Juan 5:27 - Ya Baru nga Tulag

²⁷ Ket se̍ ne̍cde̍ na pe̍ iya Anac ya turay nga mangukum, gapu ta igina ngarud met ya Anac nga Naipatoley.

Juan 5:27 Iomraidhean Croise

Matyu 9:6

Itan, panecnekkac ngarud dakayu nga ya Anac nga Naipatoley, uwed turay na idi nga lubung nga mamakawan ka basul.” Ket kinunen na met ito lugpi, “Ket ikew, bumangun kan. Bacrunem ya idam, se̍ agawir kan,” kunen na.

Juan 5:22

“Ket no ya panangukum ka toley, bekken nin nga ya Ama ya mangukum, ta ne̍cde̍ nan iya Anac ya amin nga turay nga mangukum.

Juan 9:39

Ket kinunen ne̍ Je̍sus, “Inumbe̍t tac idi nga lubung, nga manglinteg kadiya toltoley, tasun makasingen kuma diya maiyarig ka kulap, se̍ tasun diya agkunen nga makasingen da, igida nga gennung ya agbalin nga arig nga kulapin,” kunen na.

Aramid 10:42

Ket nibilin pe̍ ne̍ Je̍sus nga mangikasaba kami kadiya toley, nga ipanecnec mi kanu nga sipapasnec nga e̍ Je̍sus, igina ya dinutukan ne̍ Apu Diyus nga mangikeddeng no nagan na ya pagtungpalan diya toley nga sibibiyag pekkem se̍ diya natey yin.

Aramid 17:31

Agbabawi tida kuma ngarudin, ta uwed lalaki nga nisaad ne̍ Apu Diyusin nga mangikeddeng iya pagbanagan diya amin nga toley iya lubung. Ket e̍ Apu Diyus, nalinteg nad nga tutu yan nga pangngeddeng na. Ket emmu na pe̍ no nungey nad ya pannakapasamac niyan, ta igina met ya nakin-keddeng. Ket emmu tida nga tutu diyan, ta ne̍cde̍ ne̍ Apu Diyus ya pammanecnec na dactida nga amin, ta pinagungar na mettin to nisaad na nga mangikeddeng nad mettas.” Itu yan to patingga nito kagi ne̍ Pablu itun.

1 Kurintu 15:25

Agten iyan ngarud, ta masapul nga e̍ Kristu ya agari agingga na nga ipaabac ne̍ Apu Diyus igina diya amin nga gumurgura igina, se̍ na da ipaituray e̍ Kristu win.

He̍briyu 1:2

Ngem ita nga kaodiyan nga timpu win, nipakaemmu nan ya kagi na dactida gapu iya Anac na. Igina met pe̍ ya pinagparsuwa ne̍ Apu Diyus iya amin nga uwed iya lubung, se̍ igina pe̍ ya pinili ne̍ Apu Diyus nga agtawid kadiya amin.

1 Pe̍dru 3:22

Ket e̍ Je̍su Kristu, nawe̍ ka langitin, nga uwed itan iya kadayawan nga edyan, nga itu ya madiwanan ne̍ Apu Diyus. Ket naipaituray iginan diya anghe̍le̍s se̍ diya amin nga duduma nga nailangitan nga uwed turay winno pannakabalin da.