na! Agten iyan kuma.

1 Timutyu 6:16

Igina ngas ya awan pannakatey na. Ket igina, aged-edyan met ka wada nga madi maadenniyan niya toley. Pulus nga awan pekkem toley nga nakasingen igina, ket awan pe̍ makasingen igina ita, ta awan makabael. Igina kuma ya madaydayaw nga mannakabalin ka agnanayun. Agten iyan kuma.

1 Juan 4:12

Pudnu met nga awan pekkem nakasingen e̍ Apu Diyus. Ngem no agiinnayat tida, maemmuwan tida nga laglagipen nactida nge̍ Apu Diyus, se̍ maemmuwan tida pe̍ nga matungpalin ya panggep na maipanggep iya ayat na dactida.

1 Juan 4:20

Ngem no uwed agkunen nga ayaten na kanu nge̍ Apu Diyus, ngem kagura na met latta ya kapada na, agbusid met. Ta no madi na ayaten ya kapada na nga masingen na, madi met mabalin nga ayaten na nge̍ Apu Diyus nga madi na masingen.

1 Juan 5:9

No uwed kuma toley nga mangpanecnec, patiyen tida ngarud ya kagi na. Dikad pe̍ no e̍ Apu Diyus, nangnangruna kuma ngarud nga patiyen tida ya pammanecnec na maipanggep iya Anac na. Ta napatpateg met ya pammanecnec ne̍ Apu Diyus ngem iya pammanecnec niya toley.