Juan 5:17 - Ya Baru nga Tulag

¹⁷ Ngem kinunen met ne̍ Je̍sus igida, “Kanayun ya panagwangel ne̍ Amac nga awan sardeng na, ket agten nac pe̍ iyan nga agwangwangel,” kunen na.

Juan 5:17 Iomraidhean Croise

Matyu 10:29

“Panunuten nu pe̍ yani: No diya sibud nga lignes, malaku da met ka pisus ngas ya duwa. Ngem orey e̍teng ya pateg da, awan met orey isa igida nga matey, no di pekkem ipalubus niya Ama nu.

Juan 10:36

Itu nga no maipanggep iyaken, ape̍ kunen nu nga maikuntra e̍ Apu Diyus ya kagic no kunec nga iyaken ya Anac ne̍ Apu Diyus? Ta iyaken, pinili nac met ya Ama nga agpaay iya panggep na, ket nibon nac ngarud iya lubung ngi.

Juan 14:10

Madi ka kad pekkem patiyen nga naitipun nac iya Ama, se̍ ya Ama, naitipun pe̍ iyaken? Ket diya kagkagiyec dakayu, bekken nga tumaud das iyaken. Ta ya Ama nga agedyan iyaken, igina ya mangibilin iyaken kadiya ipawangel na iyaken.

Juan 5:16

Dikad pe̍ dito pangpangulu diya Hudyu, nawe̍ da kinuntra nge̍ Je̍susin, ta nangpalaing iya Algew Ngilin.

Juan 5:18

Itu nga ad-adda lugud manin ya pinget dito pangpangulu diya Hudyu nga mangpapatey e̍ Je̍sus, bekken nas nga gapu iya panangsalungasing na kanu iya paglinteggan niya Algew Ngilin, no di lugud pe̍ gapu ta kinunen na nga Ama na mettas nge̍ Apu Diyus. Ket iya agten iyan, nipada na met ya beggi na e̍ Apu Diyus.

Juan 9:4

Ya ita nga timpu, maiyarig iya algew. Itu nga masapul nga wanglen tida diya ipawangel niya nangibon iyaken. Ta nad no timpu nga arig nga gumabi yin, awan makawangel lin.

Aramid 14:17

Ngem orey itun, uwed met pakaemmuwan diya toley iya kinauwed ne̍ Apu Diyus. Ta uwed dito nabaru nga inariman na nga pangparagsac dakayu, agten iya panagudan, se̍ iya dinagun nga panamisic diya mulmula, tasun uwed kanen nu,” kunen de̍ Pablu.

Aramid 17:28

Ta agten ngarud iya kunen da nga, ‘Igina ya makagapu iya kinauwed tida, se̍ igina met ya mange̍cde̍ ka biyag se̍ bileg tida.’ “Orey dito mamasirib dakayu itun, agten pe̍ iyan to kinagi da, ito kinunen da nga, ‘Diyus ya akin-anac dactida nga toley,’ kunen da met itun.

1 Kurintu 12:6

Adu pe̍ diya nadumaduma nga kabaellan toley nga maipaay e̍ Apu Diyus, ngem is-isa met nga Diyus ya mangipaariman ka amin diyan nga kabaellan niya tunggal toley.

Kulusas 1:16

Tutu met yan, ta gapu mettas igina, naparsuwa diya amin nga uwed ka langit se̍ diya uwed idi nga lubung. Itu diya masingen, se̍ diya madi masingen pe̍, nga agten kadiya uwed pannakabalin da, se̍ diya uwed kinadayaw da, se̍ diya uwed kinaturay da, se̍ diya maaw-awagan ka apu. Ngarud, amin diya naparsuwa, ket naparsuwa da mettas gapu igina, se̍ maipaay da pe̍ igina.

1 Te̍salunika 2:13

Ket agyaman kami nga pe̍yeng e̍ Apu Diyus gapu ta ito nipakaemmu mi dakayu ya kagi ne̍ Apu Diyus, pinati nu. Nibilang nu nga tutu nga kagi nga gayat e̍ Apu Diyus, bekken nas nga kagi toley. Ket tutu met nga kagi ne̍ Apu Diyus yan nga mangiturturung dakayu nga mamati.

He̍briyu 1:3

Ket ya Anac, igina mettas ya pakaemmuwan iya kinadayaw ne̍ Apu Diyus, se̍ igina ya pakasingnan iya gangey na. Ket gapu iya pannakabalin niya kagi niya Anac, igina ya makaemmu nga mangiturung kadiya amin nga naparsuwa. Ket ito nalpas ya panangdalus na dactida nga toley kadiya basbasul tida, nagtugew iya kadayawan nga edyan, nga itu ya madiwanan niya Nadayag nga Diyus nga nailangitan.