Juan 5:36 - Ya Baru nga Tulag

³⁶ Ngem ya pammanecnec nga uwed iyaken, nabacbaked pekkem ngem ito panangipanecnec nito Juan. Ta diya ipawpawangel niya Ama iyaken, itu pe̍ diya mangpanecnec iya maipanggep iyaken. Ket itu ngarud didi diya wangwanglec ita. Ket didi met diya mangipasingen nga nibon nac nga tutu ya Ama.

Juan 5:36 Iomraidhean Croise

Matyu 11:4

Ket kinunen ne̍ Je̍sus igida, “Sumoli kayu iya edyan ne̍ Juan, ket ibaga nu igina diya nagicna se̍ nasingen nu idi.

Lukas 2:49

Ket kinunen ne̍ Je̍sus igida, “Ape̍ nga sapsapulen dac? Madi kayu kad emmu nga masapul nga ya baley ne̍ Amac ya edyan ku?” kunen na.

Juan 10:25

Ket kinunen ne̍ Je̍sus igida, “Nibagac met dakayun, ngem di dac met patiyen. Diya wangwanglec gapu iya kinaturay nga nipaay niya Amac iyaken, itu diyan diya mangipanecnec dakayu maipanggep iyaken.

Juan 11:37

Ngem uwed dito duduma igida nga nagkunen, “Di lugud igina kanu to nangpalaing ito kulap itun? Ape̍ nga di na met nabalinan nga nilisi yan nga toley ka patey?” kunen da.

Juan 15:24

Awan kuma ngarud maibilang nga pakabasulan da no madi da kuma nasingen dito inariman ku iya imatang da, nga nakaskasdaaw nga di pekkem naariman toley. Ngem ita, nasingen da mettin, ket dakami nga duwa ya Amac ya gurguraen da.

Juan 17:4

Iyaken, nidaydayaw naka ngarud idi nga lubungin, ta tinungpal kun ya nipawangel mu iyaken.

Juan 2:23

Ket itun, uwed nge̍ Je̍sus ka He̍rusale̍m ito madama ya timpu Padaya Nitatalib. Ket adu diya namati iya turay na, gapu ta nasingen da diya nakaskasdaaw nga pagilasinan nga inar-ariman na.

Juan 3:17

Ta nibon ne̍ Apu Diyus ya Anac na idi nga lubung tasun maisalakan kuma diya toley gapu igina, nga bekken nga tasun ukumen na da.

Juan 3:2

Iya name̍nsan, ginabi nito Nikude̍mu ya nawe̍ iya edyan ne̍ Je̍sus. Ket kinunen na igina, “Mistru, emmu mi nga isa ka nga manursuru nga nibon ne̍ Apu Diyus. Ta awan makaariman kadiya nakaskasdaaw nga pagilasinan nga ar-arimanem, no awan igina nge̍ Apu Diyus,” kunen na.

Juan 4:34

Dikad pe̍ e̍ Je̍sus, kinunen na igida, “Ya pagbiyag ku nga kunec, itu ya panangtungpal ku iya tarigagay niya nangibon iyaken, se̍ ya panangilpas ku iya ipawangel na iyaken.

Juan 5:32

Ngem uwed met sabali nga mangipanecnec maipanggep iyaken, ket itu ya Ama. Ket emmuc nga pudnu met ya ibaga na nga mangipanecnec maipanggep iyaken.

Aramid 2:22

Ket nituluy ne̍ Pe̍dru to panagpalawag na nga kinunen na, “Kapadpadac nga Israe̍lita, denggen nu kuma ya ibagac. No maipanggep e̍ Je̍sus nga iNasare̍t, nipakaemmu ne̍ Apu Diyus dactida ya nakaibonan na, ta uwed nipasingen na dakayu nga nakaskasdaaw, se̍ milagru se̍ pagilasinan. Ngem emmu nu diyanin, ta nasingen nu met dito nipawangel ne̍ Apu Diyus e̍ Je̍sus itun iya imatang nu mettas.

1 Juan 5:9

No uwed kuma toley nga mangpanecnec, patiyen tida ngarud ya kagi na. Dikad pe̍ no e̍ Apu Diyus, nangnangruna kuma ngarud nga patiyen tida ya pammanecnec na maipanggep iya Anac na. Ta napatpateg met ya pammanecnec ne̍ Apu Diyus ngem iya pammanecnec niya toley.