Juan 5:29 - Ya Baru nga Tulag

²⁹ ket rumwar da nad met kadiya tamtamen da. Ket diya nangtungpal kadiya nabaru ito kauwed da nga biyag, mapagungar da nad nga agbiyag manin. Ngem diya nagwangel kadiya dake̍c, mapagungar da nad tasun maukum da.

Juan 5:29 Iomraidhean Croise

Lukas 14:14

Ket no agten iyan, nagasat ka ngarud, ta diya agten kadiyan nga toley, madi daka masupapakan. Masupapakan ka met nad no panagungar diya napalinteg nga toley,” kunen na.

Aramid 24:15

Namnamaec pe̍ ya panangpagungar ne̍ Apu Diyus kadiya amin nga toley, nga dake̍c man se̍ nalinteg. Ket orey pe̍ didi nga mangipabasul iyaken, itu met pe̍ ya namnamaen da.

1 Timutyu 6:18

Itu nga ibagam igida nga wanglen da kuma nga pe̍yeng ya nabaru para kadiya makasapul, nga ibilang da kuma nga kinabacnang dan ya panangtulung da ka toley. Ngarud, managkaasi da kuma nga bekken nga nakirmet.

He̍briyu 10:27

Ket ya agten iyan nga toley nga awan namnamaen na nga pakapakawanan, ket yan nas ansing ya uwed iginan. Ta bagi na ngas ya panangukum ne̍ Apu Diyus, se̍ ya arig nga gumgumlayab nga apuy nga nakasagana ngin tasun mangpukaw kadiya kumuntra e̍ Apu Diyus.

He̍briyu 13:16

Ket di nu kuma pe̍ liwayan ya panagariman ka nabaru, se̍ ya panagtitinnulung nga siaasi. Ta diya agten kadiyan, arig da nga datun nu nga makaay-ayu e̍ Apu Diyus.

1 Pe̍dru 3:11

Masapul nga adeyyuwan na ya dake̍c, nga tungpalen na nga gennung ya nabaru win. Ket ya panagkikinnaawatan niya toley kuma ya ipatpateg na, ket se̍ igina kuma ya isa nga mangpatalna.