Juan 5:2 - Ya Baru nga Tulag

² Ket enna He̍rusale̍m, uwed isa nga naptut nga pagdigusan da nga nale̍cbut ka lima nga ruwangan nga naatpan. Maawagan yan nga pagdigusan ka Be̍tsata no ya kagi He̍briyu, ket denni iya isa nga ruwangan niya siyudad nga maawagan ka Ruwangan Para Karne̍ru.

Juan 5:2 Iomraidhean Croise

Juan 19:13

Dikad pe̍ ito nagicna ne̍ Pilatu diyan nga kinagkagi da, niruwar na ngarud nge̍ Je̍sus iya sangu dan. Ket e̍ Pilatu, nawe̍ nagtugew iya tugew nga pangukuman nga maawagan ka “Gabata”, nga itu ya kagi He̍briyu nga kayat na nga kagiyen, “Platapurma nga Batu.”

Juan 19:17

se̍ da niruwar iya siyudad nga He̍rusale̍m, nga bugbugtungen na met ya krus na. Ket nipen da iya lugar nga maawagan ka Gulguta, nga itu ya kagi He̍briyu nga kayat na nga kagiyen, “Edyan Bangabanga.”

Juan 19:20

Ket adu dito Hudyu nga nakabasa idi nga pakaemmu, ta denni ngas iya siyudad to lugar nga nakailansaan ne̍ Je̍sus. Ket to pakaemmu, naisurat met ka tellu nga pagkakagi, ta naisurat ka pagkakagi nga He̍briyu, Latin se̍ Griye̍gu.

Juan 20:16

Ket kinunen ne̍ Je̍sus igina, “Marya!” kunen na. Simangu ngarud nge̍ Marya iginan nga kinunen na, “Ay, Rabbuni!” kunen na, ket kagi He̍briyu yan, nga kayat na nga kagiyen, “Apu Mistru.”

Juan 5:3

Iya lidum dito lima nga ruwangan, adu diya uwed dipe̍re̍nsiya niya beggi da nga agiida antuni, nga agten kadiya kulap, piley, se̍ dito nacpe̍t ya duduma nga parte̍ niya beggi da. [It-iton da ya arinewnew niya danum.

Juan 7:21

Ket kinunen ne̍ Je̍sus igida, “Gapu ito isa nga winangel ku ito name̍nsan nga Algew Ngilin, nasikuran kayu met nga amin.

Aramid 21:40

Ket pinalubusan ngarud nito kumande̍r nge̍ Pablu. Dikad pe̍ e̍ Pablu, nagsikad ito agdan nito kampu, se̍ na sininyasan dito napagas nga toltoley nga agulimec da. Ket ito nagtalna nga nalaing dito toltoley yin, nagkagi nge̍ Pablu igida ka kagi da nga He̍briyu.

Paltiing 16:16

Ket itun, inurnung ngarud dito tellu nga sairu diya ar-ari ka lugar nga maaw-awagan ka Armahe̍dun iya pagkakagi nga He̍briyu.

Paltiing 9:11

Ket uwed met ari da nga mangituray igida, nga itu ya dake̍c nga anghe̍l nga mangituray ito nakaun-uneg nga ebbut iya ginet. Ket ya nagan nito anghe̍l, Abaddun no kagi He̍briyu, ket Apulyun met ya nagan na ka kagi Griye̍gu, nga kayat na nga kagiyen, “Mangpukaw.”