Juan 5:16 - Ya Baru nga Tulag

¹⁶ Dikad pe̍ dito pangpangulu diya Hudyu, nawe̍ da kinuntra nge̍ Je̍susin, ta nangpalaing iya Algew Ngilin.

Juan 5:16 Iomraidhean Croise

Matyu 12:13

Ket kinunen na ito lalaki, “Ucnatem ya imam,” kunen na. Ket inucnat ngarud nito lalaki to ima na, ket nalaingan met nga tutu win, nga naipada ito isa nga ima nan.

Markus 3:6

Ket dito Parisiyu, rinumwar dan, nga nagtarus da met nga nawe̍ kadito toley nito Ari He̍rude̍s, tasun makiuman da no kumaan kuma niya panangpukaw da e̍ Je̍sus.

Lukas 6:11

Ngem napalaus ya unget dito Parisiyu se̍ dito manursuru iya Linteg, ket nagtetebbaran da no kumaan kuma niya pamaayan da e̍ Je̍sus.

Juan 1:19

Ket agten idi ya panangipakaemmu nito Juan maipanggep e̍ Je̍sus itun: Iya name̍nsan, uwed da agsirsirbi iya Te̍mplu se̍ katulungan iya Te̍mplu nga kapututan nito Le̍bi, nga nawe̍ da ito edyan nito Juan, nga gayat da ka He̍rusale̍m. Nibon diya pangpangulu diya Hudyu didi nga agsirsirbi se̍ katulungan, nga mawe̍ da kanu agsaludsud ito Juan no igina ya Kristu.

Juan 10:39

Ket gapu kadiyan nga kinunen ne̍ Je̍sus, panggeppen da manin nga tacmen, ngem nakalisi met.

Juan 15:20

Laglagipen nu kuma to nibagac dakayu, nga bekken nga nangatngatu ya tagabu ngem iya amu na. Dikad pe̍ gapu ta nirurumen dac, ket uwed da met pe̍ igida diya mangirurumen nad dakayu. Ket se̍ gapu ta uwed da pe̍ duduma igida nga nagtungpal iya kagic, ket uwed met pe̍ diya agtungpal nad iya kagi nu.

Juan 5:10

Itu nga kinunen dito pangpangulu diya Hudyu ito lalaki nga nalaingan, “Algew Ngilin met. Ket sigun iya Linteg tida, maiparit met nga agtuwem ya idam ita,” kunen da.

Juan 5:13

Ngem to lalaki nga nalaingan, madi na met emmu no nagan to nangpalaing igina. Ta adu diya toley iyan nga lugar, ket nagliguligud nge̍ Je̍susin.

Juan 5:15

Ket to lalaki, nawe̍ na nipakaemmu kadito pangpangulu diya Hudyu nga e̍ Je̍sus gayam ya nangpalaing igina.

Juan 5:17

Ngem kinunen met ne̍ Je̍sus igida, “Kanayun ya panagwangel ne̍ Amac nga awan sardeng na, ket agten nac pe̍ iyan nga agwangwangel,” kunen na.

Juan 5:18

Itu nga ad-adda lugud manin ya pinget dito pangpangulu diya Hudyu nga mangpapatey e̍ Je̍sus, bekken nas nga gapu iya panangsalungasing na kanu iya paglinteggan niya Algew Ngilin, no di lugud pe̍ gapu ta kinunen na nga Ama na mettas nge̍ Apu Diyus. Ket iya agten iyan, nipada na met ya beggi na e̍ Apu Diyus.

Juan 7:21

Ket kinunen ne̍ Je̍sus igida, “Gapu ito isa nga winangel ku ito name̍nsan nga Algew Ngilin, nasikuran kayu met nga amin.

Juan 7:25

Dikad pe̍ dito duduma nga iHe̍rusale̍m nga nakagicna igina, kinunen da, “Igina met yani to toley nga gabay da nga patayen.